Deuteronomio 24:3 - Kashibo-Kakataibo Biblia

³ ꞌaínbi ka anribia bitëkënkë ain bënëitsi, anribi a xanu anuxun ꞌatima ñu ꞌatëkënia iskin a kuëënkima achúshi kirika abi ꞌatankëxun ꞌinánkin aín xubunua chikínti ꞌikën, ꞌaínbi ka an bikë uni ax ñukëbëtan,

Deuteronomio 24:3 ပူးပေါင်းရင်းမြစ်များ

Isaías 50:1

Ësai ka Nukën ꞌIbu kia: “¡ꞌËn kana Israel unikama mitsun tita ꞌikëbi rakankë kixun kamina sinánkantima ꞌain, achúshi unin aín xanu ënkin rakankë usaribi okin, usokin ꞌanan karana mitsu ñu mëmikë uni ꞌakësokin ama ꞌain bëtsi uni ribinxun akësokin ꞌama ꞌain! Mitsux kamina mitsun ꞌuchakë kupín marukë ꞌiakën; Israel unikama mitsun titax ka timakin rakankësa ꞌiakëxa, mitsun kakëxunbi ꞌën bana kuaisama tankë kupín.

Mateo 5:31

Moisésnën cuënëo bana ca ësairibi quia: “Ui unin cara aín xanu ëinsa tania an ca —ënë xanu ca bërí ꞌën xanuma ꞌicë —quixun quirica a cuënëoxunti ꞌicën”.

Marcos 10:4

Cacëx ca quiacëxa: —Moisésnëan cuënëo banax ca ësai quin, “ënquin ca unin —ënë xanu ca bërí ꞌën xanuma ꞌicë —quixun quirica ꞌatancëxun ꞌinánquin aín xanu ënti ꞌicë” quiax.

Deuteronomio 24:1

Moisésnën ka amiribishi Israel kama ësokin katëkëankëxa: Uin kara aín xanu kuëënkin aín xanu ꞌiti biti ꞌikën, ꞌaínbi ka aín xanun ꞌixunbi anuxun ñu ꞌatima ꞌaia ax ꞌatima uni ꞌixun kuëënkima, achúshi kirika anbi kuënëoxun ënë xanux ka bërí ꞌën xanuma ꞌikë kixun ꞌatankëxun aín mëkënubi ꞌinánti ꞌikën ꞌinánkin ka aín xubunuaxa chikínun kati ꞌikën.

Deuteronomio 24:2

Usakian ꞌakëx aín bënëbë ënanani ka aín xubunuax chikíkëa bëtsi unin anun kuënkin bikëxbi ka asábi ꞌiti ꞌikën;

Deuteronomio 24:4

ax pain aín bënë ꞌia anbi aín xanu ꞌiti bitëkëinsatankibi, bëtsi unin bikëxun ñu ꞌatima ꞌakë a mëníokakëma ꞌikë bitima ꞌikën; ax ka achúshi ñu usai uni ꞌiti Nukën ꞌIbu kuëënkëma ꞌikën, usa ꞌain kamina Nukën ꞌIbu Diosan ꞌinánti me anuax mitsux usai ꞌi kuankantima ꞌain.