Deuteronomio 32:1 - Kashibo-Kakataibo Biblia

¹ Ësai ka Moisés kantai kiakëxa, naíkamë ꞌëo ꞌëx kia kamina unin kuakësokin kuati ꞌain, ꞌimainun ka ꞌëx banamainun menribi unin kuakësokin kuati ꞌikën.

Deuteronomio 32:1 ပူးပေါင်းရင်းမြစ်များ

Isaías 1:2

Kamabi ñu axa naínu ꞌikë ꞌimainun menu ꞌikë an ka Nukën ꞌIbu Dios ax ka ësai kiaxa kuati ꞌikën: “ꞌËn kana ꞌën bakë bëchikë bëbukama ꞌimainun xanukama chatanun kanioruakën, ꞌaínbi ka atux ꞌën bana kuaisama tani ꞌëmi nishakëxa.

Jeremías 2:12

¡Naíkamë ꞌëo ka unix ꞌikësai ënë ñukama ꞌikëbë, rakuë́ti ꞌikën! ¡Usai ꞌika ñu ꞌaisama ꞌikëbë bërëti ꞌikën! ꞌËx Min ꞌIbu ꞌaish kana usai kin.

Jeremías 6:19

Men ka unin ꞌakësokin kuati ꞌikën: Ënë unikama kana ꞌaisama ñu inúnun ꞌimiti ꞌain, atun ka ñu ꞌaisama ꞌatishi sinánkanxa usa kupín; ꞌimainun ka ꞌën bana kuaisama tankëxa usa ꞌain, ꞌianan ka ꞌën bana kikësokinshi ꞌaisama tankëxa, usai ꞌikin ka a tanti ꞌën bana timakankëxa.

Deuteronomio 30:19

Ënë nëtën kana bërí mitsu kain naí ꞌimainun men ka unin kuankësa okin ꞌën mitsu kaia kuanti ꞌikën, ꞌaínbi ka a menu tsókë unikamax këñuti ꞌikën, usa ꞌain ka upíokin sinánxunkë ꞌimainun ꞌatima okin sinánxunkë ꞌiti ꞌikën, usa ꞌain kamina uisai kaina mitsux tsóti ꞌai isanan uisa ñu ꞌai kara mitsun rëbúnkikama tsóti ꞌikë kixun kati ꞌain;

Deuteronomio 31:19

Bërí kamina anun kantati bana ënë ꞌën mi kamainun kuënëoti ꞌain, kuënëotankëxun kamina minbi Israel unibu anun ꞌëmi kantanun ꞌunamiti ꞌain, usa ꞌain ka a kanta kantakin uisai kara kia kuankin ꞌën atu kuainsama tania tëmëramikëxun a sinánti ꞌikën.

Deuteronomio 31:28

Usa ꞌain kamina uni an bana ꞌunánkë unikama ꞌimainun kamabi ñaká achúshi achúshi unikama ain ꞌapu ꞌën ësokin mitsu kanun timë́ti ꞌain, naí ꞌimainun men ka unin kuakësa ꞌitánun kuati ꞌikën, usa ꞌain kana ꞌën mitsu ësokin kain.

Deuteronomio 31:30

Usa ꞌain ka Moisés aín pëukë anuaxbi kantakin pëutankëx kamabi Israel unikaman timëkamë ꞌëoxun kuamainun sënën oi kantakin ꞌunánmiakëxa:

Deuteronomio 4:26

ꞌën kana bërí mitsu naíkamë ꞌëo ꞌimainun men unin kuakësa ꞌitanua kuamainun kain, ꞌaínbi kamina mitsux ꞌën kakë bana kikësabiokin ꞌaíma anumi tsókankë me Jordán kakë baka ꞌukëmanan ꞌitsama baritia tsókanti ꞌain. Anuax ka ꞌitsama baritiashi tsótankëx raírinëx ñuti ꞌikën.