Deuteronomio 32:13 - Kashibo-Kakataibo Biblia

¹³ Anbi ka bëtsi bëtsi bashi ꞌamibiankin me upíira anúnribi nu buánkëxa, buánkin ka menuaxia kookë ñu aín bimi pimianan, maparanu ꞌikë buna rëpa nu xëamiakëxa xëamianan ka ꞌaisamaira maxá anu kóa olivos aín biminu ꞌikë aín xëni nu ꞌinánkëxa;

Deuteronomio 32:13 ပူးပေါင်းရင်းမြစ်များ

2 Samuel 22:34

an ka bënëtishi abánun ꞌë kushi ꞌinania achúshi chaxux uni isbiani abákësa usaribiti ꞌinun, ꞌimianan bashi manan anuaxbi uisaibi ꞌiaxma ꞌinun ꞌë ꞌimia,

Isaías 58:14

Ënë bana kikësa okinbi ꞌaia kana ꞌën mitsu kuëënun ꞌimiti ꞌain, ꞌianan kana ꞌën bëtsi menu ꞌikë unikama ꞌakin kanantankëxun atun me ami bëbarukin binun ꞌamiti ꞌain, ꞌimianan mitsun chaitiokë Jacobnën me ꞌia anuami kuëënun mitsu ꞌinánti ꞌain.” Usai ka Nukën ꞌIbu kiaxa.

Oseas 13:6

“Usa ꞌaínbi kamina mitsux piti ꞌitsairañu ꞌikin tani nukamax kananuna usa ira ꞌai kixun sinani ꞌëmi manúkankën.

Deuteronomio 33:26

Usa ꞌain ka anuishi sënë́nkin Moisésnën Israelkama ësokin kakëxa, nun Diosaribi bëtsi dios ka ꞌaíma ꞌikën, nun Dios ax ka kushiira ꞌaish raíri dios kamasamaira ꞌikën, ax ka naínu ꞌikë nëtë kuin mëu kushiira ꞌaish mitsu ꞌakini ꞌuti ꞌikën.

Deuteronomio 33:29

Israel unikama mitsux kamina Nukën ꞌIbun ka nu ꞌakinia kixun sinani kuëënti ꞌain, ¿uinu ꞌikë ëmakamax kara mitsun ëmabë sënë́nti ꞌik? Nukën ꞌIbu Diosanbi ka mi ië́miaxa usa ꞌixun ka bërúanan mi ꞌakinia; ¡an ka ax numi nishkë unikamabë ꞌakanania nu ꞌakinti ꞌikën! Usakin ꞌakinkëxun ñusmokin mitsun ꞌakëx ka atun rabiakakë a mitsumi rakuë́ti nëtë́ti ꞌikën.

Deuteronomio 8:15

an ka anu uni ꞌikëma ënën menma kuan ꞌaisama me anua pianankë runu ꞌianan nibanta ꞌëo ꞌimainun ꞌumpax ñuma me anunbi nu bëakëxa, ꞌaínbi ka mapara irunuabi ꞌumpax mitsun xëanun ꞌimiakëxa,

Deuteronomio 8:8

a mex ka anua trigo ꞌimainun cebada, uvas ꞌapákë ꞌitsaira ꞌianan olivos higuera i ꞌapákë, ꞌimainun i bimiñu ꞌaisamaira anu ꞌikë me upí a ꞌikën.