Deuteronomio 18:16 - Kashibo-Kakataibo Biblia

¹⁶ Ënëx ka asérabi ꞌikën, mitsux kamina anumi aín bashi Sinaí kakë anu timë́xun Dios ñukati kamina ësai kikankën: bërí kananuna amiribishi Nun Diosan kakëxun kuatëkëinsama tanin, ꞌimainun kananuna chaiira ꞌinuan tsi rëkirukësai ꞌikë aribi bamatima kupín istisama tanin kiax kiakën.

Deuteronomio 18:16 ပူးပေါင်းရင်းမြစ်များ

Éxodo 20:18

Kamabi israel unikaman ka kaná banakë a kuanan manë banañu bana okë aribi bana oia kuakëxa, kuanan ka mëríru mëriruia ꞌikë a isanan aín bashinua kuin këxtuira ꞌibúkin mapuruia isakëxa; isi rakuë́ti ka aín bashi ꞌura atux ꞌiakëxa.

Éxodo 20:19

Usai ꞌikëbë rakuë́kin ka Moisés kakankëxa: —Min ishi kamina nu kati ꞌain; ꞌaínbi ka Diosax nukamabë banatima ꞌikën, nux këñutima kupín.

Jeremías 1:9

Usa ꞌain ka Nukën ꞌIbun aín mëkën mëshpakin ꞌën kuëbí mëëkin ꞌë kaxa:

Deuteronomio 1:6

Nukën ꞌIbu Diosan ka aín bashi Sinaí kakë anuxun ësokin nu kakëxa: Mitsux kamina ꞌitsa baritia ꞌimi aín bashi tanain ënu ꞌian.

Deuteronomio 10:4

Anuxun ka Nukën ꞌIbun maxá pará rabë́ anu mapai rabë́ axa kikësabi oi ꞌiti aín bana kuënëokëxa, a paian aín bashinuxun nukamax timë́kë ꞌain tsi rëkirukësa mëuxun ꞌa usabi ꞌitánun. Kuënëoxun ꞌë ꞌinánkëxa,

Deuteronomio 9:10

Usai mapërakëax anu ꞌikë ka Nukën ꞌIbu maxá pará rabë́ anu aín banakama kuënëokë a ꞌë ꞌinánkëxa, ax ka nuxnu aín bashi Sinaí anu timë́kë ꞌain ka a nëtën tsi rëkirukësa a mëuxun nukama kakë bana a ꞌiakëxa.

Hebreos 12:19

Manë bana ocë sharatia camina cuama ꞌain. Cuatíma ꞌianan camina Nucën Papa Dios banaiaribi cuama ꞌain. Nucën Papa Dios banacëbëa ꞌaisamaira ñu ꞌia isquin ca nucën raracaman racuë́quin Moisés cacëxa: —Nux bamatima cupí camina minbi Nucën Papa Diosan cacëxun nu cati ꞌain.