Deuteronomio 4:29 - Kashibo-Kakataibo Biblia

²⁹ ꞌAínbi kamina anua usa ñukama ꞌaínbi anuxun Dios kuëënkësabi oi ami katamëkin min nuitunënbi sinánkin ax kuënkësabi okinshi ꞌaia, ka mitsu ꞌakinti ꞌikën.

Deuteronomio 4:29 ပူးပေါင်းရင်းမြစ်များ

2 Reyes 23:3

Usokin ꞌatankëx ka ꞌapu anua xubu nitsínkë itá puntë nirakëti ax irapain Diosan kuamainun, an a banakama kikësabiokin ꞌakin asérabi ax kikësabi oi ꞌiti bana ꞌimainun a tanti banakama Moisésnën kirikanu kuënëo akama upíira okin ꞌakatsi kiakëxa. Kia ꞌapu sënë́nkëbë ka kamabi unikama timëkamë ꞌëokë atúxribi usaribi okin a bana ꞌakatsi kiax kikankëxa.

Nehemías 1:9

ꞌaínbi kamina ësokinribi kakën, mitsun mi ꞌëmi sinanakin ꞌën bana kikësabiokin ꞌatëkënkin a tania kana uinu ꞌikë menu kara bëtsi unikaman buánkëxa anuabi mi timë́nun ꞌimitëkënkin, uinu karana anuxun ꞌë rabiti xubu ꞌati ꞌën kaisakë anubi mitsu bëtëkënti ꞌain.

Nehemías 9:27

Usakin ꞌaia kamina axa ami nishkë unikama tëmëraminun ꞌinánkën. Usakin ꞌakian tëmëramikëxun tankin ka atun min ꞌakinun kixun mi ñukákëxa, ñukákëxun nuibakin kamina naínuxunbi atun bana kuakin; an ꞌatimokë unikamanua an chikínti unikama bariakën.

Joel 2:12

“ꞌAinbi ka —bërí asérabi Nukën ꞌIbu ësai kiaxa—, amiribishi kamina mitsun nuitunënbi ꞌëmi asérabi sinanakanti ꞌain. ¡Usai ꞌi kamina añubi piima ꞌianan munuma kuënkëni bënëti inkanti ꞌain!”

Amós 5:4

Ësakin ka aín ꞌIbu Diosan Israel unikama kaia: “Abi xënibuax tsótisa tani, kamina ꞌëmi sinánkanti ꞌain.

Deuteronomio 10:12

Usa ꞌain ka Moisésnën israel unikama kakëxa: ¿añumi mitsun ꞌati kara Diosan kuëënin? An ka kuëënia ax kikësabiokin aín bana kuakin, nun nuitu upí ꞌixun nuibakin ami sinánkin rabiti,

Deuteronomio 26:16

Moisésnën ka amiribishi Israel unikama ësokin katëkëankëxa: Nukën ꞌIbu Dios an ka bërí aín bana kuënëo ꞌimainun ax kikësabi oi ꞌiti bana akamami mitsun min nuitunënbi sinánkin ax kuëënkësabi okinshi mitsun ꞌati kuëënia.

Deuteronomio 30:10

ꞌaínbi ka asérabi Dios kikësabira oi ꞌiti bana ꞌimainun a tanti bana anbia kuënëonun ꞌamikëxun ꞌën kuënëo ënë tankin, ax kikësabiokin aín nuitubëtanbi sinánkin ꞌati ꞌikën.

Deuteronomio 6:5

Min ꞌIbu Diosmi kamina asérabi kuëëni këmëima sinánti ꞌain, usai ꞌi kamina ami katamëti ax kuëënkësabi ꞌoíshi ꞌiti ꞌain.

1 Samuel 7:3

Usa ꞌain ka Samuelnën kamabi israel unikama kakëxa: “Mitsun asérabi mitsun nuitubëtanbi sinánkin a rabikin kamina bëtsi menu tsókë unikaman rabikë diosmi rabikankë a ënkin mitsun ꞌarakakë Astarté tankin ꞌakë a bixun nikanti ꞌain, usakin ꞌatankëxun kamina Nukën ꞌIbu rabikin ax kuëënkësabi okin ꞌakánti ꞌain. Usakin ꞌakëxun ka mitsu filisteo unikama ꞌatima oia chikínti ꞌikën.”