Deuteronomio 32:22 - Kashibo-Kakataibo Biblia

²² ꞌËx xuamati nishkë ax ka tsi rëkiruia iskësa ꞌiaxa, usai ꞌikin ka kamabi ꞌain bashi chairukë; a menu kookë ñu bimiñu xaronan; ꞌain bashi chairukë a tanain ꞌikë me anubi tsi rëkirukënën ñu këñukësa usa aín nishkë ꞌiti ꞌikën,

Deuteronomio 32:22 ပူးပေါင်းရင်းမြစ်များ

Jeremías 15:14

ꞌËn kana axa mimi nishkë unikaman mitsun ꞌunánkëma menu buántankëxun tëmëramikin ñu mëëminun mikama ꞌimiti ꞌain, ꞌëx mimi ꞌitsaira nishkë anbi ka tsi rëkirukënëa ñu këñukësa usaribi okin mitsu ꞌati ꞌikën.

Miqueas 1:4

Aín taë shimuküax ka aín bashikamax unin xara tsinu ꞌarukëx charákësa usaribiti ꞌinun ꞌiti ꞌikën, ꞌimainun ka me sapankamaxribi bakan kushiira ꞌëkin panarabëtanun tukakësa usaribiti ꞌiti ꞌikën.

Hebreos 12:29

ax upíira ꞌixun ca rëquiruquin tsin ꞌacësaribi oquin ñu ꞌaisamacama cëñuti ꞌicë quixun sinánquin.

2 Tesalonicenses 1:8

Aín ángelnën cushicamabë utancëxun ca Nucën ꞌIbu Jesusan ui unicaman cara ami catamëisama tancë ꞌixun Nucën Papa Dios ꞌunáncëma ꞌicë, acama uisa cara oti ꞌicë usoquin ꞌati ꞌicën.

Mateo 23:33

ꞌAtima ꞌixun uni paráncë ꞌaish camina mitsux runu an uni picë asa ꞌain, mitsun raracama ꞌiásaribiti camina ꞌin. Mitsúxmi usai ꞌicë cupí ca Nucën Papa Diosan asérabi mitsux bamaia anuaxmi tëmërati manë tsinu mitsu ꞌimiti ꞌicën.

Mateo 18:9

Min bëru anun ñu isi ꞌatima ñu ꞌati cuëëncë ꞌixun camina ashiquin manuquin ënti ꞌain. Usoquin ꞌai camina min bëru achúshi ëchíxun nicësa ꞌiti ꞌain. Mix bëru rabë́ñu ꞌaíshmi manë tsinu anuax tëmërai cuantima cupími min bëru achúshi ëchíxun niti ca asábi ꞌicën.

Mateo 10:28

An uni bëtsi bëtsi oquin bamamicë unicamami camina racuë́tima ꞌain. Usoquin ꞌaquinbi ca unin bëru ñunshin bamamitima ꞌicën. Usa ꞌain camina usa unimi racuëtima Nucën Papa Dios, an uni aín cushínbi bamamianan aín bëru ñunshínribi manë tsi anuaxa xënibua ꞌaínbi tëmërati anua ꞌinun ꞌimiti amishi racuë́ti ꞌain.

Habacuc 3:10

Usa ꞌain ka nikamaribi mi isi ꞌikësai shaíkiti ꞌikën. Usai ꞌimainun ka naínuax ꞌuí ꞌitsaira nëtë́timaira ꞌibúti ꞌikën, ꞌimainun ka parúmpapa aín nëmin axribi xukirui aín bëchun chairui banati ꞌikën.

Isaías 54:10

Aín bashikamax anua ꞌikë anuax amoki shaíkimainua, matá mekama tukibuti rëukubukëbëbi ka ꞌën mi nuibakë ax uisaibi ꞌi nëtë́tima ꞌikën, ꞌimainun ka ꞌën mibëtan ꞌa achúshi ñu anun upiti tsóti ax uisaibi ꞌi nëtë́tima ꞌikën.” Usai ka min ꞌIbu ax mixmi ꞌaisama ñu ꞌinutia isi mi nuibati kia.

Salmos 46:2

Usa ꞌain kananuna me shaí kikin, parúmpapa nëminnu ain bashikama nanë́mainun,

Amós 7:4

Ënë ñu ka namákësokin Diosan ꞌë ismiaxa: Ismikëxun kana anun ꞌatima okin nu tëmëramiti tsi ënxaira an parúmpapa nëmin abi ë́skakin xaronan kamabi naëkama këñuti xutia isan.

Amós 5:6

Israel unikama mitsux kamina Diosmi sinanatëkënti ꞌain, usai ami sinánkëbëtama ka Israel unikaman ëma axa ami nishkë unikaman tsin mënuti ꞌikën. Usakin akëbë ka an tsi rëkirukë a Betelnua bënánti ꞌaíma ꞌiti ꞌikën.