Deuteronomio 4:9 - Kashibo-Kakataibo Biblia

⁹ Usa ꞌain kamina mitsu ꞌakinkia Diosan ꞌaia iskë ñukama, uinsaranbi manukinma abi sinánkin; mitsun bakë bëchikë ꞌimainun mitsun babakamaribi ñuixunti ꞌain.

Deuteronomio 4:9 ပူးပေါင်းရင်းမြစ်များ

Génesis 18:19

ꞌËn kana mi kaísan usa ꞌain kamina min bëchikëkama ꞌinánan, min rëbúnkikama mi ꞌunánmikë bana upíokin kuakin ꞌunánkin uinu ꞌikëx kara ꞌaisa ꞌimainun upí ꞌikë a ꞌati ꞌikën, usakin ꞌakëbëtan kana ꞌën usakin ꞌaxunuxun kakë usakinbi ꞌaxúnti ꞌain.”

Éxodo 10:2

usakin ꞌën ꞌaia isá ꞌixun kamina min bakë bëchikëkama ꞌimainun min xutakama ñuixunti ꞌain, uisakin karana ꞌën egipcio unibumi kuaikin atun uínsaranbi isama ñu chaiirabu ꞌën kushínbi ꞌakë kixun. Usakin ꞌën ꞌakë, ꞌain kamina ꞌëx kana asérabi Nukën ꞌIbu ꞌai kixun mitsun ꞌunánti ꞌain.

Proverbios 1:8

ꞌËn nuibakë bëná unikaman min papan ꞌësëkëxun kamina aín bana kuati ꞌain, kuanan kamina min titan ꞌunámikin kakë bana a kamaribi manutima ꞌain,

Proverbios 23:26

Mix ꞌën bakë bëchikë ꞌixun kamina, ꞌën mi kakë banakama kikësokin kana ꞌati ꞌai kixun ꞌë kati ꞌain, usa ꞌain kamina ꞌën mi ꞌunánmikë banakama axa min ꞌunánkë ꞌinun ꞌimiti ꞌain;

Proverbios 7:1

ꞌËn kakëxun kamina ꞌën banakama kuati ꞌain, bëná unikaman, ꞌën bakë bëchikësa ꞌikë kana mi kain; ꞌën mi kakë ax kikësaibi ꞌiti banakama ënë kamina manukinma sinánti ꞌain.

Isaías 42:20

Mitsun kamina uiti ñuishi karana ꞌën mitsu kupí ꞌai ꞌisakën, ꞌaínbi kamina a sinánkima ꞌën kakëxun kuaisama tankanin; mitsun kamina kuatin, ꞌaínbi kamina ꞌën kakëxun uisa banabi kuaisama tanin.

Lucas 8:18

An ꞌën bana cuaquin a bana quicësabi oquin ꞌacë uni a ca ꞌën bana itsiribia cuanun Nucën Papa Diosan ꞌunánmiti ꞌicën. Usa ꞌaínbi ca an ꞌën bana cuaquinbi sináncëma uni, a, an isa ꞌunánxa quixuan sináncë bana a camabi Nucën Papa Diosan manumiti ꞌicën. Usa ꞌain camina mitsun cuacë banacama upí oquin cuaquin, a bana quicësabi oquin ꞌati ꞌain.

Efesios 6:4

Bëchicëñu unicama, mitsuribi cana cain, min bëchicë camina nishmitima ꞌain. Min bana parë́quinma min cacësabi oquin ꞌanun camina canioti ꞌain. Usoquin canioquin camina a ñuixunquin Nucën ꞌIbu Jesucristo cuëëncësabi oquian ꞌanun ꞌunánmiti ꞌain.

Deuteronomio 12:1

Moisésnën ka Israel unikama ësokin kakëxa: Ënë banakamax ka mitsun chaitiokëkama Diosan ꞌinánti me anuxunbi ꞌati ax kikësabi oi ꞌikanti a ꞌikën.

Deuteronomio 31:19

Bërí kamina anun kantati bana ënë ꞌën mi kamainun kuënëoti ꞌain, kuënëotankëxun kamina minbi Israel unibu anun ꞌëmi kantanun ꞌunamiti ꞌain, usa ꞌain ka a kanta kantakin uisai kara kia kuankin ꞌën atu kuainsama tania tëmëramikëxun a sinánti ꞌikën.

Deuteronomio 32:46

Usai kantai sënë́nxun ka Israel unikama kakëxa: Bërí kamina ꞌën mitsu kakë banakama upíokin sinánkin mitsun bakë bëchikëkama ꞌunánmikin ñuixunti ꞌain, atúnribia a tanti banakama kikësaibi ꞌiti ꞌunánun.

Deuteronomio 4:10

A nëtë kamami mitsux aín bashi Sinaí kakë anu ꞌain ka Nukën ꞌIbu Diosan ësokin ꞌë kakëxa: Kamabi unikama kamina ꞌën bana kuakin ꞌunánkian uisakinra kara kamabi nëtën ënë menu tsókin ꞌain bakë bëchikamanribi atun ꞌakësaribi okin ꞌanun ꞌunánmiti ꞌikën.

Deuteronomio 4:15

Amiribishi ka Moisésnën Israel unikama katëkëankëxa: A nëtë́an nukamabë Dios tsi rëkirukësa nëbëtsinuax banai aín bashi Sinaí kakë anuax kikëbëtan kamina a ñu ñubi iskanma ꞌain. Usa ꞌain kamina bëruinra okanti ꞌain,

Deuteronomio 4:23

ꞌAínbi kamina anu kuantankëxun Diosan mitsubëtan achúshi ñu ꞌakë a manutima ꞌain. Manukin kamina a rabinuxun ñu unionan uisa ñubi tankin Diosan a ꞌaxuma ꞌanun mitsu kakë a ꞌatima ꞌain,

Deuteronomio 6:12

Usakin ꞌaínbi kamina mitsun ꞌIbu ami manútima ꞌain, an ka Egipto menuxun, ñu mëëi ꞌaisamaira tëmëraiabi mitsu chikíankëxa.

Deuteronomio 6:2

Usokin kamina mitsun Nukën ꞌIbu Dios ami rabikanti ax kikësabiokin ꞌakánti ꞌain, ꞌai tsókin kamina, a tanti bana ꞌimainun ax kikësabi oí ꞌiti bana, ꞌën ꞌunánmikë ënë mitsun bakë bëchikë ꞌimainun mitsun babakama ꞌunánmiti ꞌain; usakin ꞌai kamina ꞌitsa baritia a menu tsókanti ꞌain.

Deuteronomio 6:20

Uínsaran kara mitsun bakë bëchikëkaman mitsu ñukatia: ¿Uisa kikë kara Diosan ax kikësai ꞌiti bana ꞌimainun a tanti banakama Nukën ꞌIbu Dios kia bana ax ꞌik?

Deuteronomio 6:7

ꞌimainun kamina mitsun bakë bëchikëkama ënkinma ꞌunamiti ꞌain; a kamina uinu kara min xubu ꞌikë anuxun ꞌanan uinu kaina kuani anuxunbi ñuixuanan uinu kaina uxi anuxun ꞌanan anumi ꞌuxonkë anuax pëkarakuatsinkëbë nirunuxun ñuixunti ꞌain.

Deuteronomio 8:11

Usa ꞌain kamina Nukën ꞌIbu Diosmi manútima bërúankakin ax kikësabiokin ꞌati ꞌain. ꞌAkin kamina ax kikësaibi oi ꞌiti aín bana a tanti ꞌain, ꞌën mitsu bërí kakë aín bana ënëx kikësabiokin ꞌakánti ꞌain.

Deuteronomio 8:14

anun rabiti kamina nux kananuna ñuñuira ꞌai kixun sinánkin Nukën ꞌIbu Dios an Egipto menua tëmërakin ñu mëëiabi mitsu chikían ami manutima sinánti ꞌain;

Hebreos 2:1

Usa ꞌain cananuna Nucën Papa Diosan Bëchicë ñui quicë bana a upí oquinra bëmë́quin cuati ꞌain, a bana manuquinma ax quicësabi oquin ꞌanuxun.

Hebreos 2:3

¿Asérabi usa ꞌain caranuna nux —Jesucristomi catamëtia uni Nucën Papa Diosnan ꞌinun ië́ti bana a cuatíbi, a bana quicësabi oi ꞌicëma ꞌaish uisa tancëx ië́ti ꞌain? A bana anun nun ꞌucha tërë́ncë ꞌaish Nucën Papa Diosnan ꞌinux ië́ti, a ca Nucën ꞌIbu Jesucristonën pain unicama ñuixuancëxa. Usa ꞌain ca an cuacë uni raírinën, a bana ca asérabi ꞌicë quixun ꞌunánquin, nuribi ꞌunánmiacëxa.

Santiago 2:22

Nucën Papa Diosan a cacësabi oquin Abrahamnën ꞌá cupí camina ꞌunanin, Abrahamnëx ca asérabi Nucën Papa Diosmi catamëcë ꞌiacëxa quixun. Usa ꞌixun an cacësabi oquin ꞌacë ꞌaish ca Abraham asérabi ax ꞌicësamaira oi Nucën Papa Diosmi sináncëxa.

Josué 1:18

Usa ꞌain ka uin kara min kakësabiokin ꞌaisamatani kërutia a unix ꞌakë ꞌiti ꞌikën. Usa ꞌain kananuna nun mi kain uisai kara uni ꞌikëbëbimi rakuëaxma kushinun.

Josué 4:21

Anuxun ka Israel unikama kakëxa: Mitsun bakë bëchikë kaman ka mikama ñukánuxun ꞌaia. ¿Uisoti kara ënë maxákama unin ënu buküankëx?,

Apocalipsis 3:3

Usoquin ꞌaquin camina mitsua ꞌën sinánmicëxun ꞌën unicaman ñuixuncë bana a sinánti ꞌain. A sinánquin camina a bana quicësabi oquin ꞌanan sinanaquin mitsun ñu ꞌatima ꞌacëcama ënti ꞌain. Usai ꞌicëbëma cana an ñu mëcamacë uníxa, unin sináncëbëmabi ucësaribicuatsini, ꞌëx mitsun ꞌunáncëma nëtën uisoquin carana ꞌati ꞌai usoquin mitsu ꞌai uti ꞌain.

Jueces 8:34

Usokin ami manuxun ꞌai ka ax atubë ꞌakanankatsi kixun sinánkë unikaman atu bëarabuinkë ꞌikëbia an ꞌakinkë Nukën ꞌIbu amira manúkankëxa,