Deuteronomio 32:5 - Kashibo-Kakataibo Biblia

⁵ Israel unikama ꞌimainun kamabi unin bakë bëchikëma upíokin sinanima ñu ꞌatima ꞌai Diosmi banai kia, usai banai ka aín bëchikë ꞌisama ꞌikania:

Deuteronomio 32:5 ပူးပေါင်းရင်းမြစ်များ

Génesis 6:12

kamabi unin ka ꞌatima ñuira ꞌati sinánñu ꞌiakëxa. Usa iskin ka Nukën ꞌIbu Diosan ënë menuxun ꞌaisamaira ñu ꞌatima ꞌaia isakëxa,

Éxodo 32:7

Atúxa usai ꞌikëbëtan ka Nukën ꞌIbun Moisés kakëxa: —Ënuax kuabutankëxun kamina Egipto menuami bëkë unikaman ka ꞌatima ñu ꞌai ꞌuchakin ꞌën kakë bana a kuaisama tanxa isi kuanti ꞌain.

Proverbios 8:8

Kamabi bana ꞌëx kikë ax ka asérabi upí ꞌikën; a bananu ka këmëi banakësa bana ꞌaíma ꞌikën.

Isaías 1:4

¡Usa ꞌain ka atux kamaxi ꞌuchakanxa ꞌianan ka a unikaman ꞌitsaira ꞌatima ñuishi ꞌaia, atun chaitiokëkamaxribi ꞌatima ñuishi ꞌakë unibu ꞌia ꞌain ka atun ꞌaisa tankë ñu ꞌatimashi ꞌakania! Usa ꞌain ka aín ꞌIbu ꞌikëbi ꞌë ënkanxa ꞌëx kana Israel unikaman Dios upíira a ꞌain, usa ꞌikëbi ka ꞌën bana kuaisama tankin ꞌë manuaxa.

Isaías 63:8

Ax ka ësai kiakëxa: “Atux ka ꞌën unibu ꞌikën, usa ꞌixun ka atun ꞌën kuëënkësokin ꞌakin ꞌë parántima ꞌikën.” An ka atu ië́miakëxa,

Números 23:21

Uínbi ka paránani ꞌatimonania Israel unibu Jacobnën rëbúnkikama iskëma ꞌikën. Usa ꞌain ka Dios atubë ꞌikën, usa ꞌikë ka atun ꞌapusa ꞌikë rabia.

Mateo 16:4

Ënë unicama Nucën Papa Diosmi sináncëma ꞌixun ca atun isnun uni itsin ꞌacëma ñu ꞌanun quixun ꞌë caia. Usa ꞌaínbi cana, ꞌëx cana asérabi Nucën Papa Diosnuax uá ꞌai quixun atun ꞌunánun, bëtsi ñuribi atúan ñucácëxunbi ꞌaiman. Ënëishi cana mitsu cain, Jonás ꞌiásaribiti cana ꞌëx ꞌiti ꞌain. Usoquin cabiani ca Jesús anu ꞌicë unicama ëbiani cuancëxa.

Mateo 17:17

Quia cuaquin ca Jesusan anu ꞌicë unicama cacëxa: —Mitsun camina Nucën Papa Dios ax ca asérabi cushi ꞌicë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu ꞌunánmiti ꞌain? ¿Uitishi nëtën carana ꞌëx mitsu cupí masá nuituti ꞌain? ꞌË ca a tuá bëxun.

Mateo 3:7

Juanën bana ñuixunia cuati ꞌitsa uni ricuatsinmainun ca ꞌitsa fariseo uni ꞌimainun ꞌitsa saduceo uniribi an nashiminun quiax anu uacëxa. Aia isquin ca Juanën cacëxa: —Mitsux ꞌatima ꞌixun uni paráncë ꞌaish camina mitsun rara ꞌiásaribiti runu, an uni picë, asa ꞌain. ¿Usa ꞌicë cara anúan Nucën Papa Diosan ꞌaisama unicama atumi nishquin masóti nëtën masócë ꞌitin rabananmi sinananun quixun uin mitsu cax?

Lucas 9:41

Quia cuaquin ca Jesusan anu ꞌicë unicama cacëxa: —Mitsun camina Nucën Papa Dios ax ca asérabi cushi ꞌicë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu ꞌunánmiti ꞌain? ¿Uitishi oi nëtën carana ꞌëx mitsu cupí masá nuituti ꞌain? Usaquin caquin ca a uni —ꞌënu ca min bëchicë bët —quixun cacëxa.

Juan 8:41

Mitsun papan ꞌacësabi oquin camina ꞌain. Cacëxun ca a unicaman cacëxa: —Nux cananuna papa itsiñuma ꞌain. Nucën Papa Dios axëshi ca nun Papa ꞌicën.

Hechos 2:40

Usoquin canan ca bana raíriribi ñuixunquin Pedronën ꞌësëquin cacëxa: —Ënë nëtënu ꞌicë unían a ꞌunáncëma ꞌaínbi camina mitsux Jesucristomi sinanati Nucën Papa Diosnan ꞌinux ië́ti ꞌain.

Hechos 7:51

Usaquin caxun ca ësaquinribishi Estebanën cacëxa: —Mitsux camina bana sinanima, nuituñuma ꞌaish pabíñumasa ꞌiá ꞌaish usabi ꞌain, Nucën Papa Dios ꞌunáncëma unisaribi ꞌaish. Camabi nëtë́an Nucën Papa Diosan Bëru Ñumshin Upitan mitsu sinánmicë ꞌitsíanxbi camina an sinánmicë ꞌiisama tanin. Mitsun rara ꞌiásaribiti camina mitsux ꞌin.

2 Corintios 11:3

Ax cëmëti ꞌunan ꞌixun ca runun Eva paráncëxa. Usaribi oquin sapi ca anu ꞌicë unicaman mitsu parania quixun cana ꞌitsa sinanin. Cristomi asérabi upiti catamëcë ꞌixunbi sapi camina bëtsi oquin sinánquin aín bana ënti ꞌai quixun cana sinan.

Deuteronomio 31:29

ꞌËn kana ꞌunánin ꞌëx ñukëbëtan kamina bëtsi bëtsi ñu ꞌakin ꞌën usai ꞌiti ñuixunkë banakama mitsun ënxun ꞌain; ꞌimainun kana ꞌunanin mitsun bakë bëchikëkamaxribi ka ꞌatima ñu ꞌai ꞌitsaira tëmëranuxun ꞌaia, usai ꞌikin kamina mitsun Nukën ꞌIbu nishminuxun ꞌain kixun ka Moisésnën atu kakëxa.

Deuteronomio 32:20

ëni ka ësai kiakëxa: Bërí kana ami kasuakëkin ꞌën atu, ¡uisai kara ꞌia isnuxun ënin! Asérabi ka a unikamax ꞌaisama unibu ꞌaish, ami ꞌunánmakin ꞌakinsama ꞌikën.

Deuteronomio 4:16

bërúankanan kamina uisa ñubi uniokin uni tankin ꞌanan xanu tankinribi uniotima ꞌain,

Deuteronomio 4:25

ꞌItsa baritia a menu tsókin mitsun bakë bëchikënën bëchikë mitsun baba atúnribi Dios rabiti ënkin bëtsi ñubi uniotankëxun a rabitima ꞌikën, usokin ꞌai ami ꞌuchaia isi ka Dios mitsun ꞌakë ñu kuëënima nishti ꞌikën,

Deuteronomio 9:24

¡A nëtën ꞌën mitsun uankë, anubi kamina Nukën ꞌIbun bana kuaisama tankën!

Filipenses 2:15

bëtsi unicaman, mitsúxmi ñu ꞌaisama ꞌaíma Nucën Papa Dios cuëëncësabi oíshi ꞌia isnun. Usai ꞌia ca ꞌaisama ꞌaísha ax ami sináncëma unicaman, Nucën Papa Diosan bëchicë ꞌaíshmi mitsun nuitu upí ꞌicë isti ꞌicën. Usa ꞌaish camina mitsux ꞌispacaman bëánquibucë ꞌicëbi pëcacë usaribi ꞌain,

Jueces 2:19

ꞌAínbi ka an ꞌakinkë ꞌapu ñukëbëtan, amiribishi ñu ꞌatima ꞌatëkënkankëxa, ꞌakin ka atian ira atun chaitiokëkaman ꞌasamaira okin bëtsi dioskama rabikankëxa. Usakin ꞌai ka atun ñu ꞌaisama ꞌakë ëinsama tani atun sinan iruarati sinánñuma uni ꞌikësai ꞌikankëxa.