Deuteronomio 32:2 - Kashibo-Kakataibo Biblia

² ꞌËn ꞌunánmikë banakamax ka ꞌuí ꞌibúkësaribi ꞌikën, ꞌimainun ka ꞌëx kikë bana ënëx ꞌuí ꞌibúti sainkësaribi ꞌikën, ꞌimainun ka kuénkuru bërí ꞌibúkin ñu ꞌapákë chabókë usaribi ꞌiti ꞌikën, ꞌianan ka ꞌumpax tus kikin anu ꞌibúkin basi chabokësaribi ꞌiti ꞌikën.

Deuteronomio 32:2 ပူးပေါင်းရင်းမြစ်များ

2 Samuel 23:4

ꞌakinkëx ka pë́karakëma ꞌaínshi nëtë upíira iskësa usaribi ꞌianan, barin urukin pë́kabëtsinkëbëa naínu kuin ꞌaíma ꞌikë usaribi ꞌianan, ꞌuñe ꞌibúkin me chabókëbëa ñu bërukama kookë usaribiti ꞌiti ꞌikën.

Salmos 65:10

Min kamina anu ñu ꞌapáti me tukakin buinakë a ꞌaimaia chabátanun ꞌimianan, aín tukakëkamaxa ꞌaímai tsënkitanun ꞌimin; usakinmi ꞌitsaira ꞌuí ꞌibúmikin chabókëx me ꞌaímai tsënkikëbë ka ñu ꞌapákëx ꞌitsaira aín bimi ꞌinun bimia, usakin ꞌakin kamina unin ñu ꞌapákë ꞌitsaira biminun upíokin sinánxunin.

Salmos 72:6

¡Usai ꞌi ka ꞌuñe ꞌimainun nibitan menu ñu ꞌapákë, chabónan pasto chabókë usaribi ꞌiti ꞌikën!

Oseas 14:5

ꞌËx kana Israel kama nibitan ꞌibúkin chabókë usaribi ꞌiti ꞌain, usa ꞌain ka atux ro ꞌapákëxa uábukësa usaribi ꞌiti ꞌikën. Usai ꞌika aín tapunkama Líbano menu ꞌikë i aín tapun menu takáshkikë usaribi ꞌiti ꞌikën;

Oseas 6:4

Ësai ka Dios kia: “¿Añu karana ꞌën Israelkama mitsubëtan ꞌati ꞌain? ¿Judá añu karana ꞌën mibëtan ꞌati ꞌain? Mitsúnmi ꞌë nuibakë ax ka pëkarakuatsinkëbë kuénkuru ꞌibúkë usa ꞌianan, nibí ñantámashi ꞌibúkin me chabotankëx pëkarakëbë nëtë́kë usashi ꞌikën.

Amós 7:16

Usa ꞌain kamina, ësai ka Dios kiaxa aín bana kuati ꞌain. Diosan bana ñuikin kamina Israel unikama katima ꞌain, ꞌianan kamina Isaacnën rëbúnkikamaribi ñui uisa bananbi banatima ꞌain.

Miqueas 5:6

Usa ꞌain ka Asiria unikaman nun menu bëbaxun nu bibiankin atun menu ñatanbiankin buankësokin buánkë ꞌain, nun kushikama ꞌimainun aín suntárukaman anua ꞌakanankë ñukama anun atu ꞌaxun atunua nu chikínti ꞌikën. Usakin ꞌatankëx ka nun kushikama atux Asiria me anua Nimrod ꞌapu ꞌia anubi ꞌapu ꞌiti ꞌikën.

Miqueas 5:7

Usa ꞌain ka Israel unikamax bëtsi bëtsi ëmanu ꞌikë unikamasamaira ꞌaish, nibí ꞌimainun ꞌuí Diosan menu ꞌibúmikëxua, xubi komikë usaribikin ka unixa usai ꞌiti ꞌikë kixun sinánkë ꞌaímabi ꞌiti ꞌikën.

Zacarías 10:1

Hebreos 6:7

Usa unicamax ca anu ñu ꞌapáti meesaribi ꞌicën. Ësa ca. Nucën Papa Diosan, menu ꞌuí ꞌitsa ꞌibúmicëxun chabócëx ca ñu bëru ꞌimainun unían ꞌapácë ñu cotancëx tapunia, tapúanan ca tuaia. Usaía ꞌinúan Nucën Papa Diosan ꞌimicëxa ꞌia ca an ñu ꞌapácë uni an aín naënu ꞌicë ñu pinuxun bitsia.