Deuteronomio 26:12 - Kashibo-Kakataibo Biblia

¹² Usa ꞌain ka Moisésnën Israelkama usaía ꞌiti bana ñuixunkin katëkëankëxa: Achúshi achúshi bari ꞌikëbëtan kamina mitsun ñu ꞌapákë tsinasatia bimikë a bixun kamaira ꞌinankimabi Dios achúshi achúshi unin ami ꞌinánkë këñúkëbëtan ꞌinánti ꞌikën, ꞌaínbi kamina uínsaran kara rabë́ ꞌimainun achúshi baritia ꞌia anun ñuñuma unikama ꞌianan levita, ꞌimainun mitsubë tsókë bëtsi menu ꞌikë uni, papañuma tuá xanu raëmëkë akamabi ꞌinánti ꞌain, ax ka uinu ꞌikë ëmanu kara ꞌia anuxunbia atun piti ꞌiti ꞌikën,

Deuteronomio 26:12 ပူးပေါင်းရင်းမြစ်များ

Génesis 47:24

ꞌaínbi kamina faraón ꞌapákëxa tuaia bitankëxun mapai achúshi pisha ꞌinánti ꞌain; ꞌinánkëbëa rabë́ ꞌimainun rabë́ pisha tikikë ax ka ꞌapánan mitsun bëchikëkama ꞌimainun kamabi axa mitsubë tsókë unikamabëtan piti ꞌikën.

Génesis 47:26

Usa ꞌain ka Josénën amiribishi a tanti bana Egipto menu ꞌatëkëankëxa, a banax ka ꞌapu faraón mapai achúshi pisha ꞌinánti kikë ꞌiakëxa. Ënë bana ka bëríbi anu ꞌikën; ꞌaínbi ka sacerdote unikama atun me kupín kupíotima ꞌiakëxa, atun me uínsaranbi ꞌapu faraónan biama ꞌikën.

Hebreos 7:5

Moisés cuënëomiquin ca Nucën Papa Diosan —ësai ca ꞌiti ꞌicë —quixun caquin ësaquin cacëxa: —Abrahamnën rëbúnqui achúshi, Leví cacë, aín rëbúnquicamaxa sacerdote ꞌicë ca Abrahamnën rëbúnquicama raírinën aín ñucama mësú ꞌinánti ꞌicë —quixun. A uni camáxbi Abrahamnën rëbúnqui ꞌaish aín aintsi ꞌixunbi sacerdotecama usaquin aín ñu ꞌinánun ca Nucën Papa Diosan mëníocëxa.

Hebreos 7:9

Usa ꞌain ca ësoquinribi sinánti asábi ꞌicën: Levitan chaitiocë Abraham, an ca Melquisedec aín ñu mësú ꞌináncëxa, ax a meu ꞌixun. Usa ꞌain ca Levitan rëbúnqui, sacerdotecama, a judíos unicaman bërí aín ñu mësú ꞌináncë, acamaxribi Abrahambëtan aín ñu mësú Melquisedec ꞌinánsa ꞌicën.