Deuteronomio 32:20 - Kashibo-Kakataibo Biblia

²⁰ ëni ka ësai kiakëxa: Bërí kana ami kasuakëkin ꞌën atu, ¡uisai kara ꞌia isnuxun ënin! Asérabi ka a unikamax ꞌaisama unibu ꞌaish, ami ꞌunánmakin ꞌakinsama ꞌikën.

Deuteronomio 32:20 ပူးပေါင်းရင်းမြစ်များ

Deuteronomio 32:5

Israel unikama ꞌimainun kamabi unin bakë bëchikëma upíokin sinanima ñu ꞌatima ꞌai Diosmi banai kia, usai banai ka aín bëchikë ꞌisama ꞌikania:

Lucas 18:8

ꞌËn cana mitsu cain, ca asérabi bënë́nquinshi acama ꞌaquinti ꞌicën. ¿Usa ꞌaínbi carana uni ꞌinux Nucën Papa Diosnuax uá ꞌaish anu cuantancëx, ꞌëx utëcënquin, unicama asérabi ꞌëmi sinani ꞌëmi catamëtia isti ꞌain? Uisai cara ꞌiti ꞌicë quixun cana isti ꞌain.

Marcos 9:19

Quia cuaquin ca Jesusan anu ꞌicë unicama cacëxa: —Mitsun camina Nucën Papa Dios ax ca asérabi cushi ꞌicë quixun sinaniman. ¿Mitsúxmi ꞌëmi catamënun carana uiti nëtën mitsu ꞌunánmiti ꞌain? ¿Uitishi oi carana ꞌëx mitsu cupí masá nuituti ꞌain? ꞌË ca a tuá bëxun.

Mateo 17:17

Quia cuaquin ca Jesusan anu ꞌicë unicama cacëxa: —Mitsun camina Nucën Papa Dios ax ca asérabi cushi ꞌicë quixun sinaniman. Camina ami catamëisama tanin. ¿Mitsúxmi ami catamënun carana uiti nëtën mitsu ꞌunánmiti ꞌain? ¿Uitishi nëtën carana ꞌëx mitsu cupí masá nuituti ꞌain? ꞌË ca a tuá bëxun.

Jeremías 18:17

ꞌËn kana amiaxa bari urukë amiax suñu kushi bëki ꞌikësai ꞌikin, Israel unikama abistanun ꞌimiti ꞌain; usakin kana ami nishkë unikaman ꞌatirabanan abátanun ꞌimiti ꞌain. ꞌImianan kana uínsaran nëtën kara ꞌën kakësakin ꞌaíma tëmëraia, anun ꞌën ꞌatima okëxa tëmëraiabi ꞌakintima ꞌain.

Isaías 64:7

Uinu ꞌikë unibi ka an mi ꞌakinun kixun ñukákë ꞌaíma ꞌikën, ꞌianan ka an mimi kushikin ꞌakinun kixun barikë ꞌaíma ꞌikën; usa ꞌain kamina nukamami kasuakëkin nu ëan, nun ñu ꞌatima ꞌai ꞌuchakë kupín kamina nu rakan.

Isaías 30:9

Ënë unikamax ka bana kuaisama tankë unibu ꞌikën, usa ꞌixun ka ꞌën bana kuaisama tania, usa ꞌain ka ꞌën ꞌunánmikë banakama kuaisama tani ꞌëmi sinanima.

Isaías 7:9

mitsúxribi ꞌëmi katamëtima kamina, atux ꞌikësaribiti ëmañuma bërúkanti ꞌain.”

Deuteronomio 31:29

ꞌËn kana ꞌunánin ꞌëx ñukëbëtan kamina bëtsi bëtsi ñu ꞌakin ꞌën usai ꞌiti ñuixunkë banakama mitsun ënxun ꞌain; ꞌimainun kana ꞌunanin mitsun bakë bëchikëkamaxribi ka ꞌatima ñu ꞌai ꞌitsaira tëmëranuxun ꞌaia, usai ꞌikin kamina mitsun Nukën ꞌIbu nishminuxun ꞌain kixun ka Moisésnën atu kakëxa.

Hebreos 11:6

Uicamax cara Nucën Papa Diosbë banatisa tania, uicamax cara ainan ꞌiisa tania, an ca —Nucën Papa Dios ca asérabi anu ꞌicë —quixun sinánti ꞌicën. Sinánan ca —an ca ꞌën ñucácëxun cuati ꞌicë —quixun sinánti ꞌicën. Usaía ax asérabi ami catamëcë uni anun cuni ca Nucën Papa Dios cuëënia. Axa ami catamëcëma unin ca Nucën Papa Dios cuëënmima.

2 Tesalonicenses 3:2

ꞌImainun camina an ꞌatima ñu ꞌacë ꞌaisama unicaman nu ubíoxunma ꞌanun Nucën Papa Dios nu ñucáxunti ꞌain. Camabi uníxira ca Jesucristomi catamëcëma ꞌicën,

Deuteronomio 9:23

ꞌImainun kamina Nukën ꞌIbun mitsu Cadés-barnea anuax kuanxumi an mitsu ꞌinánti me a bitánun kakëxbi kana biti ꞌain kixun sinanima, mitsux ꞌikësabi ꞌitëkënkin an kakësabiokin ꞌama ꞌain.