Deuteronomio 6:2 - Kashibo-Kakataibo Biblia

² Usokin kamina mitsun Nukën ꞌIbu Dios ami rabikanti ax kikësabiokin ꞌakánti ꞌain, ꞌai tsókin kamina, a tanti bana ꞌimainun ax kikësabi oí ꞌiti bana, ꞌën ꞌunánmikë ënë mitsun bakë bëchikë ꞌimainun mitsun babakama ꞌunánmiti ꞌain; usakin ꞌai kamina ꞌitsa baritia a menu tsókanti ꞌain.

Deuteronomio 6:2 ပူးပေါင်းရင်းမြစ်များ

Génesis 18:19

ꞌËn kana mi kaísan usa ꞌain kamina min bëchikëkama ꞌinánan, min rëbúnkikama mi ꞌunánmikë bana upíokin kuakin ꞌunánkin uinu ꞌikëx kara ꞌaisa ꞌimainun upí ꞌikë a ꞌati ꞌikën, usakin ꞌakëbëtan kana ꞌën usakin ꞌaxunuxun kakë usakinbi ꞌaxúnti ꞌain.”

Génesis 22:12

Kakëxun ka Nukën ꞌIbu Diosan ángelnën amiribishi kakëxa: —Min bëchikë uisabi oxuma ka ꞌat, bërí ka Nukën ꞌIbu Diosan mixmi asérabi ami sinánkëxun, min nuitu ꞌunánxa min kamina min bëchikë ñuñakima achúshira ꞌikëbi nuibakinma a rabikin ꞌakatsi ꞌian.

1 Reyes 8:40

Usokinmi ꞌakëxun ka añu ꞌanun kaina atu kai usokinbi ami nun chaitiokëkama ꞌinan me ënu pain tsókë ꞌixun min kakësabiokin ꞌakánti ꞌikën.

Salmos 91:16

ꞌimikin kana ꞌitsa baritia tsotia kuëënun ꞌënbi ië́mitankëxun ꞌimiti ꞌain: ¡usakin ꞌakin kana ꞌën ië́mikëxa kuëëni tsónun ꞌimiti ꞌain!”

Éxodo 20:12

Min papan bana kuanan kamina min titan banaribi kuanti ꞌain. Usai ꞌi kamina ꞌëx mitsun Dios ꞌixun ꞌinánkë me anu xënibua. ꞌAínbi tsóti ꞌain.

Éxodo 20:20

Ësai kiabi ka Moisésnën kakëxa: —Rakuë́axma ka ꞌik. Dios ax ka asérabi karanuna ami rakuë́ti ax kikësabi oi ami ꞌuchaima isnuxun nu tani uaxa.

Proverbios 3:16

Usa ꞌain ka uni ñu ꞌunánkë ain mëkeu anun xënibua ꞌaínbi tsókësa ꞌikën, mëmiuribi mëshpakësa ꞌi kuëënkë ax ꞌiti ꞌikën.

Lucas 12:5

A unicamamimi racuë́tima ꞌaínbi cana uimi caramina racuë́ti ꞌai quixun mitsu cati ꞌain. Nucën Papa Dios, an uni aín cushínbi bamamianan uni manë tsi anua ꞌinun ꞌimiti, amishi camina racuë́ti ꞌain. ꞌËn cana mitsu cain, camina asérabi ami racuë́ti ꞌain.

Deuteronomio 10:20

Usa ꞌain kamina Nukën ꞌIbu Dios ashi rabianan ënkinma ax kuëënkësabi okinshi ꞌakánti ꞌain, ꞌimainun kamina sinántëkëntima asérabi aín anën ishi kana ñu ꞌati ꞌai kiti ꞌain.

Deuteronomio 13:4

Usa ꞌain kamina Nukën ꞌIbu Dios ashi an kakësabiokin ꞌakin; ax kikësaibi oi ꞌikin a bana kuakin ashi rabikanti ꞌain.

Deuteronomio 30:19

Ënë nëtën kana bërí mitsu kain naí ꞌimainun men ka unin kuankësa okin ꞌën mitsu kaia kuanti ꞌikën, ꞌaínbi ka a menu tsókë unikamax këñuti ꞌikën, usa ꞌain ka upíokin sinánxunkë ꞌimainun ꞌatima okin sinánxunkë ꞌiti ꞌikën, usa ꞌain kamina uisai kaina mitsux tsóti ꞌai isanan uisa ñu ꞌai kara mitsun rëbúnkikama tsóti ꞌikë kixun kati ꞌain;

Deuteronomio 30:20

usa ꞌain kamina Nukën ꞌIbu Dios nuibati ami katamëkin ax kikësabiokin ꞌati ꞌain, usakin ꞌai kamina ꞌitsa baritia a me ꞌinánnuxua sinanatëkëntima okin Nukën ꞌIbun nun chaitiokë Abraham Isaac ꞌimainun Jacob ka a menu ꞌiti ꞌain kixun ka Moisésnën kakëxa.

Deuteronomio 4:10

A nëtë kamami mitsux aín bashi Sinaí kakë anu ꞌain ka Nukën ꞌIbu Diosan ësokin ꞌë kakëxa: Kamabi unikama kamina ꞌën bana kuakin ꞌunánkian uisakinra kara kamabi nëtën ënë menu tsókin ꞌain bakë bëchikamanribi atun ꞌakësaribi okin ꞌanun ꞌunánmiti ꞌikën.

Deuteronomio 4:40

Mitsun kamina a tanti bana ꞌimainun ax kikësabi oi ꞌiti ꞌën bërí mitsu ñuixunkë bana ënë tanti ꞌain, tani kamina min rëbúnki kamabëbi ꞌitsa baritia Diosan mitsu ꞌinánti me anu xënibua ꞌaínbi tsóti ꞌain, kixun ka Moisésnën atu kakëxa.

Deuteronomio 4:9

Usa ꞌain kamina mitsu ꞌakinkia Diosan ꞌaia iskë ñukama, uinsaranbi manukinma abi sinánkin; mitsun bakë bëchikë ꞌimainun mitsun babakamaribi ñuixunti ꞌain.

Deuteronomio 6:1

Ënëx ka ax kikësabi oi ꞌiti bana, ꞌimainun a tanti bana, Diosan ꞌën mitsu ꞌunánminun ꞌinánkë ꞌikën, usa aín kamina anumi kuankanti me anuxunbi manukinma, a banakama mitsun tanti ꞌain.

Deuteronomio 6:24

Usokin bëtankëxun ka Nukën ꞌIbu Diosan nukamanu ax kikësabi oi ꞌiti bana a ꞌunáni ami sinania iskin nu ꞌakinkëx kananuna upí ꞌiti ꞌain, ꞌimainun ka bërí ꞌakësaribi okin anbi nu bërúanuxun ꞌaia.

Deuteronomio 6:7

ꞌimainun kamina mitsun bakë bëchikëkama ënkinma ꞌunamiti ꞌain; a kamina uinu kara min xubu ꞌikë anuxun ꞌanan uinu kaina kuani anuxunbi ñuixuanan uinu kaina uxi anuxun ꞌanan anumi ꞌuxonkë anuax pëkarakuatsinkëbë nirunuxun ñuixunti ꞌain.

Josué 4:24

An ka usakin ñu ꞌakëxa kixun ka kamabi menu ꞌikë unin Nukën ꞌIbu ax ka kushiira ꞌikë kixun ꞌunánti ꞌikën, usa ꞌikë kamina ashi mitsun Nukën ꞌIbu ikë rabiti ꞌain.

1 Pedro 1:17

Nucën Papa Diosan ca camabi uni uisa ñu cara ꞌaxa quixun isia. Usa ꞌain camina mitsun —Nucën Papa Dios ax ca ꞌën Papa ꞌicë —quixun sinani aín nëtënu ꞌinux ënë nëtënu pan ꞌiquin ñu ꞌatima ꞌatimi racuë́quin upí ñuishi ꞌati ꞌain.