Deuteronomio 4:12 - Kashibo-Kakataibo Biblia

¹² usaía ꞌikëbë ka Nukën ꞌIbu tsi rëkirukësa a mëuküax mitsu kai banakëxa. Mitsúnbi kamina ax banaia kuakën, aín bana kuakinbi kamina, aín nami isanan a ñu ñubi mëratia iskanma ꞌain.

Deuteronomio 4:12 ပူးပေါင်းရင်းမြစ်များ

Éxodo 19:9

kuankë ka Nukën ꞌIbun Moisés kakëxa: —Ka kuat, ꞌëx kana kuin këxtuira nëbëtsinuax mimi mërati ꞌain, anuax ꞌëx mibë banaia ꞌën bana kuati ka unikama mibëbi ꞌianan mix kamina asérabi ꞌën uni ꞌai kikanti ꞌikën. Usakian kakëxun ka Moisésnënribi unikama kikë ñuikin Nukën ꞌIbu katëkëankëxa,

Éxodo 20:22

Aín bashinu kuankë ka Nukën ꞌIbu Diosan Moisés ësakin kakëxa: Israel unibu kamina ësakin kati ꞌain: Mitsúnbi kamina uisai karana ꞌëx naíkamë ꞌëonuax banaia kuan.

Isaías 40:18

¿Uinu ꞌikë bëtsi uni kamabëtan sënën kara Dios ꞌikë kixun kaina mitsun kati ꞌain? ¿Uisa ñu mitsúnbi uniokë ax kara asaribi ꞌiti ꞌik?

Isaías 40:3

Achúshi ángelnëx ka munuma banai ësai kia: “Nukën ꞌIbu ka ꞌaia kamina anu uni ꞌikëma menu bai mëníoxunti ꞌain, a kamina Nukën ꞌIbu Dios ꞌaxunti ꞌain, ax ka achúshi bai chaiira puntë ꞌianan naxba anu ñu ꞌirukëma me ꞌiti ꞌikën.

Isaías 40:6

Achúshi unix ka ësai munuma banai kia: kia kana ꞌën ñukan: “¿Uisai karana ꞌëx munuma banai kiti ꞌain?” Kakëxun ka an ꞌë kaxa. Ënë bana kamina munuma banai kiti ꞌain kixun ka ꞌë kaxa. “Kamabi unix ka xubi kókë usaribi ꞌikën, ¡aín tsóti ax ka ñu ua naënu kotankëxi bëríbi nëtë́kë usa ꞌikën!

Números 12:8

ꞌimainun kana abë banai an unánkë unibë bësúnax banakësai banain, ꞌimainun kana kuaisabi ꞌitánun abë banakin ꞌënbi kain. ¿Usa ꞌaínbi karamina mitsux a ñui ꞌatimai banain?”

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Mateo 3:3

Juan ax ca a Isaíasnën Nucën Papa Diosan sinánmicëxun ñuiá a ꞌicën. Ësai ca a bana quia: Anu uni ꞌicëma menuxun munuma bana ñui ca a unix ësai quia: Nucën ꞌIbu ca aia, camina axa anun uti bai mëníoquin racanati ꞌain.

Deuteronomio 10:4

Anuxun ka Nukën ꞌIbun maxá pará rabë́ anu mapai rabë́ axa kikësabi oi ꞌiti aín bana kuënëokëxa, a paian aín bashinuxun nukamax timë́kë ꞌain tsi rëkirukësa mëuxun ꞌa usabi ꞌitánun. Kuënëoxun ꞌë ꞌinánkëxa,

Deuteronomio 4:11

Mitsúxmi aín bashi Sinaí kakë a ꞌurama ꞌain ka anuax tsi rëkiruia iskësa ꞌinun a manámi kuarui anuax kuin xapu ꞌunënkësa ꞌianan tunan ꞌinun ꞌiakëxa;

Deuteronomio 4:13

Nukën ꞌIbunbi ka mitsu ꞌunánmiakëxa achúshi ñu ꞌakin ax ka mapai rabë́ bana maxá paránu kuënëokë ax kikësaibi oi ꞌikin mitsun a tanti bana ꞌiakëxa.

Deuteronomio 4:15

Amiribishi ka Moisésnën Israel unikama katëkëankëxa: A nëtë́an nukamabë Dios tsi rëkirukësa nëbëtsinuax banai aín bashi Sinaí kakë anuax kikëbëtan kamina a ñu ñubi iskanma ꞌain. Usa ꞌain kamina bëruinra okanti ꞌain,

Deuteronomio 4:33

¿Anu kara bëtsi menu ꞌikë ëma an mitsun kuakësa okin, Diosan tsi rëkirukësa nëbë́tsinuxun kakëxun kuatíbi nux ꞌikësai bamakëma ꞌiti ꞌik?

Deuteronomio 4:36

Ax ka mitsu naínuxunbi usaími ꞌiti banakama ꞌunánmi kiakëxa, ꞌimainun ka menuxunbi aín kushi ismikin tsi rëkirukësa ꞌinun mëramiakëxa, mërami anuax kia kananuna tsi rëkirukësa nëbë́tsinua aín bana kuakën.

Deuteronomio 9:10

Usai mapërakëax anu ꞌikë ka Nukën ꞌIbu maxá pará rabë́ anu aín banakama kuënëokë a ꞌë ꞌinánkëxa, ax ka nuxnu aín bashi Sinaí anu timë́kë ꞌain ka a nëtën tsi rëkirukësa a mëuxun nukama kakë bana a ꞌiakëxa.

Colosenses 1:15

Uinu ꞌicë unínbia Nucën Papa Dios istima ꞌaínbi ca unían uisa cara Nucën Papa Dios ꞌicë quixun ꞌunánun asaribi ꞌaish aín Bëchicë ënë menu uacëxa. Añu ñubi unitisama ꞌain ca axira pain aín Papabë ꞌiacëxa.

Hebreos 12:19

Manë bana ocë sharatia camina cuama ꞌain. Cuatíma ꞌianan camina Nucën Papa Dios banaiaribi cuama ꞌain. Nucën Papa Dios banacëbëa ꞌaisamaira ñu ꞌia isquin ca nucën raracaman racuë́quin Moisés cacëxa: —Nux bamatima cupí camina minbi Nucën Papa Diosan cacëxun nu cati ꞌain.