Deuteronomio 32:12 - Kashibo-Kakataibo Biblia

¹² Nukën ꞌIbun ka aín unikama ꞌakiankëxa uínbi ka ꞌakianma ꞌikën; ¡Uinu ꞌikë bëtsi diosanbi ka ꞌakianma ꞌikën!

Deuteronomio 32:12 ပူးပေါင်းရင်းမြစ်များ

Nehemías 9:12

Usakin ꞌanan kamina a isiania min unikama kuanti nëtën kuin ꞌimianan imë́ribi tsi rëkirukësa ꞌixuan anun kuanti pë́kanun ꞌimiakën, ꞌimikëxuan anúan kuanti a pë́kakëbë ka anun atux kuankëxa.

Salmos 27:11

ꞌËn ꞌIbu, mimishi katamëmainun kamina uisaira karana ꞌiti ꞌai ꞌë ꞌunánmiti ꞌain; ꞌunámianan kamina upiokinshi ñu ꞌanun ꞌë ꞌamiti ꞌain axa ꞌëmi nishkë unikama ka anu ꞌikë usa ꞌain;

Salmos 80:1

An Israel unikama bërúankë; an ka Israelnën rëbúnkikama achúshi ñuina aín ꞌibun bërúankësa okin bërúanti ꞌikën, mix anu ꞌikë anu ka querubinkama ax ꞌikën, ¡usa ꞌain kamina bërí nukaman ñukákëxun kuati ꞌain!

Isaías 46:4

usa ꞌain kana ꞌëx mitsúxmi kaniakëkëbëbi usabi ꞌiti ꞌain, ꞌianan kana uínsaran kaina mitsun bu ꞌuxua ꞌirukani usai ꞌiabi bërúankin mitsu ꞌakinti ꞌain. ꞌËn kana mitsu usakin ꞌakën, usa ꞌixun kana usakinbi bërúankin, ꞌën mitsu ië́miti ꞌain;

Isaías 63:14

vaca me sapanën kuankësa kiani kuanun ꞌimia ax ꞌik?” Nukën ꞌIbun bëru ñunshinanbi ka usaía kuania buánkëxa. Usakin aín unikama buánkëxa usa ꞌain ka kamabi unikaman ax ka kushi ꞌikë kixun ꞌunania.

Oseas 11:4

ꞌËn kana atu ꞌitsaira nuibakin ënua ꞌutëkënun atu ꞌakiankën; usakin kana tuá xura ꞌakësokin ꞌanan, atun piti ꞌinánima ꞌikinma bërúankën,

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.

Deuteronomio 4:35

Ax ka mitsun unánun usakin Nukën ꞌIbu Diosan ꞌa ꞌikën, ꞌimainun ka bëtsi Dios asérabi asaribi ꞌaíma ꞌikën.

Deuteronomio 4:39

Usa ꞌain kamina a banakama upíokin ꞌunánkin manukima sinánti ꞌain, naínu ꞌianan ka menuribi, asaribi bëtsi Dios ꞌaíma ꞌikën.

Josué 24:17

Nukën ꞌIbu an ka chikínbëtsinkin nukama ꞌimainun nun chaitiokëkama Egipto menuxun tëmërakin ñu mëëiabi nu bëakëxa. An ka ꞌaisamaira ñu ꞌakin nun ismainunbi ꞌakëxa, ꞌimainun ka bëtsi bëtsi ëma inubiani kuania nu bërúankin ꞌakiankëxa.