Deuteronomio 26:2 - Kashibo-Kakataibo Biblia

² a menu ñu ꞌapáxun ax pain tsinasati bimikë a bitankëxun pëkëtia kaki achúshi, uinu kara anuxun a rabiti xubusokin ꞌati Diosan kaisaxa a menu ꞌatankëxun anu uanti ꞌikën.

Deuteronomio 26:2 ပူးပေါင်းရင်းမြစ်များ

Éxodo 20:24

Anuxun ñuina xaroti achúshi ꞌakin kamina mebi chaiorukin ꞌati ꞌain, ꞌatankëxun kamina ꞌë rabikin achúshi fiesta ꞌakin mitsun ꞌarakakë ñuina rëtankëxun ꞌaímai këñutanun mitsun ꞌucha kupín ꞌanan anuxun ñuina xaroti ꞌain. Usakin ꞌaia kana ꞌën upíokin sinánxunkin uinu ꞌikë menuxunbi kara aín ñuina ꞌëmi sinánkin xara oia a menuxun ꞌakinti ꞌain.

Éxodo 34:26

Mitsun ñu ꞌapákë ax pain bimikë aín bimi upíirabu bitankëxun kamina anuxun ꞌë rabiti xubusokin ꞌakë anu uanti ꞌain. ꞌAnan kamina cabranën tuá aín bënë rëtankëxun aín titan xuma bixun anun ꞌarutima ꞌain.

Jeremías 2:3

Israel unikama ax ka upíira ꞌinun ꞌën kaískë ꞌaish ñu bimi upíirabu usaribi ꞌikën. Usa ꞌikëbia an ꞌatima okë unikama akana uisa ñubi kara anu ꞌimikin ꞌën ꞌatima okën. ꞌËx Dios ꞌaish kana usai kin.

Romanos 11:16

Judíos unibunën ca aín ñu ꞌapácë an pain tancëma aín bimi anuxun a rabiti xubunu buáncëxa, Nucën Papa Diosan camabi aín bimi upí isnun quixun. Usaribi ca i aín tapun upí ꞌaish camabi aín pëñáncamaribi upí ꞌia. Usa ñu sinánquin cananuna ꞌunanin, judíos uni bëtsix bëtsíxa Nucën Papa Diosmi sináncë ꞌain ca atúxa ꞌicësaribiti judíos unicama camáxbi Cristomi catamëtia Nucën Papa Diosan upí isti ꞌicën.

Romanos 16:5

Axa Jesucristomi catamëcë ꞌaish Priscila ꞌimainun Aquilanën xubunu timë́cëcamaribi camina bërúanxa ꞌinun ꞌë caxunti ꞌain. Acama ꞌimainun camina, ꞌën nuibacë Epeneto, ax paían Acaya menuax Cristomi catamëcë, aribi bërúanxa ꞌinun ꞌë caxunti ꞌain.

Romanos 8:23

Camabi ñun a Nucën Papa Diosan ióotëcënun caínmainun cananuna nunribi Nucën Papa Diosan nu ióotëcënun bënë́quin cainin. Nucën Papa Diosan nu aín Bëru Ñunshin Upí nubë ꞌinun ꞌináncë ꞌain cananuna ꞌunanin, an ca asérabi camabi aín bana quicësabi oquin nu ꞌimiti ꞌicë quixun. Usaquin ꞌunánquin cananuna nun aín bëchicë ꞌaish aín nëtënu bëtsi namiñu ꞌiti cainin.

1 Corintios 15:20

Usama ca. Bamatancëxbi ca Cristo asérabi baísquiacëxa. Cristo baísquia usaribiti ca axa ami catamëcë unicama bama ꞌaíshbi ax utëcëncëbë baísquinuxun ꞌaia.

1 Corintios 15:23

Nucën Papa Diosan mëníosabi oi ca Cristo pain baísquiacëxa. Baísquitancëx naínu cuan ꞌaísha ax utëcëncëbë ca aín unicama baísquiti ꞌicën.

1 Corintios 16:2

Domingo nëtëcaman camina mitsu achúshi achúshinën mitsúnmi bicë curíqui uiti caramina ꞌinánuxun nanti ꞌai quixun upí oquin sinántancëxun min xubunuxun nanti ꞌain. ꞌËx bëbacëbëtan ꞌatima cupí camina usaquin ꞌati ꞌain.

Deuteronomio 26:1

Moisésnën ka bëtsiokin Israel unikama katëkëankëxa: Uínsaran kaina Diosan mi ꞌinánkatsi kia me anu bëbatankëx anu ꞌikani anu kamina,

Deuteronomio 26:3

Anuxun ka Sacerdotekaman mitsu kati ꞌikën: ꞌËx kana ësai bërí kin a me ꞌinánkatsi kixuan nun chaitiokëkama Nukën ꞌIbun ka me anu kananuna bërí ꞌain kiax ka kiti ꞌikën.

Santiago 1:18

An ca unían aín bana ñuixuncëxun cuatínu ainan ꞌinun nu ꞌimiaxa, nux pain ꞌicë cupía raíri uníxribi Jesucristomi catamëcë ꞌaish camabi ñu an uniosamaira ꞌinun.

Apocalipsis 14:4

A unicamax ca xanubë ꞌuchacëma ꞌianan ñu ꞌatima ꞌati cuëënima Carnero ꞌicësaribitia unin ꞌucha cupí bama ainanshi ꞌaish, ax quicësabi oi ꞌia. Acamax ca Nucën Papa Diosan ainan ꞌinun ië́micë ꞌianan Carnero ꞌicësaribitia unin ꞌucha cupí bama, ainanribi ꞌinun aín ꞌuchacama tërë́ncë a ꞌicën.