Deuteronomio 32:8 - Kashibo-Kakataibo Biblia

⁸ Achúshi okin ka Diosan ax kushiira ꞌixun unikama amanu amanu kuani bëtsi bëtsi menu tsóti kuanun ꞌimiakëxa, ꞌimianan ka uinu kara atun me sënë́nti ꞌikë aribi kamabi menu ꞌikë unikama ꞌunánmiakëxa. ꞌAínbi ka usakin atu ꞌanan Israel unibu aín uni ꞌiti kaisakëxa,

Deuteronomio 32:8 ပူးပေါင်းရင်းမြစ်များ

Génesis 10:15

Canaán ax ka rabë́ bëchikëñu ꞌiakëxa aín rëkuën ax ka ꞌiakëxa Sidón, kakë aín ꞌanáka ax ka ꞌiakëxa Het.

Génesis 10:25

Usa ꞌain ka Ébernën rabë́ okin bakë bëchiakëxa: achúshinëx ka Péleg kakë ꞌiakëxa, axa anu ꞌain ka unikama kamabi menu kuani abísakëxa; ꞌimainun ka Pélegnën xukë́n ax Joctán kakë ꞌiakëxa. (Péleg ax ka bëtsi bëtsi menu kuani amanu amanu kuankëxa.)

Génesis 10:5

Ënë unikamax ka Jafetnën rëbúnki ꞌiakëxa, ax ka achúshi Javán kakë ꞌiakëxa, aín rëbúnkinëx ka parúmpapa kuëbí tsóti ꞌuakamë ꞌëokëxa, usai ꞌika aín bananbi bananbi banai aín aintsibë timë́ax aín menu menubi tsóakëxa.

Salmos 115:16

Naí kamë ꞌëo ax ka Nukën ꞌIbunan ꞌikën, ꞌimainun ka uni ainan ꞌinun me ꞌinánkëxa.

Salmos 91:1

Uix kara Dios kamabi kushiñuira ꞌianan, manámi ꞌikë an bërúankë an ka

Daniel 4:17

Ënëx ka usai ka ꞌiti ꞌikë kiaxa an bërúanti nankë ángelkama ax kikë ꞌikën, usa ꞌikë ka kamabi unikaman ꞌunánti ꞌikë, ax ka manámi ꞌikë Dios kamabi kushiñu a ꞌikën, an ka uikara ꞌapu ꞌimitisatania a ꞌapu ꞌimianan uix kara ñuumasara ꞌikë a unikamaribi aín kushia aín menubi ꞌinun ꞌimia.

Daniel 5:18

Dios manámi ꞌikë kushiira an ka, min papa Nabucodonosor, axa ꞌapu ꞌaish chaiira ꞌikëa kamabi menu ꞌikë unin uisakinbi kakëma ꞌinun ꞌimiakëxa.

Miqueas 2:5

Usa ꞌain kamina mitsux anua Nukën ꞌIbun unikama ꞌikë anu ꞌitima ꞌain.

Números 23:9

Anua mapara chaiirabu bukukë ënuxunbi kana isti ꞌain, ꞌimainun kana matá me ënuxunbi isin: Atux ka bëtsi menu ꞌikë unikamabë mëskuax tsótima atúxbi upitax bukuia.

Números 24:16

usa ꞌixun kana Diosan bëru ñunshinan ꞌunánmikëxun upíokin ꞌën an ꞌakësaribi okin ñu ꞌunánin, usa ꞌikë ka an namámikësa okin ismianan añu kara ꞌiti ꞌikë a uni ñuixunun ꞌë ꞌunánmia.

Hechos 17:26

An ca achúshi uni aín rëbúnquicamaxa mecamanu tsónun uniocëxa. Unioquin ca uiti barin cara aín rëbúnquicamax camabi menu tsóti ꞌicë quixun mëníonan, anua aín me sënë́ncëcamaribi mëníoxuancëxa.

Hechos 7:48

ꞌAxuan ꞌaínbi ca Nucën Papa Dios, ax ꞌApuira ꞌaish, unin ꞌacë xubunu tsotima. Ësai ca an Nucën Papa Dios quicë bana unicama ñuixuncë unían cuënëo bana quia:

Deuteronomio 33:28

Usa ꞌain kamina mitsux Diosan ꞌakinkëx ami katamëti tsóti ꞌain, ꞌimainun ka mitsun rëbúnkikamaribi uínbi ubíokëma upitax bukui kuëënun ꞌimiti ꞌikën. ꞌImianan aín menu atun ꞌapákëx trigo a piti ꞌaisamaira ꞌianan ka a xëati uvas baka ꞌakë aribi ꞌaisamaira ꞌiti ꞌikën, usai ꞌikëbë ka ꞌuíribi a menu an ñu ꞌapákëkama chabóti ax ꞌibutíma ꞌima ꞌibúti ꞌikën.