Deuteronomio 12:9 - Kashibo-Kakataibo Biblia

⁹ Usa ꞌaínbi kamina anu mitsux upitax bukukanti Nukën ꞌIbu Diosan mitsu ꞌinánti me anu bëbakëmapain ꞌikanin.

Deuteronomio 12:9 ပူးပေါင်းရင်းမြစ်များ

1 Reyes 8:56

¡Nukën ꞌIbu Dios ax ka upíokin rabikë ꞌiti ꞌikën, an ka aín unibu Israelkama añu ꞌakinux kara kiakëxa akamabi asérabi upiti bukunun ꞌakiankëxa! Usa ꞌixun ka an ꞌakatsi kia ñukama achirabi ꞌaíma ꞌikima kamabi ñu aín uni Moisés kásabiokin ꞌakëxa.

Salmos 95:11

Usai ꞌia atu isi nishi kana kiakën, ꞌën kana a ꞌinánuxun atu ká me anu tsónuxa atsínun ꞌimitima ꞌain.

Jeremías 31:2

Ësai ka Nukën ꞌIbu kiaxa: “Anu uni ꞌikëma menuxun kana bamatinuaxa ië́kë unikama ꞌëx kana nuibanan irakë, ꞌai kixun ꞌunánun atu ꞌakiankën. Uínsaran kara Israel unikaman anu atux upiti tanti baria anun kana,

Miqueas 2:10

¡Usa ꞌain kamina bërí nirukiani ënuax kuankanti ꞌain! Ënë mex ka anumi mitsux tantikanti ama ꞌikën. ꞌËn kana anuxumi mitsun ꞌatima ñuishi ꞌai ꞌëmi manukankë kupí, asérabi ꞌatimokin ënë me masóti ꞌain.

Deuteronomio 12:8

Usa ꞌain kamina mitsun a menuxun ënuxunmi ꞌakësa okin, mitsun ñuina amanuxun xarotima ꞌain.

Deuteronomio 4:21

ꞌAínbi ka Nukën ꞌIbun mitsun ꞌucha kupí ꞌëmi nishkin ꞌëx isana Jordán kakë baka a sikatima ꞌianan a ꞌinánuxun ka me upí anu bëbatima ꞌai kixun ꞌë kakëxa.