Deuteronomio 13:6 - Kashibo-Kakataibo Biblia

⁶ Bërí kana achúshi achúshi mitsu kain, min xukë́n apan ꞌianan ꞌanáka, mitsun bëchikë bëbu ꞌianan xanu ꞌianan ami kuëënkë min xanu, ꞌimainun abëmi nuibanairakë uni, ꞌianan mitsun papanbi bëtsin kuanumashi kakëxunbi kamina ꞌatima ꞌain,

Deuteronomio 13:6 ပူးပေါင်းရင်းမြစ်များ

Génesis 16:5

Usai ami nishia ꞌunánkin ka Sarainën aín bënë Abram kakëxa: —¡Min ꞌucha kupí ka Agarnën ꞌë ꞌatima okin isia! ꞌËnbi kana min xanua ꞌinun mi ꞌinan, usa ꞌaínbi ka bërí achúshi tuáñu ꞌikuani ꞌësamaira ꞌisatania. Usa ꞌain ka Nukën ꞌIbux kiti ꞌikën uix kara ꞌuchaxa kixun nu kati ꞌikën.

2 Samuel 1:26

ꞌAisamaira kana mi sinani masá nuituti bëunan mëskutin. ¡Jonatán ꞌën xukë́n ꞌakësamaira okin kana mi nuiban! ¡Min kamina ꞌitsaira ꞌë ꞌupíira okin nuiban! ꞌËx kana ꞌën xanu ꞌakësamaira oi mibë nuibanankën.

1 Reyes 18:40

Ësai kikania ka Elíasnën atu kakëxa: —¡An bana ñuikë unínbi anëkë Baalnën unikama kamina ñatankanti ꞌain, achúshirabi abátanun kamina ënkantima ꞌain! Kakëxun ka unikaman atu ñatankëxa, ñatankë ka Elíasnën Quisón kakë xëxanu buánxun anuxun atu kamabi ꞌamiakëxa.

Job 31:27

ꞌaínbi kana uínsaranbi unëxun rabianan, ꞌën mëkën bëtsuku kakin tanxuama ꞌain.

Éxodo 32:27

Timë́kë ka atu Moisésnën kakëxa: —Ësai ka Israel unibunën Dios kiaxa: Mikaman achúshi achúshinën kamina mitsun manë xëtokë bibiani anumi ꞌikënu kuantankëxun, xëkuëtibi nirakëkin min aintsi ꞌibu an ñu ꞌatima ꞌakë ꞌanan bëtsi unikamaribi ꞌanan min ꞌunánkë ꞌimainun axa mi rapasu ꞌikë kamaribi ꞌati ꞌain.

2 Corintios 5:16

Bëráma uni isquin, ax ca unishi ꞌicë quixun sinan ꞌixunbi cananuna bërí, uisa uni cara, —axribi ca Jesucristonan ꞌiti ꞌicë —quixun sinanin. Usaribi oquin —Cristo ax ca unishi ꞌicë quixun sinan ꞌixunbi cananuna bërí Cristo ax ca asérabi Nucën Papa Diosan Bëchicë, an nu ainan ꞌinun ië́micë, a ꞌicë quixun ꞌunanin.

Gálatas 2:4

Usa ꞌaínbi ca a cushi unicaman ꞌë uisaquin cacëbëmabi, nuxnu anu timë́anbi ax isa Jesucristomi catamëcë ꞌicë quibi cëmëcë unicama, axribi anu atsíancëxa. A unicamax ca, judíosma unicama ca Jesucristomi catamëcë ꞌaish judíos unicama ꞌicësai ꞌinun ꞌunántioracacë ꞌiti ꞌicë quixun nu sinánmisa tani, uisa cupí caranuna judíosma unicama ꞌunántiocë ꞌinun ꞌimicëma ꞌai quixun isi uacëxa. A unicaman, judíosma uniribi ca ꞌunántiocë ꞌiti ꞌicë quixun caquin nu sinánmisa tancëbëtanbi ca axa Jesucristomi catamëcë unin cushicaman Tito, ꞌunántioracamicëma ꞌicëbi nu uisaquinbi cáma ꞌicën.

Efesios 4:14

Usai ꞌi cananuna bërámanu ꞌiásaribiti bërí ꞌitima ꞌain. Bërí cananuna tuáxunratsunën unín paráncëxun sinánbëquincësa ꞌaish unín bëtsi bëtsi bana ñuixunquin paráncëxun amanua amanua sinani usaribi ꞌitima ꞌain. An uni paráncë unicaman cëmëquin nu paránquin ñu ꞌatima ꞌanun quixun ꞌimicëx usai ꞌiá ꞌaíshbi cananuna bërí usai ꞌitëcëntima ꞌain.

Deuteronomio 13:2

ax kikësabi oí asérabi ñu ꞌikëbëtan ka mitsu kati ꞌikën: ¡Asabi ka, bërí kananuna anu kuanxun nun ꞌunánkëma; bëtsi dios rabi kuanti ꞌain!

Deuteronomio 13:7

a dios kamax ka mitsu ꞌurama ꞌikë ëma kamanuxun rabikë a ꞌikën, usa ꞌaish ka mitsu ꞌurama ꞌianan mitsu ꞌura ꞌixun, mekamanuxun amo amoxun mikama bëararati ꞌikën,

Deuteronomio 18:20

ꞌAínbi ka ꞌën bana ñuikë uni ꞌixunmabia an ꞌën kakëxunmabi bana ñuikë, a ꞌimainun bëtsi dios ñuikin uni bana ñuixunkë a unikamax ka ꞌakë ꞌiti ꞌikën.

Deuteronomio 19:19

bëtsi uni ꞌatima oti sinanx ami këmëi manánkë uni axbi ꞌatima okë ꞌiti ꞌikën. Usakin ꞌakëbë ka an ñu ꞌatima ꞌatishi sinánkë uni raíri ax mitsunu ꞌaíma ꞌiti ꞌikën.

Deuteronomio 24:7

ꞌIanan ka uin kara aín aintsi ꞌikëbi Israel uni achúshi anbi ñu mëëmikatsi kixun ꞌanan maruti sinánxun maruti ꞌikëbi mërakë uni ax ka ꞌakë ꞌiti ꞌikën, usokin ꞌakëx ka an ñu ꞌatima ꞌakë unikamax mitsubë ꞌikë ꞌaíma ꞌiti ꞌikën.

Deuteronomio 8:14

anun rabiti kamina nux kananuna ñuñuira ꞌai kixun sinánkin Nukën ꞌIbu Dios an Egipto menua tëmërakin ñu mëëiabi mitsu chikían ami manutima sinánti ꞌain;

Colosenses 2:4

Cristonan ꞌicëa bëtsi unin paránquin mitsu ꞌatimaquin sinanamiti rabanan cana mitsu ësaquin cain,

2 Pedro 2:1

Usa ꞌaínbi ca ꞌiacëxa, uni raíri, an —Nucën Papa Dios ca usai quia —quixun cëmëquin anbi sináncë bana nucën raracama ñuixuncë. Usaribiti ca an mitsu bana ñuixunti uni cëmëquin parani mitsubë ꞌiti ꞌicën. Atúnbi sinánxun ca Nucën Papa Diosan banamabi ꞌatima bana ñuixunquin, Nucën ꞌIbu Jesucristo ami catamëtia uni Nucën Papa Diosnan ꞌiti, ami catamëaxma ꞌinun quixun ñuixunquin uni sinanamiti ꞌicën. Usaquin ꞌacë ꞌaish ca a unicamax bënëtishi cëñúti ꞌicën.

Apocalipsis 12:9

Anua atux ꞌiti ꞌaíma ꞌain ca pianancë ñuina chaira maxë capë́sa a aín ángelcamacëñunbi Nucën Papa Diosan chiquínxun menu niaxa. A capë́sa ñuina ax ca an bëráma Nucën Papa Diosan uniotabatia uni paran ꞌaish ñunshin ꞌatimanën ꞌapu, Satanás, an camabi menu ꞌicë unicama paráncë a ꞌicën.

Apocalipsis 13:14

Parúnpapanuax uaxa ꞌirucë ñuinacanꞌëon ismainun, usoquin ꞌanúan Nucën Papa Diosan ëncëxun ca unían iscëma ñu ꞌanan acëma ñuribi ꞌaquin, ënë menu ꞌicë unicama paránxa. Paránan ca a ñuinacanꞌëo parúnpapanuax uaxa ꞌirucë axa manë xëtocën motisama oquin tëacë ꞌaíshbi mocë, abi tanquin a iscësaribi ꞌitánun ꞌanun uni ꞌamiaxa.

Apocalipsis 20:3

Usoquin nëatancëxun ca quini chaira anu nipáxa. Nipátancëxun xëpuquin ca uinu ꞌicë unínbi xëocaisama oquin ꞌunántioxa. Anuaxa unicama parántëcënux chiquitima, anu mil baritian sipuacë ꞌinun ca ángelnën a capë́sa ñuina nëaxun quini chairanu nipáxun xëpuaxa. Usaquin nipácë ꞌaish ca mil baritia ꞌicëbëtan chiquíncë ꞌiti ꞌicën, ꞌuráinra ꞌinuxmabi.

Jueces 2:13

Nukën ꞌIbu rabiti a ënkin ka Baal kakë dios akëñun bëtsi ñukama Astarté kakë dios an isa ꞌakinia kixun sinánkin aribi rabikin pëuxun bëtsi ñukamaribi rabiakëxa,

Jueces 5:8

“Usa ꞌain ka raíri unikama an bëtsi dios rabiti kuëënkë anu ꞌain, atux xëkuënua ꞌakanantishi ꞌiakëxa. Usa ꞌixun ka uínbi aín manë pará ꞌimainun aín paka pia xëtokë achúshirabi cuarenta mil uni ꞌixunbi Israel unibunën ami katamënuxun biama ꞌikën.

1 Samuel 18:1

Usa ꞌain ka David ꞌimainun Saúl banatankëx sënë́nkëbë, Jonatán upiti Davidbë ꞌunánankëxa, usai ꞌiax ka upiti nuibanairakëxa.

1 Samuel 18:3

Anuax ka uínsaranbi ënanantëkënuxma ꞌunánankatsi kiax Jonatán ꞌimainun David kanankëxa, usai kanantankëx ka Jonatán ꞌimainun David ꞌitsaira bëruanankëxa.

1 Samuel 20:17

ësai ka Jonatán ꞌitsaira David nuibakë ꞌixun, ax ꞌikësabiokin nuibakin bërúain, amiribishi uisaxi sinanatëkëntima oi kítëkëankëxa.