Deuteronomio 26:3 - Kashibo-Kakataibo Biblia

³ Anuxun ka Sacerdotekaman mitsu kati ꞌikën: ꞌËx kana ësai bërí kin a me ꞌinánkatsi kixuan nun chaitiokëkama Nukën ꞌIbun ka me anu kananuna bërí ꞌain kiax ka kiti ꞌikën.

Deuteronomio 26:3 ပူးပေါင်းရင်းမြစ်များ

Génesis 17:8

Mi ꞌimainun min rëbúnkikama kana kamabi Canaán me anumi bërí tsókë ënë ꞌinánti ꞌain, ax ka min rëbúnki kamaxa xënibua ꞌaínbi anu tsóti ꞌikë ꞌimainun kana ꞌëx atun Dios ꞌiti ꞌain.

Génesis 26:3

usa ꞌain kamina ënë menu pain tsóti ꞌain. ꞌËx kana mibë ꞌiti ꞌain ꞌimainun kana mi upíokin sinánxukin mi ꞌimainun min rëbúnki kamaribi ënë mekama ꞌinánti ꞌain. Usakin kana ꞌën min papa Abraham kásabiokin ꞌati ꞌain.

Deuteronomio 1:8

ꞌËn kana a mekama mitsu ꞌinánuxun sinánkën; usa ꞌain kamina kuantankëxun a mekama biti ꞌain bikëkana ꞌën mitsun bikë kuati ꞌain, ax ka mitsun chaitiokëkama sinanatëkëntima okin ꞌinánuxun ꞌën ka a ꞌikën, akamax ka Abraham Isaac ꞌimainun Jacob aín rëbúnkikama ꞌinánuxun ka me a ꞌikën.

Deuteronomio 19:17

usa ꞌain ka axa nishanankë uni rabë́ ax ꞌapunu kuanan Nukën ꞌIbunu ꞌimainun sacerdotekama an bana mëníokë akamanu a nëtën ñu mëkëbë anu kuanti ꞌikën.

Deuteronomio 26:2

a menu ñu ꞌapáxun ax pain tsinasati bimikë a bitankëxun pëkëtia kaki achúshi, uinu kara anuxun a rabiti xubusokin ꞌati Diosan kaisaxa a menu ꞌatankëxun anu uanti ꞌikën.

Deuteronomio 26:4

Ësai kitankëx sënënia kakimi bëkë a ꞌinánkëxun ka Sacerdotenën bitankëxun anuxun Nukën ꞌIbu Dios rabikin ñuina xaroti ꞌakë anu nanti ꞌikën;

Hebreos 10:21

An Nucën Papa Diosan unicama a ñucáxuncë ax ca Jesús ꞌicën.

Hebreos 13:15

Usa ꞌain cananuna Jesucristo cupí camabi nëtën abë banai cuëënquin Nucën Papa Dios nun cuëbitan rabianan —mix camina asérabi nun ꞌApu ꞌai —quixun caquin a rabiti ꞌain.

Hebreos 7:26

Usa ꞌaían Jesús axira nun sacerdote ꞌiti ca upíira ꞌicën. Nucën Papa Diosan iscëx upíira ꞌixun ñu ꞌatima ꞌacëma ꞌianan ñu ꞌatima ꞌati sináncëma ꞌianan ax upíira sinánñu ꞌaish ca aín Papabë ꞌApuira ꞌicën.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.