Deuteronomio 4:2 - Kashibo-Kakataibo Biblia

² Kamina ënë banakama iskinbi ax kikësama okin bëtsi banakëñun mëskukima ꞌanan achúshi banarabi bikuankima ax kikësabiokin ꞌakin ëntima ꞌain, ꞌën mitsu kakësabiokin; ꞌanan kamina ax kikësaibi oí ꞌiti Dios kia bana usaibi a menu tsókanti ꞌain.

Deuteronomio 4:2 ပူးပေါင်းရင်းမြစ်များ

Jeremías 26:2

ësokin kakëxa: “Anuxun ꞌë rabiti ꞌën xubunu ꞌikë me mëníokë anu nirakëxun, kamina ꞌën mi kakë banakama axa Judá menu ꞌikë ëmakamanuax anuxun ꞌë rabiti ꞌën xubunu ukë unikama kati ꞌain. Kakin kamina kamabi ꞌën mi kakë banakama a ñuixunkin tëokima kati ꞌain.

Mateo 5:18

Cana mitsu asérabi cain, naí ꞌimainun mecama cëñúcëma pain ꞌain ca a banacama quiásabi oi ꞌiti ꞌicën. Usai ca ꞌiti ꞌicë quiáxa quiá ꞌain ca achúshi banabi usai ꞌicëma ꞌitima ꞌicën.

Mateo 5:43

Ësai quicë banaribia ñuia camina cuan: “Axa mimi nishcë uni nuibaquinma camina axa mibë nuibanancë unishi nuibati ꞌain”.

Gálatas 3:15

ꞌËn xucë́antu, ësa ca ënë bana ꞌicën. Achúshi unían, usa ca ënë ñu ꞌiti ꞌicë quixun quiricanu cuënëocë ꞌicë ca uinu ꞌicë unínbi a bana tërë́caquin bëtsi otëcëntima ꞌicën.

Deuteronomio 1:3

Treinta ꞌimainun nueve baritia ꞌitankëxa cuarenta baritia ꞌirukë anua atux nitsi në́a a sënë́nkëbëa mapai rabë́ ꞌimainun achúshi ꞌuxë ꞌirutabakëbëtan ka Israel unikama kakëxa, Moisésnën ka ënë banakama kaisama pain ꞌixun abë ꞌakanankin Sihón kakë amorreo unikaman ꞌapu axa Hesbón menu tsókë a ꞌimainun, Og kakë axa Bazán menu ꞌianan Astarot kakë ëmanu tsókë ax ka Edrei kakë me anu ꞌiakëxa. Usa ꞌikë ka Moisésnën Israel unikama Nukën ꞌIbu usai atux ꞌitia kanun kakë a banakama kakëxa.

Deuteronomio 12:32

Usa ꞌain kamina mitsun ꞌën kakë banakama ënëx kikësabiokin ꞌanan; uisaxunbi mëskukin ꞌën nankë banakama nantima ꞌain, kixun ka atu Moisésnën kakëxa.

Deuteronomio 13:1

Anumi mitsux ꞌikë anuaxa achúshi uni an bëtsi dios ñuikin bana ñuikë ꞌimainun an unin namákin iskë ñuikë uni këmënux mëraxun usai ka ñu ꞌiti ꞌikë kixun ñuikëbëa,

Deuteronomio 33:4

Moisésnën ka nukama a tanti Diosan bana Jacobnën rëbúnkikama ꞌinánkëxa,

Deuteronomio 4:14

ꞌAnan ka ꞌë a tanti bana ꞌimainun ax kikësoi ꞌiti bana anumi kuanti me anu kuantankëxun mitsu anuxun ax kikësabiokin ꞌati ꞌunánminun ꞌë kakëxa.

Deuteronomio 4:40

Mitsun kamina a tanti bana ꞌimainun ax kikësabi oi ꞌiti ꞌën bërí mitsu ñuixunkë bana ënë tanti ꞌain, tani kamina min rëbúnki kamabëbi ꞌitsa baritia Diosan mitsu ꞌinánti me anu xënibua ꞌaínbi tsóti ꞌain, kixun ka Moisésnën atu kakëxa.

Deuteronomio 4:5

ꞌËn kana mitsu usai ꞌiti ꞌimainun ax kikësai ꞌiti bana Diosan mitsu kanun ꞌë kakë banakama a ñuixuan, usa ꞌain kamina a menu tsóxun ax kikësokinbi ꞌakánti ꞌain.

Josué 1:7

Usa ꞌain kamina ꞌën kakësabi oí rakuë́ti sinanima kushiti ꞌain, ꞌimainun kamina ꞌën uni Moisésnëan ꞌën kakëxun mitsu kuënëoxuan bana ashi tanti ꞌain. A banakama kikësokinbi ꞌakëbë ka kamabi min ꞌakë ñukamax upí ꞌiti ꞌikën.