Deuteronomio 4:19 - Kashibo-Kakataibo Biblia

¹⁹ ꞌImainun kamina manámi bësukin naínua iskin bari, ꞌuxë ꞌispakama, ꞌimainun uisa ñukama kara anu ꞌikë akama iskin a ñukama rabiti sinántima ꞌain, Diosan ka uisa ñu kara anu ꞌikë abi kamabi uninan ꞌinun uniokëxa.

Deuteronomio 4:19 ပူးပေါင်းရင်းမြစ်များ

Génesis 1:14

Usa ꞌain ka Nukën ꞌIbu Dios kiakëxa: Naí xabá chaiira kuman batsisa anu ka an me pë́katikama ꞌiti ꞌikën, an imë́ ꞌikëbi xabá ꞌinun nëtë ꞌimikë, ax ka anun nëtëkama ꞌunánti ꞌianan, baritiakama ꞌunánan uisa nëtëkama kara ꞌia kixun ꞌunánti ꞌikën. Kikëbë ka usai ꞌiakëxa.

Génesis 2:1

Usokin ꞌatankëxun ka Nukën ꞌIbu Diosan naí ꞌimainun me, anua ꞌikë ñukama këñunbi ꞌakin kamabi sënëonkëxa.

2 Reyes 23:11

Josías ꞌapu ꞌiisama ꞌain Judánu ꞌapu ꞌia atun caballo ꞌianan caballonën nirinkë anun bari rabi sënënbi kuani ꞌikë akama masókëxa, ax ka anuxun Nukën ꞌIbu rabiti xubu rapasu anua Natán-melek an bëruankë ꞌikë kataitsi anu ꞌiakëxa, usa ꞌikë ka caballo ꞌimainun caballonën nirikë aribi xaronun ꞌamiakëxa.

Nehemías 9:6

Ësokin unikama katankëxun ka Esdrasnën Dios ësokin kakëxa: “Mixmi Dios ira ꞌain ka misaribi Dios uixi ꞌitima ꞌikën. Min kamina naíkamë ꞌëo ꞌanan a manámia ꞌikë ñukama këñun anu ꞌikë ꞌispakamaribi uniokën; ꞌanan kamina meribi ꞌatankëxun anu ꞌikë ñukamaribi ꞌakën, ꞌatankëxun kamina parúmpapanu ꞌikë ñukamaribi ꞌakën. Usa ꞌain ka min ꞌimikëx kamabi ñukamax upiti tsotia. Usa ꞌikë ka min ángel naínu ꞌikë kaman rabimainun menuxunribi mi rabiti ꞌikën.

Salmos 19:3

Usai ꞌia ka uínbi aín bana chanioima ꞌianan ka ax kia uisa banabi kuatima ꞌaínbi ka nu ꞌunánmia,

Jeremías 19:13

Jerusalénnu ꞌikë xubukama ꞌimainun, Judánu ꞌikë ꞌapun xubukama ꞌimainun xubu maskuan anuxua naínu ꞌikë ꞌispakama ꞌimainua bëtsi dioskama, rabikian uvas baka anpënkaxunkë ꞌaish ka ñu ꞌati ꞌaisama anuxun ꞌakë kakë usaribi ꞌaish Tófetsaribi ꞌiti ꞌikën.”

Jeremías 31:35

Nukën ꞌIbu an bari nëtën pë́kati ꞌanan ꞌuxë ꞌispa akamaribi an imë́ pë́kati ꞌá, an ka parúmpapa bëchunia aín bëchun xukirui bananun ꞌimia, aín anë ka Nukën ꞌIbu kamabi kushiñu kakë ꞌikën, ax ka ësai kiakëxa:

Ezequiel 18:6

usa ꞌaish ka atun dios rabikian matá mekamanuxun unikaman piti ꞌakë anu ꞌianan, Israel unikaman dios isa kixun këmëkinshi rabikë ñukama ami katamëtima; ꞌimainun ka bëtsi uni aín xanu bikuanima ꞌianan ka, aín xanun pëi machakë sënë́nkëmapain ꞌain abë ꞌima;

Mateo 5:45

Usaquin ꞌacë ꞌaish camina asérabi mitsun Papa Dios axa naínu ꞌicë an sináncësabi oquin sináncë ꞌain. An ca camabi uni, upí uni ꞌimainun upíma uni aribia pëcanun bari urumianan camabi unin ñu ꞌapácë chabónun ꞌuíribi ꞌibúmia. Usaribi oquin camina camabi uniribi nuibaquin ꞌaquinti ꞌain.

Hechos 7:42

Usoia ca Nucën Papa Diosan atúnbia naínu ꞌicë ñu, ꞌispa, ꞌuxë, bari acama rabinun quixun ëancëxa, an Nucën Papa Dios quicë bana uni ñuixuncë unicaman ësaquin cuënëosabi oquian ꞌanun: Israel unicama, anu uni ꞌicëma me anu cuarenta baritia ꞌiquin ꞌaracacë ñuina ꞌaquinbi camina ꞌë rabicanma ꞌain.

Romanos 1:25

Usa ñu ꞌaquin ca Nucën Papa Diosan bana cuaquinma, unin cëmëquin ñuicë banaishi sinánxa. Nucën Papa Dios, an camabi ñu unio, a rabiquinma ca an unio ñuishi rabiaxa. Nucën Papa Dios ax ca xënibua ꞌaínbi aira unin rabicë ꞌiti ꞌicën.

Deuteronomio 13:10

ꞌAkin kamina maxaxan bamatanun ꞌati aín, ax aín kuëënkësa okin ꞌakin Nukën ꞌIbu Dios an nu Egipto menuax tëmëraia chikían a ënti sinánmikë kupí kamina usakin a unikama ꞌati aín.

Deuteronomio 13:5

ꞌImainun kamina an bana ñuixunkë uni ꞌimainun an namákin isun usaika ꞌiti ꞌikë kixun bana ñuikë uni a mitsunu mëratia ꞌati ꞌain, a unin ka Dios an Egipto menuxun tëmërakin ñu mëëiabi mitsu chikían ax kikësa okin ꞌanun ꞌën kakë usakin ꞌaxuma ꞌanun kixun mitsu ꞌunánmiti ꞌikën. Usakinmi ꞌakëx ka mitsunuax uni ꞌatima sinánñukama ꞌaíma ꞌiti ꞌikën.

Deuteronomio 4:18

axa pukun niríkë ñuinakama tankin ꞌanan kamina bakanu ꞌikë ñuina tankinribi ꞌatima ꞌain.