Deuteronomio 4:20 - Kashibo-Kakataibo Biblia

²⁰ Usokin a ñukama unio ꞌixun ka Nukën ꞌIbun mitsu Egipto menuax ꞌaisamaira ñu mëëi anuxun manë xaroti ꞌakë anuax ꞌikësai tëmëraiabi Diosan chikínxun ain uni ꞌinun mitsu ꞌimiakëxa, usa ꞌikë ka ain uni ꞌinun nu ꞌimiaxa.

Deuteronomio 4:20 ပူးပေါင်းရင်းမြစ်များ

1 Reyes 8:51

A unikamax ka min kaisa unibu ꞌaish min unibi ꞌikën; minbi kamina Egipto menuaxa tsi ënxaira anu ñu xuiti ꞌakë anuax ꞌikësaira ꞌinua ñu mëi tëmëraiabi atu chikiankën.

Salmos 33:12

Diosan unikamax ka aín ꞌibua Dios ꞌain kuëënkë ꞌiti ꞌikën, atux ka Diosan kaískë ꞌikën.

Éxodo 1:13

Usa ꞌain ka egipcio unikaman Israel unibu ꞌaisamaira okin ñu mëëmikin tëmëramiakëxa.

Éxodo 1:14

Tëmëramikin ka ꞌaisamaira ñu mënun ꞌamikin ami xuamati nishkin atu mëakëxa, ꞌimainun ka me tëi ladrillo ꞌati mëskuti ꞌamianan, atun naënu ꞌikë ñu mëëtiribi ꞌamiakëxa. ꞌAmikin ka Israel unikama atun ꞌatimaira okin tëmëramiakëxa.

Éxodo 34:9

ësakin kakëxa: —¡ꞌËn ꞌIbu! ¡ꞌËn ꞌIbu! Asérabi nu nuibati kamina nu kuankëbë nubë kuanti ꞌain. Ënë unikaman ka asérabi aín sinan iruarakin bana kuakëma ꞌikën, ꞌaínbi kamina nux mimi ꞌuchakë a tërënkin minan ꞌinun nu ꞌimiti ꞌain.

Éxodo 6:7

tëmëramianan kana mi kamaxmi ꞌën uni ꞌikë mitsu ië́miti ꞌain, ꞌëx kana mikaman Dios ꞌain. Usakin ꞌakëbëtan ka ꞌëx kana mitsun ꞌIbu Dios ꞌain kixun ꞌunánti ꞌikën, usa ꞌain kana ꞌën egipcio unibunëan amiribishi tëmëramikin ñu mëëmitëkëntima okin mitsu ꞌimiti ꞌain.

Isaías 30:6

Bërí kana ñuinakama Négueb menu ꞌikë akama ñui kin: a mex ꞌatimaira ꞌain ka anu paru ꞌinúankama axa kuëëkë, ꞌimainun runukama ꞌianan kapë́sa ñuina taëñu axa nuánkë akama ꞌikën. Burro ꞌimainun camello kaxunu puruxun ka ñu kupíkë Egipto me anua upa unikama ꞌikë anu buánti ꞌikën,

Daniel 3:26

Ësai kiküatsini aí ka ꞌapu Nabucodonosor tsi rëkirukë xëkuë a ꞌurama oi munuma banai kiakëxa: —¡Sadrac, Mesac ꞌimainun Abed-negó, Dios kushiira naínu ꞌikë aín unikama anuax chikíküatsini ka ënu ukan! Usakin kakëx ka uni bënákama ax tsi rëkirukë anuax chikíküatsini uakëxa,

Efesios 1:11

Nux Cristonan cupí aín uni raíri ꞌacësaribi oquin nu axa cuëëncësabi oi ꞌianan aín nëtënu abë ꞌiti nu ꞌiminuxun ca Nucën Papa Diosan ainan ꞌinun nu caísacëxa. Usai nux ꞌinun ca Nucën Papa Diosan camabi ñu ax cuëëncësabi oquin ꞌaquin mëníocëxa.

Efesios 1:18

ꞌImainun cana mitsu ñucáxunin, an ꞌimicëx caramina uisairai ënë nëtënuax Jesucristosaribi ꞌaish upí sinánñu ꞌiti ꞌai quixunmi mitsun ꞌunánun. Ñucánan cana uisairai caramina aín nëtënu abë ꞌaish, axa ami catamëcë unicamabë ꞌiti ꞌai quixunmi ꞌunánun mitsu ñucáxunin.

Deuteronomio 26:18

ꞌImainun ka Nukën ꞌIbu ësai kiaxa Israel unibu mitsux kamina achúshi ëma asérabi bërí ꞌën unibu ꞌiti ꞌain, ꞌëx kiásabiokin kana ꞌën mitsu kaisakën, usa ꞌain kamina ax kikësabira oi ꞌiti bana a tanti ꞌain.

Deuteronomio 32:9

usakin ka Nukën ꞌIbu Jacobnën rëbúnkikama, aín uni ꞌiti kaisakëxa.

Deuteronomio 7:6

Mitsux kamina ainan ꞌitia Nukën ꞌIbun kaisa a ꞌain; usa ꞌikë ka Nukën ꞌIbu Diosan achúshi ëma upíira ꞌinun mitsu ꞌimiaxa, usa ꞌaish kamina bëtsi menu ꞌikë ëmakamasamaira upíira ꞌinun mitsu ꞌimiaxa.

Deuteronomio 9:26

ꞌikin kana anuxun munuma banakin kakën: ꞌËn ꞌIbu Dios ënë unikama kamina usakin ꞌatima aín, atux ka min uni ꞌikëmi Egipto menuxun tëmërakin ñu mëëiabi mix kushiira ꞌixun chikínbëtsinkin bëa a ꞌikën.

Deuteronomio 9:29

Usa ꞌain ka atux min unibu ꞌaish min unibubi ꞌikën; min kamina Egipto menua min kushínbi atu chikiankën kixun ka Moisésnën Dios kakëxa.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.