Deuteronomio 13:4 - Kashibo-Kakataibo Biblia

⁴ Usa ꞌain kamina Nukën ꞌIbu Dios ashi an kakësabiokin ꞌakin; ax kikësaibi oi ꞌikin a bana kuakin ashi rabikanti ꞌain.

Deuteronomio 13:4 ပူးပေါင်းရင်းမြစ်များ

2 Reyes 23:3

Usokin ꞌatankëx ka ꞌapu anua xubu nitsínkë itá puntë nirakëti ax irapain Diosan kuamainun, an a banakama kikësabiokin ꞌakin asérabi ax kikësabi oi ꞌiti bana ꞌimainun a tanti banakama Moisésnën kirikanu kuënëo akama upíira okin ꞌakatsi kiakëxa. Kia ꞌapu sënë́nkëbë ka kamabi unikama timëkamë ꞌëokë atúxribi usaribi okin a bana ꞌakatsi kiax kikankëxa.

Jeremías 7:23

ꞌAínbi kana ësaia ꞌën bana tani ꞌikanun kakën; ꞌëx atun Dios ꞌimainua atux ꞌën unikama ꞌinun kixun kana kakën. Usai ꞌia ꞌën kakësabi oi ꞌikëbë ka mitsun ꞌakë ñukama upí ꞌiti ꞌikën.

Miqueas 6:8

Ënë ñukama ꞌaxunti ka Dios kuëënima, an ka nukama kaxa uisa ñux kara upí ꞌikën, ꞌimainun uisa ñu nun ꞌaxunti kara ax kuëënia: ax ka ësa ꞌikën, bëtsi unikamabë upí ꞌiti, uisa ñu ꞌakatsi karanuna kia usakinbi ꞌati, ꞌimainun an kakësabiokin ꞌanan ax kikësabiokin ñu ꞌati.

Lucas 1:6

Zacarías ꞌimainun Elisabet a rabëtax ca Nucën Papa Diosan iscëx aín nuitu upí ꞌiacëxa. Upí ꞌixun ca Nucën ꞌIbu Diosan banacama cuaquin an cacësabi oquin upí oquin ꞌacëxa. Usa ꞌain ca uinu ꞌicë uníxbi a ꞌatimaquin ñui ami manánma ꞌicën.

Romanos 6:13

Cristonanma ꞌixun uisa ñu cara ꞌatima ꞌicë quixun ꞌunánquinbi ꞌá ꞌaíshbi camina Cristo cupí Nucën Papa Diosan uni ꞌaish usai ꞌiman. Usa ꞌaish camina mitsux Nucën Papa Diosbë ꞌitimoi bamati ꞌiá ꞌaíshbi bërí aín uni ꞌaish ax cuëëncësabi oi ꞌiti ꞌain. Usa ꞌixun camina mitsun mëcën, mitsun taë, mitsun namicama anun ñu ꞌaisama ꞌaquinma Nucën Papa Dios cuëëncë ñuishi ꞌati ꞌain.

1 Corintios 6:17

Usa ꞌaínbi ca uinu ꞌicë unix cara Nucën ꞌIbu Jesucristonan ꞌicë, an sináncësaribi oquin sinani abë achúshisa ꞌicën.

Deuteronomio 10:20

Usa ꞌain kamina Nukën ꞌIbu Dios ashi rabianan ënkinma ax kuëënkësabi okinshi ꞌakánti ꞌain, ꞌimainun kamina sinántëkëntima asérabi aín anën ishi kana ñu ꞌati ꞌai kiti ꞌain.

Deuteronomio 30:20

usa ꞌain kamina Nukën ꞌIbu Dios nuibati ami katamëkin ax kikësabiokin ꞌati ꞌain, usakin ꞌai kamina ꞌitsa baritia a me ꞌinánnuxua sinanatëkëntima okin Nukën ꞌIbun nun chaitiokë Abraham Isaac ꞌimainun Jacob ka a menu ꞌiti ꞌain kixun ka Moisésnën kakëxa.

Deuteronomio 6:13

Usa ꞌain kamina Nukën ꞌIbu ashi rabianan ax kuëënkësa okinshi ñu ꞌaxúnti ꞌain, ꞌimainun kamina sinanatëkënkinma asérabi aín anëinshi ñu ꞌati ꞌain.

Deuteronomio 6:5

Min ꞌIbu Diosmi kamina asérabi kuëëni këmëima sinánti ꞌain, usai ꞌi kamina ami katamëti ax kuëënkësabi ꞌoíshi ꞌiti ꞌain.

Colosenses 1:10

Mitsux usai ꞌi camina Nucën ꞌIbu Jesucristonan ꞌaísha uni ꞌicësai ꞌiti ꞌain. Usa ꞌaish camina ax cuëëncësabi oquinshi ꞌaquin, uisa ñu cara upí ꞌicë ashi ꞌanan, asérabi mitsun nuitu mëu upí oquin Nucën Papa Dios ꞌunánti ꞌain.

2 Juan 1:6

Asérabi Nucën Papa Diosmi sináncë unin ca axa quicësabi oquin ꞌaia. Aín banax ca quia, camina bëtsibë bëtsibë nuibananti ꞌai quiax. Jesucristomi catamëtabaquinmi cua, abi ca a bana ꞌicën.

1 Samuel 7:3

Usa ꞌain ka Samuelnën kamabi israel unikama kakëxa: “Mitsun asérabi mitsun nuitubëtanbi sinánkin a rabikin kamina bëtsi menu tsókë unikaman rabikë diosmi rabikankë a ënkin mitsun ꞌarakakë Astarté tankin ꞌakë a bixun nikanti ꞌain, usakin ꞌatankëxun kamina Nukën ꞌIbu rabikin ax kuëënkësabi okin ꞌakánti ꞌain. Usakin ꞌakëxun ka mitsu filisteo unikama ꞌatima oia chikínti ꞌikën.”