Deuteronomio 30:3 - Kashibo-Kakataibo Biblia

³ usokinmi ꞌaia ka Diosan mitsu ꞌatima oxunbi mëníokin nuibati ꞌikën. Nuibakin ka amiribishi anua bëtsi menu ꞌikë unikaman bëa me anubi mitsu buántëkënti ꞌikën,

Deuteronomio 30:3 ပူးပေါင်းရင်းမြစ်များ

Génesis 28:15

ꞌËx kana mibë ꞌain; usa ꞌixun kana uinu kaina kuani anuabi ꞌën mi bërúanti ꞌain, usa ꞌixun kana amiribishi ënë menubi mi bëtëkënti ꞌain. Mi kana usai ꞌia ꞌën kakësabiokin ꞌaxuntankëxuma ëntima ꞌain.

Génesis 48:21

Usakin katankëx sënë́nkin ka José kakëxa: —Ka kuat, ꞌëx kana ñuti ꞌurama ꞌain; usa ꞌaínbi ka Nukën ꞌIbu Dios ax mitsubë ꞌixun ka amiribishi min chaitiokëkama anu tsóa me anubi mi buántëkënti ꞌikën.

Nehemías 1:9

ꞌaínbi kamina ësokinribi kakën, mitsun mi ꞌëmi sinanakin ꞌën bana kikësabiokin ꞌatëkënkin a tania kana uinu ꞌikë menu kara bëtsi unikaman buánkëxa anuabi mi timë́nun ꞌimitëkënkin, uinu karana anuxun ꞌë rabiti xubu ꞌati ꞌën kaisakë anubi mitsu bëtëkënti ꞌain.

Job 42:10

Usokian an ꞌunánkë unikama ñukáxunkëxun ka Diosan, Job bëráma ꞌiásabi ñuñuira ꞌinun ꞌimitëkëankëxa ꞌimikin ka bëráma ꞌiasamairaia ñuñuira ꞌinun a inumikin rabë́ okin ñu ꞌinantëkëankëxa.

Salmos 107:3

usa ꞌain ka atu bëtsi mekamanu ꞌiabia timëkin, aín tsipumia ꞌanan aín rëbumi ꞌikë akama ꞌianan, amiaxa bari urukë ꞌimainun, amia bari kuabúkë amiaxa timë́nun ꞌimiakëxa.

Isaías 43:5

Mitsux kamina rakuë́tima ꞌain, ꞌëx kana mitsubë ꞌain. Usa ꞌain kana amiaxa bari urukë ꞌimainun amia bari kuabúkë, anuabi min unikama amiribishi timë́tëkënun ꞌimiti ꞌain.

Isaías 54:7

“ꞌItsama nëtë́ishi ꞌimikin kana mi ëankën, ꞌaínbi kana ꞌëx nuibanankë ax chaiira ꞌain amiribishi ꞌëbë biranani utëkënun mi kakën.

Jeremías 23:3

ꞌËnbi kana ꞌën unin raírikama anuaxa abánun ꞌën ꞌimia anubi utëkënun ꞌimiti ꞌain, ꞌimikëx ka aín ëmanubi ꞌutëkënti ꞌikën, usai ika ovejakama ꞌain pastonu kuantëkënkë usairibi ꞌiti ꞌikën, anuax ka bakë bëchipati ꞌuakamë ꞌëoti ꞌikën.

Jeremías 31:10

Bëtsi me kamanu ꞌikë unikama, mitsun kamina ësai kana ꞌëx ki kuati ꞌain, ꞌianan kamina parúmpapa kuëbí ꞌura tsókë unikama aribi ñuixunti ꞌain: Nukën ꞌIbun ka Israel unibu ꞌikë nukama abístanun ꞌimiakëxa, ꞌaínbi ka amiribishi timëtëkënkin bërúanxun an ñuina bërúankë unían aín ovejakama bërúankë usaribi okin ꞌati ꞌikën.

Ezequiel 36:24

ꞌËn kana a menu ꞌikë ëmakamanua mitsu chikínti ꞌain, chikínxun kana mitsun menubi timë́nun bëtëkënti ꞌain.

Miqueas 7:19

Amiribishi kamina nukama nuibatëkënti ꞌain, usokin ꞌakin kamina unían me naëtankëxun mainkëxa ñu nëtë́kë usaía ꞌitánun nun ꞌatima ñu ꞌakëkama ꞌati ꞌain. ꞌAnan kamina unían parúmpapa nëminnu nikëxa ñu nëtë́kë usaribi ꞌitánun nun ꞌuchakëkama ꞌati ꞌain.

Romanos 11:23

Aín raracama ꞌiásaribiti ami sinántisama taníbia ami sinanatia ca Nucën Papa Diosan asérabi aín uni ꞌinun judíos uniburibi ꞌimiti ꞌicën, judíosma unibu ꞌimicësaribi oquin.

Romanos 11:26

Judíosma unibu ami catamëcëbë ca judíos unibunëxribi ami catamëti ꞌicën, Nucën Papa Diosan bana cuënëo ësai quicësabi oi: An unicama asérabi Nucën Papa Diosnan ꞌinun ië́miti ax ca Siónu ꞌicë judíos unicama achúshi ꞌiti ꞌicën. An ca Jacobnën rëbúnqui judíos unicama ami catamëcëxun atun ꞌucha tërë́nquin atun nuitu upí ꞌimiti ꞌicën.

Romanos 11:31

Judíos unima ꞌaíshmi ainanma ꞌicëbi ca Nucën Papa Diosan mitsu ainan ꞌimiaxa. Usaribi oquin ca judíos unicama ami sinántisama tania ainanma ꞌaíshbi ami sinania Nucën Papa Diosan ainan ꞌimiti ꞌicën.

Deuteronomio 4:27

Nukën ꞌIbun ka anumi ꞌikankë me anua bëtsi bëtsi menu ꞌikë unibë mëskutimi abístanun mitsu ꞌimiti ꞌikën, ꞌimikëbë ka ꞌitsamashi mitsun aintsi a menubi tsóti bërúti ꞌikën.