Deuteronomio 6:18 - Kashibo-Kakataibo Biblia

¹⁸ Mitsun kamina ax kuëëntisabi okin upí ñuishi Nukën ꞌIbun ismainun ꞌati ꞌain, usakin ꞌakëbëtan ka a ꞌinánnuxua Nukën ꞌIbun mitsun chaitiokëkama ka me upí a mitsu ꞌinánti ꞌikën,

Deuteronomio 6:18 ပူးပေါင်းရင်းမြစ်များ

Salmos 19:11

ꞌIanan ka a banakamaxribi an ꞌë ꞌunánmikë ꞌikën, usa ꞌain kana ñu ꞌaisama ꞌaisa tankinbi, min uni ꞌixun ax kikësokinbi ꞌati ꞌain.

Éxodo 15:26

ꞌInánkin ka kakëxa: ꞌËx mitsun Dios ꞌixun kana ësokin mitsun kain, ꞌën kuëënkësa okin ꞌanan, ꞌën mi kakë ënë bana tankin ax kikësabiokin ꞌakëbëtan kana, uisa ñubi an mikama ꞌatima onun egipcio unikamanu xukësokin xutima ꞌain, ꞌëx kana Nukën ꞌIbu an mitsu uisaibi ꞌitima okin bërúankë a ꞌimainun, uinu kaina kuani anuabi mitsu ꞌën uni ꞌikë bërúanti a ꞌain.

Ezequiel 18:19

Mitsux kamina ñukákanani kananti ꞌain: ¿Uisa kupí kara aín bakë bëchikëribi aín papan ꞌucha kupín ꞌatimokëma ꞌiti ꞌik? Usama ka aín bakë bëchikënën ka ñu upí ꞌakin ꞌën banakama tankin ax kikësabiokin ꞌaxa: usa ꞌaish ka asérabi a unin bakë bëchikënëxëshi tsóti ꞌikën.

Ezequiel 18:21

Usa ꞌain ka uni ꞌatima sinánñu an kamabi ñu ꞌatima ꞌaia ꞌuchakë a sinanakin aín ꞌucha a ënkin ꞌën banakama ax kikësaibi ꞌiti a tankin ꞌanan ñu upíokin ꞌai ka asérabi ñuima a unix tsóti ꞌikën.

Ezequiel 18:27

Usa ꞌaínbi ka ui unin kara ꞌatima sinánkin ñu ꞌatima ꞌakë ꞌixunbi, a ënkin ñu upí ꞌaia ax kuni ië́ti upiti tsóti ꞌikën.

Ezequiel 18:5

An upíokin ñu ꞌakë uni an ka ñu ꞌakin upíokin ꞌaia:

Ezequiel 33:14

Usa ꞌain kana ꞌëx uni achúshi an ñu ꞌatima ꞌai ꞌuchakë ax ka bamati ꞌikë kiti ꞌain, ꞌaínbi aín ꞌuchakë a ënkin ñu upí ꞌakin,

Ezequiel 33:16

Usakin ñu upí ꞌai bërí upiti tsókëbëtan kana, an ñu ꞌatima ꞌai ꞌuchakama achúshirabi sinántëkëntima ꞌain.

Ezequiel 33:19

ꞌImainun ka uni ꞌatima sinánñu an ñu ꞌatima ꞌakë a ënkin ñu upí ꞌakë anbi upitax tsónun ꞌimiti ꞌikën.

Oseas 14:9

An ñu ꞌunánkë unikama ꞌimainun sinánñu unikama, akaman ka ënë bana kuati ꞌikën: Kamabi ñu Diosan ꞌá ax ka upíokin ꞌá ꞌikën, usa ꞌain ka an ñu ꞌupíshi akë unikaman ax kikësabiokin ꞌaia; usa ꞌaínbi ka ꞌatima sinánñu unikama usakin ñu ꞌaiama Diosan ꞌatima oia.

Juan 8:29

An ꞌë xuá ax ca ꞌëbë ꞌicën. ꞌËn axa cuëëncësabi oquin ꞌacë ꞌicë ca an ꞌëxbi ꞌinun ꞌë ëncëma ꞌicën.

Romanos 12:2

An ënë nëtënu ꞌicë ñuishi sináncë unicaman sináncësa oquin camina sinántima ꞌain. Usaquin sinánquinma camina sinanaquin uisairaimi upí ꞌiti cara Nucën Papa Dios cuëënia, usai ꞌiti ꞌunánan an ꞌaquincëx usai ꞌiti ꞌain.

Deuteronomio 12:25

Usakin mitsun ñuina imi pikëbëma ka mitsun ꞌati ñukamax upí ꞌimainun, mitsun bakë bëchikë kamanribia ꞌakë ñukamax Nukën ꞌIbun iskëx upí ꞌiti ꞌikën.

Deuteronomio 12:28

Usa ꞌain kamina ꞌën mitsu kakë banakama ënë kuakin mitsun ꞌën kakësabiokin ꞌati ꞌain, usakin ꞌai kamina mitsun bakë bëchikëkamabëbi upí tsóti ꞌain, usakin ꞌaia ka Diosan upí ꞌikë isti ꞌikën.

Deuteronomio 4:40

Mitsun kamina a tanti bana ꞌimainun ax kikësabi oi ꞌiti ꞌën bërí mitsu ñuixunkë bana ënë tanti ꞌain, tani kamina min rëbúnki kamabëbi ꞌitsa baritia Diosan mitsu ꞌinánti me anu xënibua ꞌaínbi tsóti ꞌain, kixun ka Moisésnën atu kakëxa.

Deuteronomio 6:10

Nukën ꞌIbu Dios an ka mitsu a me ꞌinánuxuan nukën chaitiokë Abraham, Isaac, Jacob akama sinanatëkëntima okin ka a asérabi mitsu ꞌinánti ꞌikën. A ëmakamax ka chaiirabu ꞌaish upíirabu ëma ꞌikën, usa ꞌaish ka mitsun ꞌama a ëmakama ꞌikën;

Deuteronomio 6:19

usokinmi ꞌakëbëtan ka Nukën ꞌIbun axa mitsubë ꞌakanainsa tankë unikamaribi ax kikësabiokin abámiti ꞌikën.

Deuteronomio 8:11

Usa ꞌain kamina Nukën ꞌIbu Diosmi manútima bërúankakin ax kikësabiokin ꞌati ꞌain. ꞌAkin kamina ax kikësaibi oi ꞌiti aín bana a tanti ꞌain, ꞌën mitsu bërí kakë aín bana ënëx kikësabiokin ꞌakánti ꞌain.