Deuteronomio 4:24 - Kashibo-Kakataibo Biblia

²⁴ mitsun ꞌIbu Dios ax ka achúshi Dios an aín unikaman ñu ꞌatima ꞌati kuëënxunkëma a ꞌikën, ¡an ka mitsun ñu ꞌatima ꞌaia iskin tsi rëkirukënëan ñu nënkin këñukësa usaribi okin ꞌati ꞌikën!

Deuteronomio 4:24 ပူးပေါင်းရင်းမြစ်များ

2 Reyes 24:20

Usokin ꞌakëbë ꞌaisamaira atumi nishkin ka Diosan an ꞌinan me Jerusalén ꞌimainun Judánua atu chikíankëxa.

Éxodo 15:7

Mix kushiira ꞌaish atumi nishkin kamina an mimi ꞌati makin sinánkë; unikamax basi chushikë në́nkësarishi bakan këñukëx ꞌinun ꞌimian.

Éxodo 20:5

Usakin ꞌatankënxun ka a ñukamaribi ami ñanákin rabitima ꞌikën, ꞌëx kana atun Dios ꞌain, ꞌianan kana ꞌëx nishi kian an ñu ꞌatima ꞌatishi kuëënkë aín, bëchikëkama ꞌimainun aín baba aín bëchikënën bëchikë akama ꞌatimokin tëmëranun ꞌimiti ꞌain,

Éxodo 24:17

Usakin ꞌamainun ka Israel unikama ismainunbi ain bashi chairukë anu tsi rëkirukënëan ñu nënkësa ꞌinun ꞌia iskankëxa.

Éxodo 33:3

A mex ka anu a piti ñu ꞌaisamaira ꞌimainun buna rëpa ꞌaisamaira ꞌumpax iskësa ꞌianan anu tsótisa upí ꞌianan anuxun kamabi ñuina kanionan anu ñu ꞌapátisa ꞌikën. ꞌAínbi kana ꞌëx mitsubë kuantima ꞌain, mitsubë kuankinbi atuna mitsu këñunun ꞌimin. Mitsux kamina bana kuakëma unibuira ꞌain.

Éxodo 34:14

Usa ꞌain kamina bëtsi dios rabitima ꞌain, ꞌëx kana mitsun ꞌIbu an ñu ꞌatima ꞌaisama okin mitsu bërúankë a ꞌain. ꞌËn anëx ka Dios an ñu ꞌatima ꞌaisama okin bërúankë a ꞌikën.

Isaías 33:14

Jerusalén ëmanu ꞌikë unikama ꞌimainun Judá menu ꞌikë unikama atúxribi ka ꞌuchakë ꞌaish ꞌitsaira rakuë́ti bërëia, ꞌimainun ka an Diosan bana ꞌunánkëma unikama atúxribi ꞌitsaira rakuëtan bamai ësai kia: “¿Uinu ꞌikë nukamax kara tsi ërë́kin an ñu xarokin këñúkë anu ꞌianan, këñutima oia ërë́kë anu ꞌiti ꞌit?”

Isaías 42:8

ꞌËx kana min ꞌIbu a ꞌain, usakin anëkë kana ꞌëx ꞌain, usa ꞌixun kana uinu ꞌikë bëtsi dioskama ꞌë ꞌakësaribi okin rabinun ꞌamitima ꞌain, ꞌë rabikinma bëtsi dioskama rabinun mitsu ꞌamitima ꞌain.

Amós 5:6

Israel unikama mitsux kamina Diosmi sinanatëkënti ꞌain, usai ami sinánkëbëtama ka Israel unikaman ëma axa ami nishkë unikaman tsin mënuti ꞌikën. Usakin akëbë ka an tsi rëkirukë a Betelnua bënánti ꞌaíma ꞌiti ꞌikën.

1 Corintios 10:22

Nucën ꞌIbu Jesús nishmiquin camina ñunshin ꞌatima rabitima ꞌain. Nuxnu cushima ꞌimainun ca axira nubë sënë́nmaira ꞌaish cushi ꞌicën.

Deuteronomio 32:16

Usai ꞌikin ka Dios ꞌaisamaira nishmikin bëtsi ñukama rabikin ax kuëënkëma ñuira ꞌakankëxa;

Deuteronomio 6:15

Nukën ꞌIbu Dios an mitsu ꞌakinkë, ax ka ñu ꞌatima ꞌati kuëënima, usa ꞌixun ka mitsun ñu ꞌatima ꞌaia isi nishkin mitsúxmi ñankáishi ꞌi maë rakátanun mitsu ꞌimiti ꞌikën.

Deuteronomio 9:3

Bërí kamina mitsun ꞌunánti ꞌain, Nukën ꞌIbu ka bërí mitsubë ꞌikë kixun, usa ꞌixun ka tsi rëkirukënëan ñu këñubiankin xarokësa usa okinshi an ꞌakëxa a ëmakamax mitsumi rakuë́tia kamina këñuti ꞌain. Usakin mitsun aín ëmanubi bëbarukin ꞌakin këñukëx ka, unix munuma bëkui bënëtishi bëpëkikë usaribi okin Diosan aín kushínbi këñuti ꞌikën.

Hebreos 12:29

ax upíira ꞌixun ca rëquiruquin tsin ꞌacësaribi oquin ñu ꞌaisamacama cëñuti ꞌicë quixun sinánquin.