Deuteronomio 4:25 - Kashibo-Kakataibo Biblia

²⁵ ꞌItsa baritia a menu tsókin mitsun bakë bëchikënën bëchikë mitsun baba atúnribi Dios rabiti ënkin bëtsi ñubi uniotankëxun a rabitima ꞌikën, usokin ꞌai ami ꞌuchaia isi ka Dios mitsun ꞌakë ñu kuëënima nishti ꞌikën,

Deuteronomio 4:25 ပူးပေါင်းရင်းမြစ်များ

Éxodo 20:4

Usa ꞌain ka uisa ñubi ꞌanan, a rabinuxun unisa okin ñu unionan, naí manámia ꞌikë ñubi tankin ꞌatima ꞌikën, ꞌianan ka me ꞌukëmëu ꞌikë ñubi tankin ꞌanan parúmpapa ꞌukëmëu ꞌikë menu ꞌikë akama tankin ꞌatima ꞌikën.

Éxodo 32:7

Atúxa usai ꞌikëbëtan ka Nukën ꞌIbun Moisés kakëxa: —Ënuax kuabutankëxun kamina Egipto menuami bëkë unikaman ka ꞌatima ñu ꞌai ꞌuchakin ꞌën kakë bana a kuaisama tanxa isi kuanti ꞌain.

1 Corintios 10:22

Nucën ꞌIbu Jesús nishmiquin camina ñunshin ꞌatima rabitima ꞌain. Nuxnu cushima ꞌimainun ca axira nubë sënë́nmaira ꞌaish cushi ꞌicën.

Deuteronomio 30:18

bëríbi kana ꞌën mitsu ësokin kain ax mimi nishkë unikaman ka asérabi mitsu ꞌati ꞌikën, ꞌakëx kamina ꞌitsa baritiaira tsótima Jordán kakë baka shitátankëxunmi bikë me anu tsókantima ꞌain.

Deuteronomio 30:19

Ënë nëtën kana bërí mitsu kain naí ꞌimainun men ka unin kuankësa okin ꞌën mitsu kaia kuanti ꞌikën, ꞌaínbi ka a menu tsókë unikamax këñuti ꞌikën, usa ꞌain ka upíokin sinánxunkë ꞌimainun ꞌatima okin sinánxunkë ꞌiti ꞌikën, usa ꞌain kamina uisai kaina mitsux tsóti ꞌai isanan uisa ñu ꞌai kara mitsun rëbúnkikama tsóti ꞌikë kixun kati ꞌain;

Deuteronomio 31:29

ꞌËn kana ꞌunánin ꞌëx ñukëbëtan kamina bëtsi bëtsi ñu ꞌakin ꞌën usai ꞌiti ñuixunkë banakama mitsun ënxun ꞌain; ꞌimainun kana ꞌunanin mitsun bakë bëchikëkamaxribi ka ꞌatima ñu ꞌai ꞌitsaira tëmëranuxun ꞌaia, usai ꞌikin kamina mitsun Nukën ꞌIbu nishminuxun ꞌain kixun ka Moisésnën atu kakëxa.

Deuteronomio 32:5

Israel unikama ꞌimainun kamabi unin bakë bëchikëma upíokin sinanima ñu ꞌatima ꞌai Diosmi banai kia, usai banai ka aín bëchikë ꞌisama ꞌikania:

Deuteronomio 4:16

bërúankanan kamina uisa ñubi uniokin uni tankin ꞌanan xanu tankinribi uniotima ꞌain,

Deuteronomio 4:23

ꞌAínbi kamina anu kuantankëxun Diosan mitsubëtan achúshi ñu ꞌakë a manutima ꞌain. Manukin kamina a rabinuxun ñu unionan uisa ñubi tankin Diosan a ꞌaxuma ꞌanun mitsu kakë a ꞌatima ꞌain,

Josué 24:20

An ka mitsunmi a ënkin bëtsi dioskama rabia, ka Nukën ꞌIbu upíokian mitsu ꞌakinkë a ënkin ꞌaisamaira okin tëmëramiti ꞌikën.