Deuteronomio 4:7 - Kashibo-Kakataibo Biblia

⁷ ¿Uinu ꞌikë bëtsi menu ꞌikë unikamax kara kushiira diosñu nu ꞌakësaribi okin an atu ꞌakintiñu ꞌiti ꞌik?

Deuteronomio 4:7 ပူးပေါင်းရင်းမြစ်များ

2 Samuel 7:23

Min uni Israel unibu ñuikin kana mi kain, ¡bëtsi menu ꞌikë ëmanu ꞌikë unikama atusaribi ka ꞌaíma ꞌikën, atux ka ënë menu ꞌikë bëtsi unikabëtan sënë́nma ꞌikën! ꞌËn ꞌIbu Dios min kamina min uni ꞌinun atu chikiankën. ꞌImainun kamina ꞌaisamaira ꞌixun bana sinankian upíokin ñu ꞌanun atu ꞌamian, min kamina min unikama Egipto menua chikínbëtsinkin atun ismainunbi bëtsi menu ꞌikë unikama ꞌimainun atun rabikë dioskama këñunbi këñuakën,

Salmos 145:18

Nukën ꞌIbu ax ka an rabikë unikama ꞌurama ꞌianan, an asérabi këmëkinma rabikë akamanu ꞌia.

Salmos 148:14

¡Diosan ka aín unikama kushioia! ¡Usa ꞌain ka nux aín uni ꞌixun rabimainun aín uni a ꞌurama ꞌikë akamanribi rabiti ꞌikën! ¡Usa ꞌain kananuna ashi ësokin rabiti ꞌain!

Salmos 34:17

Nukën ꞌIbun ka uni upí sinánñu kaman ñukákëxun kuatia, kuakin ka masá nuitutiabi ꞌakinia.

Salmos 34:18

Nukën ꞌIbu ax ka kamabi nëtën ꞌurama ꞌikën, usa ꞌixun ka uikaman kara ñu ꞌatima ꞌaibi ami sinanatia a ꞌakinti ꞌikën.

Salmos 46:1

Nukën ꞌIbu Dios ax ka an nu kushionan ami katamëkëxun ꞌakinkë ꞌikën, usa ꞌixun ka uínsaran karanuna ꞌaisama ñu inuti anuabi nu ꞌakinia.

Salmos 73:28

ꞌAínbi kana ꞌëx Dios ꞌurama ꞌiti ꞌain, ax ka ꞌënan asábira ꞌikën. Mix kamina ꞌën ꞌIbu ꞌianan ꞌën Dios ꞌain, usa ꞌaish kamina an ꞌë bërúankë a ꞌain, usa ꞌain kana kamabi ñumi ꞌakë akama ñuiti ꞌain.

Isaías 43:4

ꞌËn kana ꞌitsaira mi nuibatin, mix kamina bëtsi ñu kamasamaira ꞌain ꞌimainun kana ꞌën mi nuibatin. Mitsu ꞌënan ꞌiti bikin ië́mikin bërúanuxun kana unikama ꞌimainun bëtsi menu ꞌikë unikama atu ꞌamiti ꞌain.

Isaías 55:6

‘Bërí kamina mëratisa ꞌikëishi Nukën ꞌIbu barikanti ꞌain, ꞌianan kamina bëría mi ꞌurama ꞌikëishi kuënti ꞌain.

Números 23:21

Uínbi ka paránani ꞌatimonania Israel unibu Jacobnën rëbúnkikama iskëma ꞌikën. Usa ꞌain ka Dios atubë ꞌikën, usa ꞌikë ka atun ꞌapusa ꞌikë rabia.

Números 23:9

Anua mapara chaiirabu bukukë ënuxunbi kana isti ꞌain, ꞌimainun kana matá me ënuxunbi isin: Atux ka bëtsi menu ꞌikë unikamabë mëskuax tsótima atúxbi upitax bukuia.

Hechos 17:27

Nucën Papa Diosan ca ami sinánquian a ꞌunánun uni uniocëxa. Uisaxun caranuna a ꞌunánti ꞌai quixunu sináncëxbi ca Nucën Papa Dios nu ꞌurama ꞌicën.

Deuteronomio 26:19

Nukën ꞌIbu Diosan ka kamabi menu ꞌikë ëmakama ꞌakëxa, ꞌaínbi ka an mitsúxmi ëma achúshi kushiira ꞌaish ainan ꞌikë ñuikania kuati bëtsi ëmakama mitsumi rakuënun Dios kikësabi oi ꞌikanti aín.

Deuteronomio 33:29

Israel unikama mitsux kamina Nukën ꞌIbun ka nu ꞌakinia kixun sinani kuëënti ꞌain, ¿uinu ꞌikë ëmakamax kara mitsun ëmabë sënë́nti ꞌik? Nukën ꞌIbu Diosanbi ka mi ië́miaxa usa ꞌixun ka bërúanan mi ꞌakinia; ¡an ka ax numi nishkë unikamabë ꞌakanania nu ꞌakinti ꞌikën! Usakin ꞌakinkëxun ñusmokin mitsun ꞌakëx ka atun rabiakakë a mitsumi rakuë́ti nëtë́ti ꞌikën.

Deuteronomio 4:32

Mitsun kamina ësokin sinánti ꞌain, bërámabi nëtë ióñu ꞌia ꞌimainun, Diosan ënë nëtënu uni uniotabakin unio; a kamina mitsun kamabi menu ꞌikë unikama atunuribi kara Israel menu ꞌikësaribiti Diosan ꞌakinkëx ñu ꞌiakëxa kixun ñukáti ꞌain.

Santiago 4:8

Asérabi upiti ami sinani Nucën Papa Diosbë banaquin camina an nuibaquin sinánmicëxun, ax ca mitsubë ꞌicë quixun mitsun nuitu mëu upí oquin ꞌunánti ꞌain. An ñu ꞌaisama ꞌacë unicama, cana mitsu cain: Unia aín mëcën chuañuma ꞌinun mëchucacësaribiquin ca min sinan upí ꞌinun min ñu ꞌatima ꞌacëcama ën. —Nucën Papa Diosnan cana ꞌai —quicë ꞌixunbi ainanma unicaman ꞌacësaribi oquin ënë menu ꞌicë ñuishi sináncë unicama, mitsúxribi ca sinanat, Nucën Papa Dios cuëëncësabi oíshimi ꞌinun.