Deuteronomio 4:40 - Kashibo-Kakataibo Biblia

⁴⁰ Mitsun kamina a tanti bana ꞌimainun ax kikësabi oi ꞌiti ꞌën bërí mitsu ñuixunkë bana ënë tanti ꞌain, tani kamina min rëbúnki kamabëbi ꞌitsa baritia Diosan mitsu ꞌinánti me anu xënibua ꞌaínbi tsóti ꞌain, kixun ka Moisésnën atu kakëxa.

Deuteronomio 4:40 ပူးပေါင်းရင်းမြစ်များ

Salmos 105:45

usakin ꞌakëxuan a tanti banakama ꞌimainun, an ꞌunánmikë banakama kikësabiokin ꞌanun ka usakin ꞌakëxa. ¡Usa ꞌain kananuna ashi rabiti ꞌain!

Éxodo 20:12

Min papan bana kuanan kamina min titan banaribi kuanti ꞌain. Usai ꞌi kamina ꞌëx mitsun Dios ꞌixun ꞌinánkë me anu xënibua. ꞌAínbi tsóti ꞌain.

Isaías 65:20

ꞌAnu ka tuá bërí bakënkë nëtë ꞌitsama ꞌaínshi bamakë a ꞌaíma ꞌiti ꞌikën, ꞌianan ka uni apankama axribia anúan ñuti nëtë ꞌikë ꞌaímabia ñukë a ꞌaíma ꞌiti ꞌikën. Uix kara cien baritia ꞌain ñuia ax ka bëná ꞌaísha ꞌikë ꞌiti ꞌikën, usa ꞌaínbi ka axa cien baritia tsóamabi bamakë ax usai ꞌi ñukë ax ka Dios kuëënkë ꞌikë ꞌiti ꞌikën.

Jeremías 7:23

ꞌAínbi kana ësaia ꞌën bana tani ꞌikanun kakën; ꞌëx atun Dios ꞌimainua atux ꞌën unikama ꞌinun kixun kana kakën. Usai ꞌia ꞌën kakësabi oi ꞌikëbë ka mitsun ꞌakë ñukama upí ꞌiti ꞌikën.

Jeremías 7:7

ꞌën anumi tsókankë me min chaitiokëkama xënibua ꞌaínbia atunanbi ꞌinun ꞌën ꞌinan me ënubi tsónun mitsu ꞌimiti ꞌain.

Juan 14:15

Asérabi ꞌëmi sináncë ꞌixun camina ꞌën mitsu cacësabi oquin ñu ꞌati ꞌain.

Deuteronomio 12:25

Usakin mitsun ñuina imi pikëbëma ka mitsun ꞌati ñukamax upí ꞌimainun, mitsun bakë bëchikë kamanribia ꞌakë ñukamax Nukën ꞌIbun iskëx upí ꞌiti ꞌikën.

Deuteronomio 12:28

Usa ꞌain kamina ꞌën mitsu kakë banakama ënë kuakin mitsun ꞌën kakësabiokin ꞌati ꞌain, usakin ꞌai kamina mitsun bakë bëchikëkamabëbi upí tsóti ꞌain, usakin ꞌaia ka Diosan upí ꞌikë isti ꞌikën.

Deuteronomio 32:47

ꞌAínbi ka ënëx bëtsi ñu ꞌakësokin mitsun bënë́kinshi ꞌaisama upíokin sinánxun ꞌati ꞌikën; usa ꞌain kamina a tanti bana ënëx kikësabi oi ꞌi tsóti ꞌitsa baritia ꞌimi Jordán kakë baka a sikarakëtankëxun a me bitankëx anu tsókanti ꞌain.

Deuteronomio 33:25

ꞌimainun ka ain xëputi anúan ain ëmanu atsínti ꞌakë ax manë ꞌakë ꞌiti ꞌikën, usa ꞌain ka anun ax ami nishkë unikama atsintisama okin ꞌakë ꞌain tsóti ꞌikën, usai ꞌi ka Asernën rëbúkikama atux uni aín kushibu ꞌaish tsóti ꞌikën.

Deuteronomio 4:1

Bërí kamina Israel unikama mitsun kuati ꞌain, ax kikësaibi ꞌiti bana ꞌën mitsu ꞌunánmikë ami kuanxun ax kikësabiokin ꞌakëbëtan ka a ꞌinánnuxua Diosan nun chaitiokëkama ka a me mitsu ꞌinántankëxun anuax upitax tsónun mitsu ꞌimiti ꞌikën.

Deuteronomio 4:2

Kamina ënë banakama iskinbi ax kikësama okin bëtsi banakëñun mëskukima ꞌanan achúshi banarabi bikuankima ax kikësabiokin ꞌakin ëntima ꞌain, ꞌën mitsu kakësabiokin; ꞌanan kamina ax kikësaibi oí ꞌiti Dios kia bana usaibi a menu tsókanti ꞌain.

Deuteronomio 4:5

ꞌËn kana mitsu usai ꞌiti ꞌimainun ax kikësai ꞌiti bana Diosan mitsu kanun ꞌë kakë banakama a ñuixuan, usa ꞌain kamina a menu tsóxun ax kikësokinbi ꞌakánti ꞌain.

Deuteronomio 4:6

Usakin mitsun a banakama kikësokin ꞌai sinánñuirabu ꞌianan ñu ꞌati ꞌunáinrabu ꞌinun mitsu ꞌimikëbë ka bëtsi menu tsókë unikamax kiti ꞌikën: Israel unikamax ka ëma chaiira ꞌianan sinánñuira unibu ꞌikë kiax kiti ꞌikën

Deuteronomio 6:18

Mitsun kamina ax kuëëntisabi okin upí ñuishi Nukën ꞌIbun ismainun ꞌati ꞌain, usakin ꞌakëbëtan ka a ꞌinánnuxua Nukën ꞌIbun mitsun chaitiokëkama ka me upí a mitsu ꞌinánti ꞌikën,

Deuteronomio 6:3

Usa aín kamina, ꞌën aintsi Israelkama mitsun, a bana tankin ax kikësabiokin ꞌati ꞌain. Usakin ꞌakëbë a mitsun ꞌati ñukama upí kuankëbë kamina achúshi ëma ꞌai ënë menu ꞌuakamë ꞌëoti ꞌain, anua a xëati ñu buna rëpasa ꞌaisamaira ꞌianan a piti ñuribi ꞌaisamaira ꞌikë kixuan Diosan mitsun chaitiokëkama ká anu kuanti ꞌain.

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.