Deuteronomio 4:30 - Kashibo-Kakataibo Biblia

³⁰ Uínsaran kaina mitsux bëtsi ñu rabi tëmëratankëxbi amiribishi a ëni Nukën ꞌIbumi sinanatëkënkani anun ka

Deuteronomio 4:30 ပူးပေါင်းရင်းမြစ်များ

Génesis 49:1

Usa ꞌain ka Jacobnën kamabi aín bëchikëkama anua unun kixun kamiakëxa: “Kamikëxa anu rikuatsinkë ka ꞌë ꞌurama kamina ukanti ꞌain kixun kakëxa, bërí kana usaími ꞌëx ñukëbë ꞌikanti bana mitsu ñuixunti ꞌain:

Nehemías 1:9

ꞌaínbi kamina ësokinribi kakën, mitsun mi ꞌëmi sinanakin ꞌën bana kikësabiokin ꞌatëkënkin a tania kana uinu ꞌikë menu kara bëtsi unikaman buánkëxa anuabi mi timë́nun ꞌimitëkënkin, uinu karana anuxun ꞌë rabiti xubu ꞌati ꞌën kaisakë anubi mitsu bëtëkënti ꞌain.

Salmos 107:13

Usai ꞌi bënë́kin ka Dios an ꞌakinun ñukákankëxa, ñukákëxun ka usai ꞌia bënë́kë a upí tani kuëëtanun atu ꞌakiankëxa;

Salmos 107:6

Usa ꞌi bënë́kin ka Dios ñukákankëxa, ñukákëxun ka usai ꞌia bënë́kë a upí tani kuëëntanun atu ꞌakiankëxa.

Isaías 1:19

Mitsun ꞌën bana kikësabiokin ꞌati kuëënkin ꞌën bana tankin, kamina menu ꞌapákëxua upíokin tuaia ꞌain bimi bixun piti ꞌain;

Jeremías 23:20

Nukën ꞌIbu nishkë ax ka uisakin kara ñu ꞌaisatania usakin ꞌaxma tantitima ꞌikën. Usa ꞌain ka anun mitsun ax ka asérabi ꞌikë kixun sinanan, ënë ñukama upíira okin kuati nëtë ꞌiti ꞌikën.

Jeremías 7:23

ꞌAínbi kana ësaia ꞌën bana tani ꞌikanun kakën; ꞌëx atun Dios ꞌimainua atux ꞌën unikama ꞌinun kixun kana kakën. Usai ꞌia ꞌën kakësabi oi ꞌikëbë ka mitsun ꞌakë ñukama upí ꞌiti ꞌikën.

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

Números 24:20

Ësai kitankëx ami bësukin Amalecnën rëbúnkikama isi ka Balaam ësairibi kiakëxa: Amalec ax ka achúshi ëma chaiira ꞌaish kushiira ꞌikën, usa ꞌikëbi ka ami nishkë unikaman këñukin achúshirabi bërutanuma atu ꞌati ꞌikën.

Hechos 26:20

ꞌAquin, Jesús ñuiquin, Damasconu ꞌicë unicama ñuixuntancëxun cana Jerusalénu ꞌicë unicama ñuixuanan Judea menu ꞌicë ëmacamanuxunribi bana ñuixuan. Ñuixuanan cana judíosma unicamaribi ñuixunquin ësaquin can: ꞌAtimaquin sináncë ꞌaíshbi sinanati camina Nucën Papa Diosnan ꞌiti ꞌain. Usai ami sinánquin camina ñu ꞌaisama ꞌaquinma ax cuëëncësabi oquinshi ꞌati ꞌain, mix camina ainan ꞌai quixuan camabi unin ꞌunánun.

Hechos 3:19

Usa ꞌain camina ꞌatimaquin sinánxunbi sinanaquin mitsun ꞌuchacama tërë́ncë ꞌinun Nucën Papa Diosmi sinánti ꞌain. Ami sináncëxun ca Nucën ꞌIbu Diosan mitsun ꞌuchacama tërë́anan chuámarua ꞌinun mitsu cuëënmiti ꞌicën.

Deuteronomio 30:10

ꞌaínbi ka asérabi Dios kikësabira oi ꞌiti bana ꞌimainun a tanti bana anbia kuënëonun ꞌamikëxun ꞌën kuënëo ënë tankin, ax kikësabiokin aín nuitubëtanbi sinánkin ꞌati ꞌikën.

Deuteronomio 30:2

sinánkin atun dios mitsu rabikë a ënkin kamina min nuitubëtanbi sinánkin ax kuëënkësa okinshi ꞌaia ka Nukën ꞌIbun mitsun bakë bëchikë këñunbi ꞌën bërí mitsu kakë ësokinbi ꞌakinti ꞌikën,

Deuteronomio 31:17

Usai ꞌikëbë xuamati nishkin kana atu ënti ꞌain; ëntankëx kana uisaxbi atumi sinántëkëntima ꞌain, usa aín ka atunu ꞌaisamaira ñu ꞌikëbë atux tëmërai, kananti ꞌikën: ¿Nuxnu ësai tëmërakë ënëx kara mitsun sinánkëx nun Diosnu ënkë kupínnu ꞌikë ꞌik?

Deuteronomio 31:21

Uínsaran kara ꞌën ꞌimikëx ꞌaisamaira masátënëi bënëtia anun ka ënë kanta atun sinánti ꞌikën, usa ꞌain ka atun rëbúnki kamaxribi a kanta sinani anun kantati ꞌikën; ꞌën bërámabi a ꞌinánuxun ka me anu atsínxumabi ꞌatima ñuira ꞌati sinania kana atu ꞌunanin.

Deuteronomio 31:29

ꞌËn kana ꞌunánin ꞌëx ñukëbëtan kamina bëtsi bëtsi ñu ꞌakin ꞌën usai ꞌiti ñuixunkë banakama mitsun ënxun ꞌain; ꞌimainun kana ꞌunanin mitsun bakë bëchikëkamaxribi ka ꞌatima ñu ꞌai ꞌitsaira tëmëranuxun ꞌaia, usai ꞌikin kamina mitsun Nukën ꞌIbu nishminuxun ꞌain kixun ka Moisésnën atu kakëxa.

Hebreos 1:2

Bëráma usaquin nucën raracama ꞌunánmia ꞌaínbi ca an xucëxun aín Bëchicë anbi aín Papan bana unicama ñuixuancëxa. Nucën Papa Diosan ca aín Bëchicë camabi ñu uniomiacëxa. Usa ꞌain ca an camabi ñu, naíu ꞌicë ángelcama ꞌimainun, ënë menu ꞌicë unicama ꞌimainun, camabi ñu unio ꞌicë aín Papan a ꞌibuamiacëxa.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.