Deuteronomio 4:34 - Kashibo-Kakataibo Biblia

³⁴ ¿Anu kara bëtsi dios an ëma achúshi kaískin bëtsi ëmakama nëbë́tsinuxun, ꞌitsaira ñu ꞌanan atun iskëma, bëtsi bëtsi ñu ꞌakin atu rakuëmikin aín kushínbi Egipto menuxun nukama chikínbëtsinkin Diosan bëa usaribi okin ꞌakë ꞌiti ꞌik?

Deuteronomio 4:34 ပူးပေါင်းရင်းမြစ်များ

Salmos 24:8

¿Ui kara ꞌapuira ꞌianan kushiira ënëx ꞌik? ¡Ax ka Nukën ꞌIbu kushiira ꞌianan rakuëma ꞌikën! ¡Ax ka Nukën ꞌIbu ꞌaish rakuëtimaishi ꞌakanania!

Éxodo 1:9

Mitsúnbi kamina ꞌunanin Israel unikamax ka ꞌaisamaira ꞌinun ꞌuakamë ꞌëoia usa ꞌaish ka nubë sënë́nma ꞌianan kushiirabu ꞌikën;

Éxodo 10:21

Usa ꞌain ka faraónëan Israel unibu xuisamaira tankëbëtan Nukën ꞌIbun Moisés kakëxa: —Kamabi Egipto mea bëánkitanun kamina min mëkën manámi mëshpakin naí mëtunti aín, usakinmi ꞌakëbë ka bëánkibukë ax mëkënan mëëtisa këxtuira ꞌiti ꞌikën.

Éxodo 10:7

Usakin kabiani kuankëbëtan ka an ñu mëëxunkë unikaman faraón kakëxa: —¿Urainra kara ënë unikaman nu ësokin ꞌatima oti ꞌik? Usa ꞌain kamina mix ꞌapu ꞌixun atun Dios rabia kuantanun xuti ꞌain. ¿Mix ꞌapu ꞌixunbi karamina kamabi Egipto me ka ꞌatimatia kixun isiman?

Éxodo 14:30

Usakin ka a nëtëkaman Nukën ꞌIbun israel unibu, egipcio unibunën ꞌanuxun nuibianiabi ië́miakëxa, ië́mikëxun ka israelkaman kamaxunbi egipcio suntárukama bakan këñúkë parúmpapa kuëbí bëspúbëspuabu isakëxa.

Éxodo 15:11

ꞌËn ꞌIbu, ¡uinu ꞌikë bëtsi diosaxbi ka mibë sënënima! ¡Uixi ka misaribi chaiira ꞌianan upíira ꞌixun ñu ꞌatima ꞌai ꞌuchakëma ꞌaíma ꞌikën! ¡Min kamina a iskëma ñu ꞌanan ami rakuë́ti ñuribi ꞌain! ¡Usa ꞌikë kananuna mishi rabiti ꞌain!

Éxodo 19:4

Mitsúnbi kamina isan ꞌën karana uisokin egipcio unibu tëmëramikin ꞌa kixun, ꞌimainun kamina uisobëtsinkin karana ꞌëx anu ꞌikë ënu mitsubëa kixun, ꞌën kana tëtëkamë ꞌëon aín tuá nuanmikin aín pëchin bëaraxun buankësa usaribi obëtsinkin bëruinra oxun mitsu bëan.

Éxodo 3:10

Usa ꞌain kamina, mi kuanun mëníokati ꞌain, ꞌën kana faraónnu kuantanun mi xuti ꞌain, usa ꞌain kamina ꞌën uni Israelkama Egipto menua chikini kuanti ꞌain.

Éxodo 6:6

Usa ꞌain kamina Israel unibu anu kuanxun kai kuanti ꞌain, ꞌëx min ꞌIbu ꞌixun kana tëmëramikian ñu mëëkë anua chikínti ꞌain. Usa ꞌain kana ꞌaisamaira egipcio unibunën ñu mëëmikin tëmëramikë anua chikínti ꞌain; ꞌimainun kana ꞌën kushi atu ismikin ꞌëx upí ꞌixun mitsu ꞌakësamaira okin atu tëmëramiti ꞌain;

Éxodo 7:3

ꞌAínbi kana ꞌën faraón kakëxunbi kuaisama tankin aín nuitu iruaranun ꞌimiti ꞌain, ꞌimainun kana uínsaranbi atun iskëma ꞌitsaira ñu a isia atux rakuë́ti Egipto menu ꞌimiti ꞌain.

Números 20:16

usakin ꞌakëxun kananuna Nukën ꞌIbu nu ꞌakinun kixun sharákin ñukákën, ñukákëxun kuankin ka aín ángel achúshi Diosan xuakëxa, xukëxun ka Egipto menua nu chikíankëxa. Usa ꞌain kananuna bërí, Cadés kakë ëma anua min me sënënakëkë anu ꞌain.

Deuteronomio 10:21

Ax ka mitsun ashi rabiti Dios a ꞌikën; usa ꞌixun ka ax Dios ꞌixun mitsu kupí ñu chaiirabu mitsun ismainunbi ꞌakëxa.

Deuteronomio 26:8

iskian ax kushiira ꞌixun chaiira ñu ꞌakëbëa Egiptonu ꞌikë unikama ami rakuëkëbëtan ka nukama anua chikíankëxa,

Deuteronomio 33:29

Israel unikama mitsux kamina Nukën ꞌIbun ka nu ꞌakinia kixun sinani kuëënti ꞌain, ¿uinu ꞌikë ëmakamax kara mitsun ëmabë sënë́nti ꞌik? Nukën ꞌIbu Diosanbi ka mi ië́miaxa usa ꞌixun ka bërúanan mi ꞌakinia; ¡an ka ax numi nishkë unikamabë ꞌakanania nu ꞌakinti ꞌikën! Usakin ꞌakinkëxun ñusmokin mitsun ꞌakëx ka atun rabiakakë a mitsumi rakuë́ti nëtë́ti ꞌikën.

Deuteronomio 34:12

ꞌimainun ka Diosan aín kushin ꞌamikëxun Moisésnën ꞌasaribiokin an kamabi Israel unibunën ismainunbi ñu chabuira ꞌakin an atu ismikë uni ꞌaíma ꞌiakëxa.

Deuteronomio 6:21

kixun ñukákëxun kamina mitsun ñuixunti ꞌain: Nukën ꞌIbu Dios an kamabi ñu nu ꞌakinkë ka faraónën Egipto menuxun tëmëramikin ñu mëëmiabi aín kushinbi nukama anua chikíankëxa.

Deuteronomio 7:19

mitsúnbi kamina bëtsi bëtsi ñu chaiirabu ꞌaia isakën, Nukën ꞌIbu Diosan ka ꞌaisamaira tëmëraiabi Egipto menua chikinuxun ain, kushi mitsu ismikin usokin ꞌakëxa, usokin ꞌa ꞌixun ka Nukën ꞌIbun kamabi ëma amimi mitsux rakuëkë akama egipcio unikama ꞌasaribiokin ꞌati ꞌikën.

Deuteronomio 9:29

Usa ꞌain ka atux min unibu ꞌaish min unibubi ꞌikën; min kamina Egipto menua min kushínbi atu chikiankën kixun ka Moisésnën Dios kakëxa.

Josué 24:7

Usokëxuan atun ꞌakinun kixun ñukákëxun kana, bëánkibukë chaiiran atu bëaranun ꞌamianan parúmpapan kuaniabi mapukin egipcio unikama këñunun ꞌamiakën. Usakin ꞌaia ka nun chaitiokëman Egipto menuxun isakëxa. Usai pain ꞌitankëx ka raírinëx ñumainun ꞌitsa baritia ꞌimi anu uni ꞌikëma menu niakëxa,

1 Pedro 5:6

Usa ꞌain camina aín bana timaima uisa ñu cara ꞌicëbëbi bënëtima Nucën Papa Dios ꞌApuira ami catamëti ꞌain. Usaími ꞌia ca an anúan ꞌati nëtë ucëbëtan uisai cara ꞌiquin tëmëracë ꞌaíshbimi usai ꞌicëmasa ꞌianan asábiira ꞌinun mitsu ꞌimiti ꞌicën.