Deuteronomio 6:4 - Kashibo-Kakataibo Biblia

⁴ Israel unikama mitsun kamina ꞌën kakëxun kuati ꞌain, Nun ꞌIbu Dios ax ka Nukën ꞌIbu achúshishi ꞌaish ashi ꞌikën.

Deuteronomio 6:4 ပူးပေါင်းရင်းမြစ်များ

1 Reyes 18:21

Timëkamë ꞌëokë ka atu ꞌurama okin kamabi unikama Elíasnën kakëxa: —¿Uínsaran kaina mitsun rabë́ ñu sinankin ñu ꞌakë a ënkanti ꞌain? Dios axa Dios ꞌikë ashi rabikin kamina an kakësabiokin ꞌati ꞌain, ꞌanan kamina Baal axribia asérabi dios ꞌikë ashi rabikin an kakësokinshi ꞌakin rabikanti ꞌain. Ësokin kakëxun ka unikama timë́kë akaman achúshi banabi uínbi káma ꞌikën.

2 Reyes 19:5

Ësakin kaxúan xukëx ka suntárunën kushikama an bana ñuikë Isaías isi kuankëxa,

Nehemías 9:6

Ësokin unikama katankëxun ka Esdrasnën Dios ësokin kakëxa: “Mixmi Dios ira ꞌain ka misaribi Dios uixi ꞌitima ꞌikën. Min kamina naíkamë ꞌëo ꞌanan a manámia ꞌikë ñukama këñun anu ꞌikë ꞌispakamaribi uniokën; ꞌanan kamina meribi ꞌatankëxun anu ꞌikë ñukamaribi ꞌakën, ꞌatankëxun kamina parúmpapanu ꞌikë ñukamaribi ꞌakën. Usa ꞌain ka min ꞌimikëx kamabi ñukamax upiti tsotia. Usa ꞌikë ka min ángel naínu ꞌikë kaman rabimainun menuxunribi mi rabiti ꞌikën.

Isaías 42:8

ꞌËx kana min ꞌIbu a ꞌain, usakin anëkë kana ꞌëx ꞌain, usa ꞌixun kana uinu ꞌikë bëtsi dioskama ꞌë ꞌakësaribi okin rabinun ꞌamitima ꞌain, ꞌë rabikinma bëtsi dioskama rabinun mitsu ꞌamitima ꞌain.

Isaías 44:6

Ësai ka Nukën ꞌIbu, Israel unikama ꞌapu an atu biti, kamabi kushiñu ax kiaxa: “ꞌËx irapain kana ñu ꞌaíma ꞌain ꞌiakën, usa ꞌaish kana kamabi ñu këñúkëbëbi anubi ꞌiti ꞌain; usa ꞌain ka bëtsi dioskama ax ësaribi asérabi ꞌiti ꞌaíma ꞌikën.

Isaías 44:8

¡Usa ꞌaínbi kamina chuáma tani rakuë́tima ꞌain! ꞌËn kana usakin kan, bërámabi kana usai ka ꞌiti ꞌikë kixun kakën, usa ꞌain kamina mitsúnbi ꞌën usakin ñu ꞌakëmi ꞌunánkankë a ñuiti ꞌain. ¿Anu kara bëtsi dios ëbë sënën ꞌiti ꞌik? A mi katamëti bëtsi uni ka ꞌaíma ꞌikën; ꞌën kana achúshirabi ꞌunanima.”

Mateo 22:37

Quixuan cacëxun ca Jesusan ësaquin cacëxa: —Axa quicësabi oíira ꞌiti bana ax ca ësai quia: “Min ꞌIbu Diosmi camina asérabi cuëëni cëmëima sinánti ꞌain. Usa ꞌaish camina ami catamëti ax cuëëncësabi oíshi ꞌiti ꞌain”.

Lucas 10:27

Cacëxun ca a unin Jesús cacëxa: —Ca quia, “Min ꞌIbu Diosmi camina asérabi cuëëni cëmëima sinánti ꞌain. Usa ꞌaish camina ami catamëti ax cuëëncësabi oíshi ꞌiti ꞌain. ꞌIanan camina mixmi bërúancacësaribi oquin min aintsicama nuibanan axa ꞌaquinsa ꞌicë ꞌaquinti ꞌain”.

Juan 10:30

ꞌËx ꞌën Papabë rabë́ ꞌaíshbi cananuna achúshishi ꞌain.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Romanos 3:30

Nucën Papa Dios ax ca achúshi ꞌicën. An ca judíos unicama ꞌacësaribi oquin judíosma uniribi Jesucristomi catamëcë cupíshi, an iscëx aín nuitu upí ꞌinun ꞌimia.

Efesios 4:6

Nucën Papa Dios axëshi ca aín unicaman Dios ꞌianan aín unicaman ꞌIbu ꞌicën. Usa ꞌixun ca ax cuëëncësabi oquian ñu ꞌanun aín unicama ꞌaquinia. Ax ca aín unicamabë ꞌicën.

Deuteronomio 4:39

Usa ꞌain kamina a banakama upíokin ꞌunánkin manukima sinánti ꞌain, naínu ꞌianan ka menuribi, asaribi bëtsi Dios ꞌaíma ꞌikën.

1 Timoteo 2:5

Nucën Papa Dios ax ca achúshishi ꞌicën. An abë́a camabi uni upí ꞌinun ꞌimiti axribi ca achúshishi ꞌicën, a uni ca Jesucristo ax ꞌicën.

Santiago 2:19

Min camina Nucën Papa Dios ax ca achúshishi ꞌicë quixun sinanin. Usaquin sinánti ca asábi ꞌicën. Usaquinmi sináncë ꞌaínbi ca ñunshin ꞌatimacamanribi —usa ca —quixun ꞌunani ami racuëtan bamai bërëruia.