Deuteronomio 7:13 - Kashibo-Kakataibo Biblia

¹³ ꞌAkin ka an mitsu nuibakin ꞌuakamë ꞌëoimi bëchipanun ꞌimianan mitsun bakë bëchikëkama upíokin sinánxuanan mitsun ñu ꞌapákë bitsia aribi ꞌanan trigo bimi ꞌimainun, uvas baka ꞌakë, ꞌimainun xëni, akëñunbi, ꞌanan mitsun vaca bakëkama ꞌimainun, ovejakama a kamabi a me ꞌinánnuxua nun chaitiokëkama ka a menua upí ꞌinun ꞌimiti ꞌikën.

Deuteronomio 7:13 ပူးပေါင်းရင်းမြစ်များ

Nehemías 9:32

Mix kamina chaiira ꞌianan Dios kushiira ꞌain ꞌimainun ka kamabi unix mimi rakuë́tia, usa ꞌaish kamina Dios ñu ꞌakatsi kiax kana ꞌaima kikínma an ñu asérabi ꞌakë a ꞌain, ꞌimainun kamina uínsaranbi nu nuibakin ënkëma ꞌain, minbi kamina isan uitishi kara nun ꞌapukama ꞌimainun ain kushikama ꞌianan, nun sacerdote ꞌimainun an min bana ñuikë unikamabë nun chaitiokëkama ꞌiásaribiti tëmëraia, a nëtëkaman Asiria ꞌapun aín suntárukamabëtan ꞌakëxnu ꞌia usaibi kananuna bëríbi tëmërai ꞌin.

Job 1:10

¿Min kamina uínbia ꞌatima onun ënima ꞌianan aín aintsi ꞌibukamaxribia uisaibi ꞌiaxma ꞌinun ënima? Min kamina an ꞌakë ñukamaxa upí ꞌinun upíokin sinánxunin usa ꞌaish ka a unix an ꞌarakakë vaca axa kaikëbë anunbi ñuñuira ꞌi ënë menu ꞌikë bëtsi unikamasamaira ꞌikën.

Job 42:12

Usa ꞌain ka Diosan upíokin Job sinánxunkin tëmërakëma ꞌaísha ꞌikësamairaia ñuñuira ꞌinun ꞌimikin. Ka catorce mil ovejakama, seis mil camellokama, mil vaca ain bënë rabë́, rabë́, ꞌimainun mil burro aín xanukamañu ꞌinun ꞌimiakëxa.

Salmos 1:3

A unix ka baka ꞌurama nikë i aín tapun me ꞌukëmëu kuani nikë axa tuákësa ꞌianan, uínsarabi aín pëchi chushi rëukukëma usaribi ꞌikën. ¡Usa ꞌain ka kamabi an ꞌakë ñukamax upí ꞌia!

Salmos 107:38

Usakin ꞌaia ka Diosanbi bakë bëchipatia kaínu ꞌimianan atun ꞌarakakë ñuinakamaribi ꞌaisamaira kaínun ꞌimiakëxa.

Salmos 127:3

Unin bakë bëchikë bakënkëkama ax ka upíokin sinánxunkian Diosanbi nu ꞌinánkë ꞌikën.

Proverbios 15:9

Nukën ꞌIbu Diosan ka uni ꞌatima sinánñukama atux ꞌatimati tsókë a kuëënima; ꞌaínbi ka axa aín bana kikësoibi ꞌikë unikama a kuni nuibatia.

Mateo 6:33

Usa ꞌain camina ainan ꞌianan ax cuëëncësabi oquin pain ꞌati ꞌain. Usaquin ꞌacëbëtan ca an anúnmi mitsux upitax bucuti ñucama aribi mitsu ꞌinánti ꞌicën.

Juan 14:21

An ꞌën bana ꞌunánquin ax quicësabi oquin ꞌacë uni ax ca axa ꞌëmi asérabi sináncë uni a ꞌicën. Axa ꞌëmi sináncë uni a ca ꞌën Papánribi nuibatia. Usaribi oquin cana ꞌënribi a uni nuibaquin uisaira carana ꞌëx ꞌai quixun ꞌunánminuxun ꞌain.

Juan 15:10

Ax quicësabi oi ꞌia ca ꞌën Papa Diosan ënquinma ꞌë nuibatia. Usaribitimi ꞌëx quicësabi oi ꞌia cana ꞌënribi ënquinma mitsu nuibatin.

Juan 16:27

An ca asérabi mitsu nuibatia. Mitsúxmi ꞌëmi sinánan ꞌëx cana Nucën Papa Diosnuax uá ꞌai quixun sináncë cupí ca an mitsu nuibatia.

Deuteronomio 1:8

ꞌËn kana a mekama mitsu ꞌinánuxun sinánkën; usa ꞌain kamina kuantankëxun a mekama biti ꞌain bikëkana ꞌën mitsun bikë kuati ꞌain, ax ka mitsun chaitiokëkama sinanatëkëntima okin ꞌinánuxun ꞌën ka a ꞌikën, akamax ka Abraham Isaac ꞌimainun Jacob aín rëbúnkikama ꞌinánuxun ka me a ꞌikën.

Deuteronomio 30:5

Usakin ꞌakin ka amiribishi Nukën ꞌIbun anua nun chaitiokëkama tsóa me abia atunan ꞌinun bitëkënun anu buánti ꞌikën; anuxun ka upitax bukukin ꞌain chaitiokë kaman anuxun ꞌasamaira okin ꞌaisamaira bakë bëchipanun ꞌimiti ꞌikë kixun ka kakëxa.

Deuteronomio 7:7

Moisésnën ka amiribishi Israel unikama ësokin kakëxa: Nukën ꞌIbun mitsu kaískë ax ka ëma upíira ꞌianan, chaiira ꞌikëa mitsu kaisama ꞌikën. Usa ꞌain kamina a ëmakamasama chukúmara ꞌain.