Deuteronomio 6:13 - Kashibo-Kakataibo Biblia

¹³ Usa ꞌain kamina Nukën ꞌIbu ashi rabianan ax kuëënkësa okinshi ñu ꞌaxúnti ꞌain, ꞌimainun kamina sinanatëkënkinma asérabi aín anëinshi ñu ꞌati ꞌain.

Deuteronomio 6:13 ပူးပေါင်းရင်းမြစ်များ

Génesis 24:3

sinanatëkëntima okin Nukën ꞌIbu naí ꞌimainun ënë me bërúankë an ka ꞌën bëchikë Isaacnën ënë menu ꞌikë xanukama binun ëntima ꞌikën, anu ꞌëx tsókë Canaán kakë me ënua,

Salmos 15:4

an ñu ꞌatima ꞌati kuëënkë uni abi iskinma, Dios ishi rabia ashi nuibakë uni ꞌianan; uisa ñu kara ꞌakatsi kiaxa añu uisa ñu kara inúkinbi ꞌakë uni;

Salmos 63:11

ꞌaínbi kana ꞌapu ꞌaish Diosmi kuëënti ꞌain; usa ꞌain ka uikamax kara ami sinania ax sinanatëkentima oi ami kantati ꞌikën, ꞌaínbi ka axa këmëishi banakë unikama uisaibi banatima okin aín kuëbí xëpúti ꞌikën.

Éxodo 20:7

Min Dios ꞌikë min rabiti ꞌikë ꞌë sinanimabi kamina ꞌën anë ñui kitima ꞌain. Ax ꞌën anë ñui ꞌatimati banakë ax ka ꞌatima okë ꞌiti ꞌikën.

Isaías 45:23

ꞌËx kana sinanatëkëntima oi ëbi kiakën, ki kana ꞌën kana ꞌëmi nishkë unikama kanankin ꞌati ꞌai kiakën, kia a banakama sënë́nmikin kana ꞌati ꞌain: usa ꞌain ka a bana sënë́nkëbë kamabi nëtënu ꞌikë unikama ꞌën ismainunbi rantinpuruni tsóbuti ꞌëmi ꞌikin, min kakësa okinbi kananuna sinanatëkëntima okin ꞌati ꞌai kiax atux,

Levítico 19:12

Unin asérabi ka kixun sinánun kamina ñu ꞌanuxma ꞌën anë ñui banatima ꞌain, usai banakin kamina ꞌëmi uni bananun ꞌimitima ꞌain, usai banakin kamina ꞌën anë ꞌatima oti ꞌain, ꞌëx kana min ꞌIbu ꞌain.

Mateo 4:10

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Mateo 5:33

Moisésnën mitsun raracama ꞌunánmiquin cuënëoxuan bana unin mitsu ñuixunia camina cuan, ësai quicë: “Unin aín bana ca asérabi ꞌicë quixun uni itsin ꞌunánun —Nucën ꞌIbu Diosan ismainun cana mi cain, asérabi cana ꞌën cacësabi oquin ꞌati ꞌai —quicë ꞌixun camina asérabi mix quicësabi oquin ꞌati ꞌain, Nucën Papa Diosan ca mi isia quixun ꞌunánquin”.

Lucas 4:8

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Deuteronomio 10:12

Usa ꞌain ka Moisésnën israel unikama kakëxa: ¿añumi mitsun ꞌati kara Diosan kuëënin? An ka kuëënia ax kikësabiokin aín bana kuakin, nun nuitu upí ꞌixun nuibakin ami sinánkin rabiti,

Deuteronomio 10:20

Usa ꞌain kamina Nukën ꞌIbu Dios ashi rabianan ënkinma ax kuëënkësabi okinshi ꞌakánti ꞌain, ꞌimainun kamina sinántëkëntima asérabi aín anën ishi kana ñu ꞌati ꞌai kiti ꞌain.

Deuteronomio 13:4

Usa ꞌain kamina Nukën ꞌIbu Dios ashi an kakësabiokin ꞌakin; ax kikësaibi oi ꞌikin a bana kuakin ashi rabikanti ꞌain.

Deuteronomio 13:5

ꞌImainun kamina an bana ñuixunkë uni ꞌimainun an namákin isun usaika ꞌiti ꞌikë kixun bana ñuikë uni a mitsunu mëratia ꞌati ꞌain, a unin ka Dios an Egipto menuxun tëmërakin ñu mëëiabi mitsu chikían ax kikësa okin ꞌanun ꞌën kakë usakin ꞌaxuma ꞌanun kixun mitsu ꞌunánmiti ꞌikën. Usakinmi ꞌakëx ka mitsunuax uni ꞌatima sinánñukama ꞌaíma ꞌiti ꞌikën.

Deuteronomio 6:2

Usokin kamina mitsun Nukën ꞌIbu Dios ami rabikanti ax kikësabiokin ꞌakánti ꞌain, ꞌai tsókin kamina, a tanti bana ꞌimainun ax kikësabi oí ꞌiti bana, ꞌën ꞌunánmikë ënë mitsun bakë bëchikë ꞌimainun mitsun babakama ꞌunánmiti ꞌain; usakin ꞌai kamina ꞌitsa baritia a menu tsókanti ꞌain.

Josué 2:12

Usa ꞌain kana mi ñukatin ënuxunbi kamina Nukën ꞌIbun anën sinanátëkëntimokin asérabi ꞌë kati ꞌain, ꞌën aintsikama kamina mitsu bërí ꞌën ꞌakësaribi okin ënë ëmanu ꞌikë unikama ꞌakinbi ꞌatima ꞌain. Asérabi karamina këmëima ꞌunánnun kamina ꞌë kati ꞌain,

Josué 24:14

—Ësokian kamabi ñu an a kupín kamina mitsun Nukën ꞌIbu asérabira ami sinánkin rabiti ꞌain. Rabikin kamina mitsun chaitiokëkaman Éufrates kakë baka kuëbí tsókin rabianan Egipto menuxun rabia dios a ënkin Nukën ꞌIbuira ashi rabiti ꞌain.

1 Samuel 20:3

Kakëxunbi ka Davidnën munuma banakin katëkëankëxa: —Min papan ka upíokin minmi ꞌë ꞌitsaira nuibatia ꞌunánxa, usa ꞌain ka min ꞌunánkimi an ꞌaisa tankë ñu a kuëënxuntima kuëënia. ¡ꞌAínbi kana uisaxunbi sinanatima okin Nukën ꞌIbun kuamainunbi mi kain, ꞌëx kana bamati ꞌuramashi ꞌain!

1 Samuel 7:3

Usa ꞌain ka Samuelnën kamabi israel unikama kakëxa: “Mitsun asérabi mitsun nuitubëtanbi sinánkin a rabikin kamina bëtsi menu tsókë unikaman rabikë diosmi rabikankë a ënkin mitsun ꞌarakakë Astarté tankin ꞌakë a bixun nikanti ꞌain, usakin ꞌatankëxun kamina Nukën ꞌIbu rabikin ax kuëënkësabi okin ꞌakánti ꞌain. Usakin ꞌakëxun ka mitsu filisteo unikama ꞌatima oia chikínti ꞌikën.”