Deuteronomio 32:41 - Kashibo-Kakataibo Biblia

⁴¹ usa ꞌixun kana ꞌën manë nibánibakikë ꞌitanun kuënuira okin xëtokë anun bëtsi ꞌanux mëníokakësari ꞌiti ꞌain. ¡Atankëxun kana axa ꞌëmi nishkë unikama uisakin karana ꞌaisatani usakin ꞌati ꞌain!

Deuteronomio 32:41 ပူးပေါင်းရင်းမြစ်များ

Éxodo 20:5

Usakin ꞌatankënxun ka a ñukamaribi ami ñanákin rabitima ꞌikën, ꞌëx kana atun Dios ꞌain, ꞌianan kana ꞌëx nishi kian an ñu ꞌatima ꞌatishi kuëënkë aín, bëchikëkama ꞌimainun aín baba aín bëchikënën bëchikë akama ꞌatimokin tëmëranun ꞌimiti ꞌain,

Isaías 1:24

Usa ꞌain, ka kamabi kushiñu, Israel unikaman Dios ax asérabi kiakëxa: “¡Asá ka anuishi ka ꞌiti ꞌikën! ꞌËn kana axa ꞌëmi nishkë unikama aín ꞌakë ñukama iskin uisakin karana ꞌati ꞌai usakin ꞌati ꞌain. ꞌËn kana atun ꞌakë ñukama ꞌunánkin uisa karana oti ꞌai usakin ꞌati ꞌain.

Números 10:35

Kuankian bunántisa kurin ratakakakin ꞌakë a rëkuë́mibiankin buánkëbë ka Moisés ësai kiakëxa: ꞌËn ꞌIbu numi ꞌakinti kananuna kuëënin. ¡Ax mimi nishkë unikama abístanun ꞌimiti kana kuëënin! ¡ꞌËx kana mi isi ꞌikësa ꞌinua ax numi ꞌikë unikama abísti kuëënin!

Marcos 1:2

An Nucën Papa Dios quicë bana unicama ñuixuncë uni, Isaías cacë, an ca Jesucristo ënë menu uti sinánquin Nucën Papa Diosan sinánmicëxun ësaquin cuënëocëxa: A caxu mi cuanun cana uni xutin. Ax pain cuanquin ca anun cuanti bai mëníoquin racanacësaribi oquin, camabi unían min bana cuanun atun nuitua upí ꞌinun sinanamiti ꞌicën.

Romanos 1:30

Usai ꞌi ca uni itsi ñui cëmëanan ami sinanima Nucën Papa Diosmi manutia. Usai ꞌiquin uni itsi —ꞌaisama ca —quixun ñuianan ca abi rabiacati cërúanan raíri unimi nëtëtima ꞌësë́nanan aín tita aín papan bana cuaisama tania.

Romanos 8:7

An ënë nëtënu ꞌicë ñuishi sináncë uni an ca Nucën Papa Dios cuëëncësabi oi ꞌiti sinanima. Usa ꞌixun ca asérabi aín bana ꞌunáncëma ꞌaish ami nishcësa ꞌixun añu ñu cara ꞌaisa tania a ñu ꞌaia. Usaquin ꞌaquin ca Nucën Papa Diosan bana cuaisama tanan a bana quicësabi oquin ꞌaima.

Deuteronomio 32:35

Anun usakin ꞌati nëtë ꞌikëbëtan kana anun uisakin karana ꞌaisatani usakin ꞌati ꞌain, anun ka a nëtë sënë́nkëbë ꞌatima okë ꞌiti ꞌikën. Anun usakin ꞌati nëtë ka ꞌurama ꞌikën, ¡ꞌIanan ka basimashi usai ꞌiti ꞌikën!

Deuteronomio 7:10

ꞌaínbi ka uikaman kara aín bana kuaisamatania a unikama panákinma bënë́kinshi uisakin kara ꞌaisatania usokin ꞌati ꞌikën.

2 Timoteo 3:4

Aín quicësabi oquin ca ñu ꞌatima ꞌicën. Nuituñuma ꞌixun ca ax cuëëncësabi oquinshi ñu ꞌati ꞌicën. Usai ꞌi cërúquin ca añu cara Nucën Papa Dios cuëënti ꞌicë quixun sinánquinma ax cuëëncësoquinshi ñu ꞌati ꞌicën.