Deuteronomio 6:22 - Kashibo-Kakataibo Biblia

²² Nukaman kananuna isakën bëtsi bëtsi ñu chaiirabu ꞌakian Nukën ꞌIbun Egipto menu ꞌikë ꞌapu aín xubunubi bëtsi bëtsi ñu ꞌaia isakën;

Deuteronomio 6:22 ပူးပေါင်းရင်းမြစ်များ

Deuteronomio 4:34

¿Anu kara bëtsi dios an ëma achúshi kaískin bëtsi ëmakama nëbë́tsinuxun, ꞌitsaira ñu ꞌanan atun iskëma, bëtsi bëtsi ñu ꞌakin atu rakuëmikin aín kushínbi Egipto menuxun nukama chikínbëtsinkin Diosan bëa usaribi okin ꞌakë ꞌiti ꞌik?

Salmos 91:8

Usa ꞌain kananuna nun bërúnbi: uisai kara an ñu ꞌatima ꞌakë unikamax Diosan ꞌimikëx ꞌia isti ꞌain.

Deuteronomio 7:19

mitsúnbi kamina bëtsi bëtsi ñu chaiirabu ꞌaia isakën, Nukën ꞌIbu Diosan ka ꞌaisamaira tëmëraiabi Egipto menua chikinuxun ain, kushi mitsu ismikin usokin ꞌakëxa, usokin ꞌa ꞌixun ka Nukën ꞌIbun kamabi ëma amimi mitsux rakuëkë akama egipcio unikama ꞌasaribiokin ꞌati ꞌikën.

Deuteronomio 4:3

Mitsúnbi kamina uisakin kara Israel unikama Nukën ꞌIbun ꞌamikëxun Baal-peor anuxun anua ꞌikë unikama këñunbi atun rabikë dios akama këñunbi këñuia isakën;

Éxodo 3:20

Usa ꞌaínbi kana ꞌëx kushiira ꞌixun ꞌën kushi ismikin egipcio unikama bamamikin atun isama ñu ꞌati ꞌain, usakin ꞌakin kana anun rakuë́ti ñu uínsaranbi a menuxun isama ñu ꞌati ꞌain; ꞌakëbëtan ka mikama anuaxmi kuantanun ꞌain menua faraónën mitsu chikínti ꞌikën.

Deuteronomio 6:21

kixun ñukákëxun kamina mitsun ñuixunti ꞌain: Nukën ꞌIbu Dios an kamabi ñu nu ꞌakinkë ka faraónën Egipto menuxun tëmëramikin ñu mëëmiabi aín kushinbi nukama anua chikíankëxa.

Deuteronomio 6:23

usakin atunu ꞌaia ꞌisia ka Diosan anuabi nu chikínbëtsinkin a ꞌinánnuxua nun chaitiokëkama ka me a binun nu bëakëxa.

Éxodo 10:2

usakin ꞌën ꞌaia isá ꞌixun kamina min bakë bëchikëkama ꞌimainun min xutakama ñuixunti ꞌain, uisakin karana ꞌën egipcio unibumi kuaikin atun uínsaranbi isama ñu chaiirabu ꞌën kushínbi ꞌakë kixun. Usakin ꞌën ꞌakë, ꞌain kamina ꞌëx kana asérabi Nukën ꞌIbu ꞌai kixun mitsun ꞌunánti ꞌain.