Deuteronomio 32:11 - Kashibo-Kakataibo Biblia

¹¹ Nukën ꞌIbun ka tëtëkamë ꞌëon aín nánua aín tuá usaía nuanti a tamikin aín pëchi shaíkakin bërúankësa usaribiokin, nu bërúankin ꞌaisama ñu inútisama okin nu ꞌakiankëxa.

Deuteronomio 32:11 ပူးပေါင်းရင်းမြစ်များ

Génesis 1:2

Me uniokëxbi mëníokëmapan ꞌain ka kamabi parúmpapa manámi bëánbëankibukë ꞌiakëxa. Usa ꞌain ka Nukën ꞌIbu Diosan bëru ñunshin baka manámiax shaíkibëkiankëxa.

Éxodo 19:4

Mitsúnbi kamina isan ꞌën karana uisokin egipcio unibu tëmëramikin ꞌa kixun, ꞌimainun kamina uisobëtsinkin karana ꞌëx anu ꞌikë ënu mitsubëa kixun, ꞌën kana tëtëkamë ꞌëon aín tuá nuanmikin aín pëchin bëaraxun buankësa usaribi obëtsinkin bëruinra oxun mitsu bëan.

Isaías 31:5

Achúshi ñuina pëchiñunëan anua aín tuá ꞌikë aín na a manámi nuani mañakin bërúankësa, usaribi okin ka Nukën ꞌIbu kamabi kushiñuira, an aín unikama Jerusalén ëmanu ꞌikë akama bërúanan, ië́mikin ñu ꞌatima ꞌinutiabi bëruankin ꞌakinti ꞌikën.”

Isaías 40:31

ꞌaínbi ka axa Nukën ꞌIbumi katamëkë: unikama ax kuni kushiñumasa ꞌima abi kushiakëkiani; tëtëkamë ꞌëo nuani nikë usai nitsi abatibi atsantima ꞌikën ꞌimainun ka usai nitsibi atsantima ꞌikën.

Isaías 46:4

usa ꞌain kana ꞌëx mitsúxmi kaniakëkëbëbi usabi ꞌiti ꞌain, ꞌianan kana uínsaran kaina mitsun bu ꞌuxua ꞌirukani usai ꞌiabi bërúankin mitsu ꞌakinti ꞌain. ꞌËn kana mitsu usakin ꞌakën, usa ꞌixun kana usakinbi bërúankin, ꞌën mitsu ië́miti ꞌain;

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Oseas 11:3

Usakin ꞌaiabi kana ꞌën Efraínnu ꞌikë unikama uisai kara tsóti ꞌikë a ꞌunánmiakën; ꞌaínbi ka atun ꞌën kana usakin ꞌakini kixun ꞌunánma ꞌikën.

Deuteronomio 33:12

Usa aín ka Benjamín ñui ësai kiakëxa: Nukën ꞌIbun nuibakë uni ax ka upitax tsotia; usa ꞌikë ka Diosan ënkinma abi mitsu ꞌakinti ꞌikën. ¡Usokin an ꞌakinkëx ka upitax bukuti ꞌikën!

Hebreos 11:3

Ënë nëtëcamax ca Nucën Papa Dios quicëbëshi an sináncësabi oi uniacëxa. Uisa ñu ꞌaíma ꞌaínbi ca an unin iscë ñucama uniocëxa. Usoquin unioia isáma ꞌixunbi cananuna a bana acama ñuiquin cuënëo a isquin, usai ca ꞌiacëxa quixun ꞌunanin.

Apocalipsis 12:14

Nuicëxbi ca a xanux Nucën Papa Diosan ꞌimicëx, tëtëcamëꞌëon pëchisa rabë́ ꞌaish aín pëchi chaira ꞌiaxa. Anun anu uni ꞌicëma me, anu a ñuina chaira capë́sa ax cuantima, anu nuánti cupí ca usaquin Nucën Papa Diosan ꞌimiaxa, anuxun an mëníosabi oquin rabë́ ꞌimainun achúshi baritia ꞌimainun mëcën achúshi ꞌimainun achúshi ꞌuxën piti ꞌinánuxun.

Apocalipsis 12:4

Aín ina chaira anun ca maë́ncësoquin ꞌispacama nëbë́tsi, rabë́ ꞌimainun achúshi oquin tëacësa ꞌaíshbi amo ꞌicë achúshi menua nipacënun rëupaxa. Usoquin ꞌispa rëupatancëx ca bacënia aín tuá ꞌenux, tuñu xanu bëmánon niracëaxa.