Deuteronomio 4:27 - Kashibo-Kakataibo Biblia

²⁷ Nukën ꞌIbun ka anumi ꞌikankë me anua bëtsi bëtsi menu ꞌikë unibë mëskutimi abístanun mitsu ꞌimiti ꞌikën, ꞌimikëbë ka ꞌitsamashi mitsun aintsi a menubi tsóti bërúti ꞌikën.

Deuteronomio 4:27 ပူးပေါင်းရင်းမြစ်များ

Génesis 11:4

Usai kitankëx ka amiribishi kanantëkënkankëxa: Achúshi ëma chaiira ꞌanan kananuna torre ënën menma uarukin chaiorukin naíbëtan sënën ꞌati ꞌain. Usakin ꞌaia iskin ka bëtsi unikaman sinánti ꞌikën a unikamax ka sinánñuira ꞌianan kushiirabu ꞌikën kiax ka kiti ꞌikën, usa ꞌain kananuna nukamax bëtsi mekamanu kuani abístima ꞌain.

Génesis 34:30

Usokin ꞌabiani kuania ka aín papa Jacobnën Simeón ꞌimainun Leví kakëxa: —Mitsun mi usa ñu ꞌakë kupín kana ꞌëx ꞌaisama bërútin. Bërí ka ënë menu tsókë unikamax ꞌëmi nishti ꞌikën, ax ka cananeo ꞌimainun ferezeos unikamax timë́ax kananxun nu ꞌakánti ꞌikën, nux kananuna ꞌitsamashi nun aintsikamabëbi ꞌain.

Nehemías 1:3

Ñukákëxunbi ka ësokin ꞌë kakëxa: “Axa Babilonianu kuanima Jerusalén ëmanubi bërúkë unikama ax ka bërí bëtsi bëtsi ñu inuti ꞌaisamaira tëmërai ñuñuma ꞌain atumi uni kuaikëbë rabinkë ꞌikën. Usaia atux ꞌimainun ka Jerusalén ëma anun kënëa axribi rurupakë ꞌimainun aín xëpútikama axribi në́nkëxuan tsin këñukëx rurukubua ꞌikën.”

Daniel 9:7

Nukën ꞌIbu Dios mix kamina uisa ñu ꞌatimabi ꞌakëma a ꞌain, ꞌaínbi kananuna judíos unikama nux bërí rabinkësa tanin; Jerusalénnu tsókë ꞌimainun raíri Israel unikama ꞌimainun, ꞌurama ꞌikë ꞌianan ꞌura ꞌikëkama min kakësa okin ꞌaiama, min ꞌamikëxun axa numi nishkë unikaman atun menu buanka akama ꞌikën.

Deuteronomio 30:3

usokinmi ꞌaia ka Diosan mitsu ꞌatima oxunbi mëníokin nuibati ꞌikën. Nuibakin ka amiribishi anua bëtsi menu ꞌikë unikaman bëa me anubi mitsu buántëkënti ꞌikën,

Deuteronomio 32:26

ꞌËnbi kana ꞌura kuani amami amami abístanun ꞌimiti sinan, ꞌaínbi kana usakin ꞌatima sinántëkëan,