Deuteronomio 32:32 - Kashibo-Kakataibo Biblia

³² Atux ka ñu ꞌapákë ꞌatimanën ꞌatimokin tuákësa ꞌikën, usa ꞌaish ka Sodoma ꞌimainun Gomorra ëmanu tsóa unikaman rëbúnkinëan uvas muka ꞌimainun a pi këñuti ꞌapákë usaribi ꞌikën;

Deuteronomio 32:32 ပူးပေါင်းရင်းမြစ်များ

Job 14:17

unin ñu pishanu ꞌaruxun nikë usaribi okin kamina min ꞌën ꞌatima ñu ꞌakëkama mëníoti ꞌain, usakin ꞌakin kamina a ñukama ꞌë manumiti ꞌain.

Isaías 1:10

ꞌApukama Sodomanu ꞌiása mitsun kamina ësaia Dios kikë aín bana kuati ꞌain; ꞌimainun Gomorranu ꞌia unikamasa mitsunribi kamina ꞌupiokin nun Diosan bana bëmë́kin kuati ꞌain, nukaman Diosan ka mitsu ꞌunánmisa tania.

Isaías 5:4

¿Añu ñuribi karana ꞌën ꞌapákë uvaskama ꞌati ꞌain? ¿Anu kara usakin ꞌaisa ꞌikëbi ꞌën ꞌakëma ꞌik? ꞌËn kana ꞌapákë uvaskama bataira ꞌitánun bimiti kainkë ꞌian, ¿Uisa kupín kara uvas kaman kacha ꞌitánun tuax?

Jeremías 2:21

ꞌËn kana mi i upíira ꞌapákësa ꞌimianan, uvas bëru upíira ꞌapákëx kókësa usaribi ꞌinun ꞌimiakën. ¡ꞌAínbi kamina atiaira ꞌaisamai ninu ꞌikë bimi mukaira ꞌinun tuákësa usaribi ꞌikankën, usa ꞌikë kana ꞌënribi mitsu ꞌunánkëmasa okën!

Jeremías 23:14

ꞌËn kana Jerusalénnu ꞌikë an ꞌën bana uni ñuixunkë unikama ꞌatima ñu an ꞌë ꞌaisama ꞌimikë ñuira ꞌaia isan: usakin ka atun aín xanuma bëtsi xanu aín nami ꞌanan, bëtsi unikama këmëkin paránia, usakin ꞌakin ka uni ꞌatima sinánñukama, a uínbia ꞌain ñu ꞌatima ꞌakë ënxuma ꞌanun kixun sinánmia. Usa ꞌain ka atu ꞌimainun a ëmanu tsókë unikamax Sodoma ꞌimainun Gomorranu ꞌikë uni tsóasaribi ꞌën iskëx ꞌikën.

Mateo 11:24

Usa ꞌain ca anúan camabi uni aín ñu ꞌacë isti nëtën Sodomanu ꞌicë unicama ꞌásamaira oquin Nucën Papa Diosan mitsu ꞌuchoti ꞌicën. ꞌUchoquin ca a ëmanu ꞌicë unicama ꞌacësamaira oquin mitsu ꞌati ꞌicën.

Deuteronomio 32:33

atun uvas baka bikë ax ka runu ꞌakanankë aín paësa ꞌikën, ¡usa ꞌaish ka runun ꞌakëxa aín paënbi uni ñukë ꞌusaribi ꞌikën!

Hebreos 12:15

Nucën Papa Diosan ax cuëëncësabi oquin mitsu ꞌaquincëma ꞌitin rabanan camina an mitsu ꞌunánmicësabi oi ꞌinux bërúancati ꞌain. Usai ꞌiquin camina uni raíri ꞌaisama nuituñu ꞌinun ꞌatimaquin sinánmitima ꞌain.