Deuteronomio 18:18 - Kashibo-Kakataibo Biblia

¹⁸ ꞌËn kana atunuaxa achúshi uni an ꞌën bana ñuiti uni ꞌimiti ꞌain, min ꞌakësarabi okin an bana ñuixunun ꞌimiti ꞌain, an ka mitsun aintsibi ꞌixun ꞌën kakë banakama mitsu ñuixunti ꞌikën, ꞌimainun ka ꞌën kakë banakama abi mitsu ñuixuntëkënti ꞌikën.

Deuteronomio 18:18 ပူးပေါင်းရင်းမြစ်များ

Salmos 110:4

Nukën ꞌIbux ka sinanatëkëntima oi kiaxa, usa ꞌain ka kana ꞌaima kikínma asérabi kana ꞌati ꞌai kiaxa, Mix kamina sacerdote xënibua ꞌaínbi ꞌiti ꞌain, Melquisedec ꞌiásaribiti ꞌiti ꞌain.

Salmos 2:6

ꞌën kana axa ꞌapu ꞌiti uni anëan, usa ꞌain ka aín bashi upí Sión kakë anu ꞌapu ꞌiti ꞌikën.

Éxodo 4:12

Usa ꞌain, kamina kuanti ꞌain, ꞌën kana Egipto menuax banakëbë mibë ꞌixun, usakinmi kati bana mi ꞌunánmiti ꞌain.

Éxodo 4:15

Usa ꞌain kamina abë banakin kamabi ꞌën mi kakë banakama ñuixunti ꞌain; usa ꞌain kana ꞌëx abë ꞌianan mibëribi unikama kaimi banakëbë mi rabëbë ꞌiti ꞌain, usa ꞌixun ka mi ñuikin an unikama kati ꞌikën, ꞌën kana usakian ñukama ꞌanun ꞌunánmiti ꞌain.

Isaías 50:4

Nukën ꞌIbun ka ꞌë ñu ꞌunánmiaxa atsánkë unikama bana ñuixunkin kuëminun. ꞌIanan ka pëkarakëma ꞌain ꞌaínshi ꞌëa kakëxun munu aín bana kuanun ꞌë kaxa.

Jeremías 1:9

Usa ꞌain ka Nukën ꞌIbun aín mëkën mëshpakin ꞌën kuëbí mëëkin ꞌë kaxa:

Amós 2:11

Usa ꞌain ka israel unikama mitsunu an Dios kikë bana ñuikë unikama ꞌianan Diosan aín uni ꞌiti kaiskë unikama ꞌaíma ꞌiakëxa kiax kisama ꞌikën. ꞌËx min ꞌIbu ꞌaish kana asérabi ësai kin.

Malaquías 3:1

Nukën ꞌIbu kamabi kushiñu ax ka ësai kia: “ꞌËn kana an ꞌën bana ñuiti uni xutin, usa ꞌixun ka unikama ꞌën bana ñuixunkëx bai mëniokësa ꞌitánun sinanamikin ñuixunti ꞌikën. Nukën ꞌIbu Dios ami mitsun kainkë ax ka ënuax basimashi anuxun a rabiti xubunu bëbati ꞌikën. ¡A mitsun kainkë uni ax ka uisai kikë kara achúshi ñu ꞌakë kikë bana ax ꞌikë kixun, anbi mitsu ñuixuni aia!”

Números 23:16

Kabiania kuankëbë ami chikirakëtëkënkin ka Nukën ꞌIbun Balaam usakian Balac kati bana kakëxa. ꞌImainun ka ësokinribi kakëxa: —Anua ꞌikë anu kuantankëxun kamina Balac ꞌën mi kakësabiokin kai kuanti ꞌai kixun ka kakëxa.

Números 23:5

Ësokian kakëxun ka Nukën ꞌIbun usakian katánun kixun. Balaam kakëxa: —Amiribishi anua ꞌikë anu kuanxun kamima ꞌën mi kakë banakama a Balac kai kuanti ꞌain.

Lucas 24:19

Quixuan cacëxun ca Jesusan cacëxa: —¿Añu ñui cara quicanx? Quia ca cacëxa: —Nazaretnu ꞌicë Jesús, a ñui ca quicanxa. An ca Nucën Papa Dios ꞌimainun unicamanribi iscëxun upí oquin Nucën Papa Dios quicë bana uni ñuixuanan aín cushínbi uni itsin ꞌacëma ñu ꞌaxa.

Juan 1:21

Cacëxun ca cacëxa: —¿Ama ꞌaish caina ui ꞌain? ¿Elías caina ꞌain? Quixuan cacëxun ca cacëxa: —ꞌËx cana ama ꞌain. Cacëxun ca ñucátëcëancëxa: —¿An Nucën Papa Dios quicë bana unicama ñuixunti uni, axa uti a caina mix ꞌain? Cacëxun ca —ama cana ꞌai —quixun cacëxa.

Juan 1:25

Usa ꞌixun ca Juan catëcëancëxa: —¿Mix Cristoma ꞌianan Elíasma ꞌianan an Nucën Papa Dios quicë bana unicama ñuixunti, axa uti ama ꞌixunbi caina min uisa cupí unicama ꞌunpaxan nashimin?

Juan 1:45

Usaquian Jesusan cacëx cuanxun ca Felipenën Natanael cacë uni bariquin mëraquin cacëxa: —A ñuiquian Moisés ꞌimainun an Nucën Papa Diosan sinánmicëxun uni bana ñuixuncë unicaman cuënëo, a uni cananuna mëran. Ax ca Jesús, Nazaretnu ꞌicë uni, Josénën bëchicë, a ꞌicën.

Juan 12:48

An ꞌë timaquin ꞌën bana cuaisama tancë uni ax ca ꞌën bana quicësa oquin ꞌacëma cupí, ënë mecama cëñúti nëtën ꞌuchocë ꞌiti ꞌicën.

Juan 15:15

Usa ꞌain cana ꞌën ñu mëëmicë uni camina ꞌai quixun mitsu caiman. An ñu mëëxuncë unin ca uisoquin ñu ꞌati cara an ñu mëëmicë unin sinania quixun ꞌunanima. ꞌËbë nuibanancë unicama camina ꞌai quixun cana mitsu cain. Usa ꞌicë cana ꞌën Papan ꞌë cacë ñucama mitsu ꞌunánmian.

Juan 17:18

Minmi ënë nëtënu ꞌicë unicama mimi sinánun ꞌaquinun ꞌë xuásaribi oquin, cana ënë unicama mimi sinánun unicama ꞌaquinun xutin.

Juan 4:25

Cacëxun ca xanun cacëxa: —Mesías, Cristo cacë, ax ca uti ꞌicë quixun cana ꞌunan. Ax uquin ca nun nu ꞌunánun camabi ñu ñuixunti ꞌicën.

Juan 8:28

Cuatiama ca Jesusan cacëxa: —Uni ꞌinux Nucën Papa Diosnuax uá ꞌicë ꞌë inu matástancëxun camina ui carana ꞌëx ꞌai quixun ꞌunánti ꞌain. ꞌUnánan camina, ꞌënbi sinánquin ꞌaquinma cana ꞌën Papan cacësabi oquin ñu ꞌai quixun ꞌunánti ꞌain. ꞌËn Papan ꞌë cacësabi oquin cana unicama cain.

Hechos 3:22

Moisésnën ca bëráma nucën rara judíos unicama ësaquin cacëxa: “An ꞌë ꞌimicësaribi oquin ca Nucën ꞌIbu Diosan mitsun rëbúnqui achúshi an ax quia bana unicama ñuixunti ꞌimiti ꞌicën. ꞌImicëxuan an atu cacësabi oi ca mitsun rëbúnquicama ꞌiti ꞌicën.

Hechos 7:37

Usaquin caxun ca ësaquinribi Estebanën catëcëancëxa: —Moisés ax ca an Israel unicama ësaquin cá a ꞌicën: “An ꞌë ꞌimicësaribi oquin ca mitsun rëbúnqui achúshi, an ax quicë bana unicama ñuixunti uni Nucën Papa Diosan ꞌimiti ꞌicën. ꞌImicëxuan an atu cacësabi oi ca ꞌicanti ꞌicën”.

Deuteronomio 18:15

Usa ꞌaínbi ka Nukën ꞌIbu Diosan mitsunuaxa achúshi uni an Dios kikë bana ñuikë ꞌën mitsu ñuixunkësaribi okían ñuixunun ꞌimiti ꞌikën, aka mitsun rëbúnki kaman aín bana tanti ꞌikën.

Deuteronomio 33:5

ꞌinánkin ka anua Israelkaman kushibu timë́kë anuxun atun ꞌapu ꞌixun, israel unikama ñakaitsi ñakaitsi timë́kë akamaribi ꞌinánkëxa.

Deuteronomio 34:10

Usa ꞌaínbi ka uínsaranbi Israel menu bëtsi an Nukën ꞌIbu kikë bana uni ñuixunkë axa Moisés ꞌikësaribiti aín ꞌIbubë aín ꞌunánkë unibë uni banakësai ꞌikë ꞌaíma ꞌiakëxa,

1 Timoteo 2:5

Nucën Papa Dios ax ca achúshishi ꞌicën. An abë́a camabi uni upí ꞌinun ꞌimiti axribi ca achúshishi ꞌicën, a uni ca Jesucristo ax ꞌicën.

Hebreos 7:22

Usa ꞌain ca an Moisésnën cuënëo bana cuacë uni ꞌiásamaira oi an Jesús ñuicë bana cuacë uni Nucën Papa Diosan iscëx upí ꞌia.