Deuteronomio 6:1 - Kashibo-Kakataibo Biblia

¹ Ënëx ka ax kikësabi oi ꞌiti bana, ꞌimainun a tanti bana, Diosan ꞌën mitsu ꞌunánminun ꞌinánkë ꞌikën, usa aín kamina anumi kuankanti me anuxunbi manukinma, a banakama mitsun tanti ꞌain.

Deuteronomio 6:1 ပူးပေါင်းရင်းမြစ်များ

Ezequiel 37:24

ꞌËn uni David aín rëbúnki achúshinëx ka ꞌapu ꞌianan, an atu bërúankë uni achúshishi ꞌiti ꞌikën, usa ꞌixun ka an Diosan bana kikësabiokin ꞌati ꞌikën.

Deuteronomio 12:1

Moisésnën ka Israel unikama ësokin kakëxa: Ënë banakamax ka mitsun chaitiokëkama Diosan ꞌinánti me anuxunbi ꞌati ax kikësabi oi ꞌikanti a ꞌikën.

Deuteronomio 33:3

Nukën ꞌIbun ka aín unikama nuibatia, nuibanan ka uikaman kara aín bana kikësabiokin ꞌaia a bërúaia. Bërúanan ka uin kara a rabianan an kakë banakama kikësabiokin ꞌaia a ꞌakinia.

Deuteronomio 4:1

Bërí kamina Israel unikama mitsun kuati ꞌain, ax kikësaibi ꞌiti bana ꞌën mitsu ꞌunánmikë ami kuanxun ax kikësabiokin ꞌakëbëtan ka a ꞌinánnuxua Diosan nun chaitiokëkama ka a me mitsu ꞌinántankëxun anuax upitax tsónun mitsu ꞌimiti ꞌikën.

Deuteronomio 4:14

ꞌAnan ka ꞌë a tanti bana ꞌimainun ax kikësoi ꞌiti bana anumi kuanti me anu kuantankëxun mitsu anuxun ax kikësabiokin ꞌati ꞌunánminun ꞌë kakëxa.

Deuteronomio 4:5

ꞌËn kana mitsu usai ꞌiti ꞌimainun ax kikësai ꞌiti bana Diosan mitsu kanun ꞌë kakë banakama a ñuixuan, usa ꞌain kamina a menu tsóxun ax kikësokinbi ꞌakánti ꞌain.

Deuteronomio 6:2

Usokin kamina mitsun Nukën ꞌIbu Dios ami rabikanti ax kikësabiokin ꞌakánti ꞌain, ꞌai tsókin kamina, a tanti bana ꞌimainun ax kikësabi oí ꞌiti bana, ꞌën ꞌunánmikë ënë mitsun bakë bëchikë ꞌimainun mitsun babakama ꞌunánmiti ꞌain; usakin ꞌai kamina ꞌitsa baritia a menu tsókanti ꞌain.