Deuteronomio 26:14 - Kashibo-Kakataibo Biblia

¹⁴ ꞌImainun kana a mi nanxunti nankë ñu akama ꞌën aintsi ñukë ꞌain ꞌatima sinani masá nuituti ꞌianan ꞌuchakë ꞌixun pikëma ꞌain, ꞌianan kana bëtsi menu ꞌikë unikaman ꞌakësokin anua uni ñukë maínkë anu uanxun nanxunkësokin nankëma ꞌain. ꞌËn ꞌIbu Dios ꞌën kana uisokin ꞌanun kaina ꞌë ka usakin mix kikësabiokin ꞌan.

Deuteronomio 26:14 ပူးပေါင်းရင်းမြစ်များ

Malaquías 2:13

ꞌAínbi kamina mitsun ꞌaisamaira okin ꞌakanin: usakin ꞌai ꞌitsaira inkin kamina anuxun Dios ñuina xaroxunti a ꞌitsaira mitsun bëunan buchutisa oi ꞌin, i kamina chaiira masá nuitutin, usai kamina Diosan mitsun ñukama bëxunkëxunbi upíokin kuëënkin bisama tankëbë inkanin.

Deuteronomio 13:5

ꞌImainun kamina an bana ñuixunkë uni ꞌimainun an namákin isun usaika ꞌiti ꞌikë kixun bana ñuikë uni a mitsunu mëratia ꞌati ꞌain, a unin ka Dios an Egipto menuxun tëmërakin ñu mëëiabi mitsu chikían ax kikësa okin ꞌanun ꞌën kakë usakin ꞌaxuma ꞌanun kixun mitsu ꞌunánmiti ꞌikën. Usakinmi ꞌakëx ka mitsunuax uni ꞌatima sinánñukama ꞌaíma ꞌiti ꞌikën.

Deuteronomio 26:13

usakin ꞌatankëx kamina Diosan kuanun ësai kiti ꞌain: ꞌËn kana ꞌapáxun bikë ñu bimi amo ꞌën xubunu mi ꞌinánti buküanan, ax ka ꞌën mi nanxunti a ꞌikën, ꞌimainun kana levita unikama ꞌianan bëtsi menu ꞌikë unikama axa nun menu tsókë ꞌimainun papañuma tuákama xanu raëmëkë akama ꞌinan. Usakin ꞌakin kana manukinma min bana kikësabiokin ꞌan.

Deuteronomio 26:15

Min kamina naíkamë ꞌëo anuxunbi iskin xubu chaiorukin upíira okin ꞌakë aín manánxun iskësokin iskin, uisai kara ënë menuax ñu ꞌia a ꞌunánin, usa ꞌain kamina min unibu Israelkama upíokin sinánxunin, min nu ꞌinánkë me anua, usa ꞌaish ka ënë menu a xëati ñu ꞌimainun a piti ñu ꞌaisamaira ënu ꞌikën, minmi nun chaitiokëkama a ꞌinánuxun kásabiokin.