Deuteronomio 6:10 - Kashibo-Kakataibo Biblia

¹⁰ Nukën ꞌIbu Dios an ka mitsu a me ꞌinánuxuan nukën chaitiokë Abraham, Isaac, Jacob akama sinanatëkëntima okin ka a asérabi mitsu ꞌinánti ꞌikën. A ëmakamax ka chaiirabu ꞌaish upíirabu ëma ꞌikën, usa ꞌaish ka mitsun ꞌama a ëmakama ꞌikën;

Deuteronomio 6:10 ပူးပေါင်းရင်းမြစ်များ

Génesis 15:18

Usa ꞌain ka a nëtënbi Nukën ꞌIbun Abrambëtan achúshi ñu ꞌakin kakëxa: —Ënë mekama kana min rëbúnkikama ꞌinánti ꞌain, Egipto bakamiaxa ukë me anuax ꞌimainun baka chaiira Éufrates kakë anu sënë́nbi kana ꞌinánti ꞌain.

Génesis 26:3

usa ꞌain kamina ënë menu pain tsóti ꞌain. ꞌËx kana mibë ꞌiti ꞌain ꞌimainun kana mi upíokin sinánxukin mi ꞌimainun min rëbúnki kamaribi ënë mekama ꞌinánti ꞌain. Usakin kana ꞌën min papa Abraham kásabiokin ꞌati ꞌain.

Génesis 28:13

Usakin namákin isanan ka Nukën ꞌIbu a rapasu nixun ësokin kakëxun kuakëxa: ꞌËx kana min ꞌIbu ꞌain, ꞌianan kana min xuta Abraham aín Dios ꞌianan min papa Isaac ainanribi ꞌain. Usa ꞌixun kana mi ꞌimainun min rëbúnkikama anumi ꞌuxi rakákë me ënë ꞌinánti ꞌain.

Nehemías 9:25

ꞌAkin ka ëmakama upíokian kënëarakama a ꞌimainun me upíbu anu ñu ꞌapákëxa upiti kookë ꞌimainun atun xubu anua ñu upíirabu bukúnkë a ꞌianan anua atun ꞌumpax biti me kinikë upíirabu a ꞌianan atun uvas ꞌapákë a ꞌianan olivos ꞌimainun raíri i bimi an tuákë akama bikankëxa; bitankëx ka a menu upíokin puchákin pi xuati atun kuëënkësa oi ꞌi tsókankëxa.

Salmos 105:44

ꞌimainun ka bëtsi menu ꞌikë unikaman me atu ꞌinánan, atun ñu ꞌapákë akamaribia binun ꞌinánkëxa,

Deuteronomio 1:8

ꞌËn kana a mekama mitsu ꞌinánuxun sinánkën; usa ꞌain kamina kuantankëxun a mekama biti ꞌain bikëkana ꞌën mitsun bikë kuati ꞌain, ax ka mitsun chaitiokëkama sinanatëkëntima okin ꞌinánuxun ꞌën ka a ꞌikën, akamax ka Abraham Isaac ꞌimainun Jacob aín rëbúnkikama ꞌinánuxun ka me a ꞌikën.

Deuteronomio 31:20

Uínsaran karana aín chaitiokama kásabiokin a menu atsini unun ꞌimi anun ka sinanatëkëntima okin a anua a piti ñu ꞌaisamaira ꞌimainun a xëati buna rëpa ꞌaisamaira ꞌikë, a menuxun puchákin pianan xëai xuakanti ꞌikën, usai ꞌikinbi ꞌë rabiti ënkin bëtsi dios kamaishi rabiti ꞌikën, usakin ꞌai ꞌëmi manukin ꞌëx usai ꞌiti kia banakama manuti ꞌiti ꞌikën.

Deuteronomio 6:18

Mitsun kamina ax kuëëntisabi okin upí ñuishi Nukën ꞌIbun ismainun ꞌati ꞌain, usakin ꞌakëbëtan ka a ꞌinánnuxua Nukën ꞌIbun mitsun chaitiokëkama ka me upí a mitsu ꞌinánti ꞌikën,

Deuteronomio 6:23

usakin atunu ꞌaia ꞌisia ka Diosan anuabi nu chikínbëtsinkin a ꞌinánnuxua nun chaitiokëkama ka me a binun nu bëakëxa.

Deuteronomio 8:12

Usakin ꞌakëbëa mitsun a ñu piti ꞌitsaira ꞌia pi puchati kamina xubu upíirabu ꞌatankëx anu ꞌiti ꞌain,

Deuteronomio 9:1

Amiribishi ka Moisésnën Israel unikama ësokin kakëxa: ꞌën mitsu kamainun kamina kuakanti ꞌain, Israel unikama anúnmi Jordán kakë baka sikarakëti kuani kuanti nëtë ka ꞌurama ꞌikën, anu ꞌikë ëmakamax ka chaiirabu ꞌimainun ka anu tsókë unikamaxribi mitsubë sënë́mabuira kushiira ꞌaish nun titikaisamabu ꞌikën, ꞌimainun ka atun ëmakama axribi chaiorukin kënëabu ꞌikën;

Josué 24:13

ꞌËn kana a menu tëa ꞌikëmabi mitsun me ꞌinánan ëmakamaribi mitsun ꞌa ꞌikëmabi ꞌinánkën. Anu tsókin kamina bërí mitsun ꞌapá ꞌixunmabi uvas ꞌimainun aceituna akama a menua ꞌapá ꞌikë pikanin. Ësokin katankëxun ka Josuénën atu katëkëankëxa: