Deuteronomio 4:1 - Kashibo-Kakataibo Biblia

¹ Bërí kamina Israel unikama mitsun kuati ꞌain, ax kikësaibi ꞌiti bana ꞌën mitsu ꞌunánmikë ami kuanxun ax kikësabiokin ꞌakëbëtan ka a ꞌinánnuxua Diosan nun chaitiokëkama ka a me mitsu ꞌinántankëxun anuax upitax tsónun mitsu ꞌimiti ꞌikën.

Deuteronomio 4:1 ပူးပေါင်းရင်းမြစ်များ

Salmos 105:45

usakin ꞌakëxuan a tanti banakama ꞌimainun, an ꞌunánmikë banakama kikësabiokin ꞌanun ka usakin ꞌakëxa. ¡Usa ꞌain kananuna ashi rabiti ꞌain!

Ezequiel 36:27

ꞌImianan kana ꞌën Bëru Ñunshin mitsu ꞌinánkin ꞌën bana a tantikama kikësaibimi ꞌinun mitsu ꞌimiti ꞌain,

Ezequiel 37:24

ꞌËn uni David aín rëbúnki achúshinëx ka ꞌapu ꞌianan, an atu bërúankë uni achúshishi ꞌiti ꞌikën, usa ꞌixun ka an Diosan bana kikësabiokin ꞌati ꞌikën.

Levítico 19:19

A tanti bana ꞌën mi kakë ënëx kikësabiokin kamina ꞌati ꞌain. Mitsun ꞌarakakë vacamia ñuina itsin bëchinun kamina ꞌamitima ꞌain. Min naënu ñu ꞌapákin kamina mëskukin ñu bërukama ꞌapátima ꞌain. ꞌAnan kamina bëtsi bëtsi ñumanën mëskukin ꞌakë chupa pañutima ꞌain.

Levítico 19:37

Usa ꞌain kamina a tanti bana ꞌëx kikë usakinbi ꞌati ꞌain; a bana kamina tanti ꞌain. ꞌËx kana min ꞌIbu a ꞌain.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Lucas 1:6

Zacarías ꞌimainun Elisabet a rabëtax ca Nucën Papa Diosan iscëx aín nuitu upí ꞌiacëxa. Upí ꞌixun ca Nucën ꞌIbu Diosan banacama cuaquin an cacësabi oquin upí oquin ꞌacëxa. Usa ꞌain ca uinu ꞌicë uníxbi a ꞌatimaquin ñui ami manánma ꞌicën.

Juan 15:14

ꞌËn cacësabi oi ꞌi camina mitsux ꞌëbë nuibanancë uni ꞌain.

Romanos 10:5

An usai ca uni ꞌiti ꞌicë quicë bana ꞌacë cupí Nucën Papa Diosan a ꞌuchañuma isti sináncë uni, a ñuiquin ca Moisésnën ësaquin cuënëocëxa: “Nucën Papa Diosbë upí ꞌinux Moisésnën cuënëo bana quicësabi oi ꞌiti sináncë unin ca asérabi a banacama quicësabi oquin ꞌati ꞌicën”.

Deuteronomio 1:3

Treinta ꞌimainun nueve baritia ꞌitankëxa cuarenta baritia ꞌirukë anua atux nitsi në́a a sënë́nkëbëa mapai rabë́ ꞌimainun achúshi ꞌuxë ꞌirutabakëbëtan ka Israel unikama kakëxa, Moisésnën ka ënë banakama kaisama pain ꞌixun abë ꞌakanankin Sihón kakë amorreo unikaman ꞌapu axa Hesbón menu tsókë a ꞌimainun, Og kakë axa Bazán menu ꞌianan Astarot kakë ëmanu tsókë ax ka Edrei kakë me anu ꞌiakëxa. Usa ꞌikë ka Moisésnën Israel unikama Nukën ꞌIbu usai atux ꞌitia kanun kakë a banakama kakëxa.

Deuteronomio 1:8

ꞌËn kana a mekama mitsu ꞌinánuxun sinánkën; usa ꞌain kamina kuantankëxun a mekama biti ꞌain bikëkana ꞌën mitsun bikë kuati ꞌain, ax ka mitsun chaitiokëkama sinanatëkëntima okin ꞌinánuxun ꞌën ka a ꞌikën, akamax ka Abraham Isaac ꞌimainun Jacob aín rëbúnkikama ꞌinánuxun ka me a ꞌikën.

Deuteronomio 13:1

Anumi mitsux ꞌikë anuaxa achúshi uni an bëtsi dios ñuikin bana ñuikë ꞌimainun an unin namákin iskë ñuikë uni këmënux mëraxun usai ka ñu ꞌiti ꞌikë kixun ñuikëbëa,

Deuteronomio 30:16

ꞌËn bërí mitsu kakë ësokin ꞌakinmi a nuibati ami katamëkin ax kikësabira oi ꞌiti bana ꞌianan a tanti bana kikësabi ꞌia ka Diosan bakë bëchipatimi tsónun mitsu ꞌimiti ꞌikën, ꞌimainun ka anumi mitsux tsóti me anu tsotia mitsu upíokin sinánxunti ꞌikën.

Deuteronomio 30:19

Ënë nëtën kana bërí mitsu kain naí ꞌimainun men ka unin kuankësa okin ꞌën mitsu kaia kuanti ꞌikën, ꞌaínbi ka a menu tsókë unikamax këñuti ꞌikën, usa ꞌain ka upíokin sinánxunkë ꞌimainun ꞌatima okin sinánxunkë ꞌiti ꞌikën, usa ꞌain kamina uisai kaina mitsux tsóti ꞌai isanan uisa ñu ꞌai kara mitsun rëbúnkikama tsóti ꞌikë kixun kati ꞌain;

Deuteronomio 30:20

usa ꞌain kamina Nukën ꞌIbu Dios nuibati ami katamëkin ax kikësabiokin ꞌati ꞌain, usakin ꞌai kamina ꞌitsa baritia a me ꞌinánnuxua sinanatëkëntima okin Nukën ꞌIbun nun chaitiokë Abraham Isaac ꞌimainun Jacob ka a menu ꞌiti ꞌain kixun ka Moisésnën kakëxa.

Deuteronomio 4:40

Mitsun kamina a tanti bana ꞌimainun ax kikësabi oi ꞌiti ꞌën bërí mitsu ñuixunkë bana ënë tanti ꞌain, tani kamina min rëbúnki kamabëbi ꞌitsa baritia Diosan mitsu ꞌinánti me anu xënibua ꞌaínbi tsóti ꞌain, kixun ka Moisésnën atu kakëxa.

Deuteronomio 4:8

¿Bëtsi menu ꞌikë unikamax kara asérabi ax kikësabi oi ꞌiti bana ꞌën mitsu bërí ꞌunánmikë ësaribi banañu ꞌiti ꞌik?

Deuteronomio 6:1

Ënëx ka ax kikësabi oi ꞌiti bana, ꞌimainun a tanti bana, Diosan ꞌën mitsu ꞌunánminun ꞌinánkë ꞌikën, usa aín kamina anumi kuankanti me anuxunbi manukinma, a banakama mitsun tanti ꞌain.

Deuteronomio 6:24

Usokin bëtankëxun ka Nukën ꞌIbu Diosan nukamanu ax kikësabi oi ꞌiti bana a ꞌunáni ami sinania iskin nu ꞌakinkëx kananuna upí ꞌiti ꞌain, ꞌimainun ka bërí ꞌakësaribi okin anbi nu bërúanuxun ꞌaia.

Deuteronomio 7:11

Usa ꞌain kamina ax kikësabi oi ꞌiti bana ꞌimainun a tanti bana ꞌën bërí nëtën mitsu kakë bana ënë tankin ꞌati ꞌain.

Deuteronomio 8:1

“Moisésnën ka amiribishi Israel unikama katëkëankëxa, ax kikësabi oi ꞌiti bana ꞌën mitsu kakë ënë kamina tanti ꞌikanin, usakin ax kikësabiokin ꞌai kamina bakë bëchipati achúshi ëma chaiira ꞌixun atu ꞌakin kupitanunma ꞌaxun kamina, a ꞌinánnuxua nun chaitiokëkama Diosan ka me a biti ꞌain.

Deuteronomio 8:11

Usa ꞌain kamina Nukën ꞌIbu Diosmi manútima bërúankakin ax kikësabiokin ꞌati ꞌain. ꞌAkin kamina ax kikësaibi oi ꞌiti aín bana a tanti ꞌain, ꞌën mitsu bërí kakë aín bana ënëx kikësabiokin ꞌakánti ꞌain.

Deuteronomio 9:1

Amiribishi ka Moisésnën Israel unikama ësokin kakëxa: ꞌën mitsu kamainun kamina kuakanti ꞌain, Israel unikama anúnmi Jordán kakë baka sikarakëti kuani kuanti nëtë ka ꞌurama ꞌikën, anu ꞌikë ëmakamax ka chaiirabu ꞌimainun ka anu tsókë unikamaxribi mitsubë sënë́mabuira kushiira ꞌaish nun titikaisamabu ꞌikën, ꞌimainun ka atun ëmakama axribi chaiorukin kënëabu ꞌikën;

Josué 3:9

Usakin kakëxun ka Josuénën Israel unikama kakëxa: Nëri kamina rikuatsinti ꞌain Nukën ꞌIbu Diosan ka ësokin nu ꞌakinkin ñu ꞌakatsi kiaxa mitsu kanun.