Deuteronomio 30:2 - Kashibo-Kakataibo Biblia

² sinánkin atun dios mitsu rabikë a ënkin kamina min nuitubëtanbi sinánkin ax kuëënkësa okinshi ꞌaia ka Nukën ꞌIbun mitsun bakë bëchikë këñunbi ꞌën bërí mitsu kakë ësokinbi ꞌakinti ꞌikën,

Deuteronomio 30:2 ပူးပေါင်းရင်းမြစ်များ

Nehemías 1:9

ꞌaínbi kamina ësokinribi kakën, mitsun mi ꞌëmi sinanakin ꞌën bana kikësabiokin ꞌatëkënkin a tania kana uinu ꞌikë menu kara bëtsi unikaman buánkëxa anuabi mi timë́nun ꞌimitëkënkin, uinu karana anuxun ꞌë rabiti xubu ꞌati ꞌën kaisakë anubi mitsu bëtëkënti ꞌain.

Jeremías 36:3

A banakama kuakin sapi ka Judánu ꞌikë unikaman ꞌën atunu ñu ꞌaisama ꞌimiti sinánkë a ꞌunánkin, atuan ñu ꞌatima ꞌati sinánkë a ënti ꞌikën, usakin a banakama kuakin ënia kana atun ñu ꞌatima ꞌai ꞌuchakëkama a mëníoxunti ꞌain.” Kiax ka kiakëxa.

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

2 Corintios 3:16

Usa ꞌaínbi ca, Nucën ꞌIbu Jesús ca asérabi Cristo ꞌicë quixun sinánan ami catamëquin cuni ꞌunánti ꞌicën.

Efesios 6:24

Mitsúxmi a manutëcëntimoi Nucën ꞌIbu Jesucristomi catamëcë ꞌicëa, Nucën Papa Diosan nuibaquin mitsu ꞌaquinti cana cuëënin. Ashi, Pablo.

Deuteronomio 13:3

kixuan kakëxunbi kamina mitsun aín bana kuatima ꞌain. Nukën ꞌIbu Diosan ka asérabi karamina mitsun a nuibati ax kikësabiokin ꞌai ami sinani isnuxun mitsu tankin usakin ꞌati ꞌikën.

Deuteronomio 6:5

Min ꞌIbu Diosmi kamina asérabi kuëëni këmëima sinánti ꞌain, usai ꞌi kamina ami katamëti ax kuëënkësabi ꞌoíshi ꞌiti ꞌain.

1 Juan 1:9

Usa ꞌaínbi cananuna ꞌunánti ꞌain, nun nu nun ꞌuchacama chiquinaxuncëxun ca Nucën Papa Diosan, ax upí ꞌixun ax quicësabi oquin ꞌaquin, nun ꞌuchacama nu tërë́nxunquin upí ꞌinun nu ꞌimiti ꞌicën.