Deuteronomio 4:31 - Kashibo-Kakataibo Biblia

³¹ an ka nuibanairakë ꞌixun nuibakin, ꞌatima otankëxunbi mitsu ëntima ꞌikën, usa ꞌixun ka manukima nun chaitiokëkama sinántëkëntima okin kásabiokin asérabi ax kiásabiokin ꞌati ꞌikën.

Deuteronomio 4:31 ပူးပေါင်းရင်းမြစ်များ

Nehemías 1:5

Ñukákin kana ësokin kakën: “Nun ꞌIbu Dios naínu ꞌikë mix kamina chaiira ꞌianan ax rakuënmianankë a ꞌain, usa ꞌixun kamina mix kia bana kikësabiokin ꞌanan uin kara min bana kikësabiokin ꞌaia akama nuibatin;

Nehemías 9:31

Usai ꞌiabi kamina min ꞌitsaira nuibakin kamabi atu këñuananbi manukin ëanma ꞌain; usa ꞌaish kamina mix nuibanairakë Dios a ꞌain.

Salmos 103:8

Dios an ka nuibanairakë ꞌixun; bënëtishi nishkima munu ñu ꞌaia.

Salmos 105:8

Usa ꞌixun ka uiti baribi kara inúa ꞌaínbi, axa usakin ñu ꞌakatsikikin achúshi ñu mënio ꞌa banakama a manutima ꞌikën,

Salmos 116:5

Usa ꞌaish ka Dios ax upí ꞌianan nuibanairakë ꞌikën; nun Dios an ka kamabi uni nuibairaia.

Éxodo 6:8

Usa ꞌain kana a me ꞌinánuxun ꞌën Abraham, Isaac ꞌimainun Jacob akama ká me mitsunanbi ꞌinun ꞌinánti ꞌain. ꞌËx kana mitsun ꞌIbu ꞌain.

Jeremías 14:21

¡Min anë axa rabikë ꞌinun kamina nu timakësa otima ꞌain, ꞌianan kamina anua min kushi ꞌikë xubu ꞌupiokin ꞌakë anuxun ꞌapun bana ñuia kuakë a timakësa otima ꞌain! ¡ꞌIanan kamina nubëtan mi nëtë́timokin ñu ꞌa a sinánkin, ñankáishisa ꞌinun ꞌimitima ꞌain!

Jonás 4:2

Usa ꞌain ka abë banakin Dios ësokin kakëxa: —ꞌËn ꞌIbu Dios ësa ñu ka ꞌiti ꞌikë, kiax kana ꞌën menuaxi ꞌëx kian. Usa ꞌain kana bënëtishi Tarsis menu abáti sinánkë ꞌian, ꞌën kana mix kamina achúshi Dios nuibanairakë ꞌaish bënëtishi nishkëma a ꞌai kixun ꞌunánkë ꞌian, usa ꞌain kamina ꞌën sinánkëxun ꞌitsaira uni nuibakin ꞌatimokin tëmëramikatsi kixunbi mimia sinanatia ꞌakëma ꞌain kixun ka munuma banai ami nishkin Dios kakëxa.

Miqueas 7:18

Misaribi bëtsi Dios ka ꞌaíma ꞌikën, min kamina nux kuëënkësa oí ꞌikë a mëníokin, nuxnu ꞌuchakëkama a manuin, nukamax kananuna min unikama ꞌitsamashi tikikë a ꞌain. Min kamina nukama nuibatin usa ꞌain kamina mix xënibua ꞌaish nishkëma a ꞌain.

Números 14:18

usa ꞌaish kamina sinan mënínñushi ꞌianan, min unikama ꞌitsaira nuibatin ꞌimainun kamina atun ꞌatima ñu ꞌakë tërëanan min bana kuaisama tankë akama ënkinma uisakin kaina ꞌaisatani usakin tëmëramin, ꞌanan kamina aín papanan ꞌanan aín bakë bëchikënën bëchikë ꞌimainun aín baba aín xutan bakë bëchikënën bëchikë akama ꞌatima ñu ꞌaia tëmëramiti ꞌain.

Lucas 1:72

Usaquin nu nuibaquin ꞌaquinquin ca Nucën Papa Diosan nucën raracama cásabi oquin nu ñu ꞌaxunti ꞌicën. A bana, nucën raracaman rëbúnquinëx ca aín unibu ꞌiti ꞌicë quiax quicë, a ca manucëma ꞌicën.

Deuteronomio 31:6

Mitsux kamina kushi sinánñubu ꞌaish rakuë́ ꞌitima ꞌain; usai ꞌikamina atubë ꞌakanankin ꞌai atumi rakuë́tima ꞌain, usakin ꞌaia ka Diosan ënkinma abi atu ꞌanun mitsu ꞌakinti ꞌikën.

Deuteronomio 31:8

Nukën ꞌIbun ka mi kuania ꞌakinkin ëntima ꞌikën, usa ꞌain kamina rakuë́kin; kana ꞌaíma kixun sinántima ꞌain.

Hebreos 13:5

ꞌAisamaira curíquiñu ꞌiti camina sinántima ꞌain. Nucën Papa Diosan “ꞌËn cana mi ꞌaquinquin ëntima ꞌai” quixun cacë a sinani camina mitsux ꞌaisamaira ñuñuma ꞌaíshbi masá nuituti bënëtima cuëënti ꞌain.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.