Deuteronomio 12:5 - Kashibo-Kakataibo Biblia

⁵ ꞌAínbi kamina mitsun aintsi ñaká achúshi anu tsókë me a Nukën ꞌIbun kaísa anu xubusa okin chupa ꞌatankëxun anuxun ashi rabi kuanti ꞌain.

Deuteronomio 12:5 ပူးပေါင်းရင်းမြစ်များ

1 Reyes 12:27

ënë unikamax ka Jerusalénnu ꞌikë anuxun Dios rabiti xubunuxun ñuina xaroi kuanti ꞌikën. Kuania Roboam Judánu ꞌikë ꞌapu an upíokin nuibakëxun tankin maxatan ꞌë rëbiani ka Roboamnu rikianti ꞌikën.”

1 Reyes 8:16

A nëtën ꞌën Israel unikama Egipto menua chikínbëtsinkin bëkin kana uinu ꞌikë Israel ñaká kamanuabi an anuxun ꞌë rabiti xubu ꞌaxúnun kixun kaisama ꞌain. ꞌAínbi kana David ashi ax ꞌapu atsíntankëxuan Israel ꞌën unikama ꞌakinun kaisakën.

1 Reyes 8:20

Usa ꞌain ka Diosan usaía ënë ñukama ax kiásabi oi ꞌinun ꞌimiaxa. Usa ꞌain kana ꞌën papa Davidtan ꞌama ꞌikëbi anuxun Dios rabiti achúshi xubu an Israel unibu ꞌikë nu ꞌakian Dios ꞌaxuanan bërí Israel unikaman ꞌapu ꞌëx ꞌain.

1 Reyes 8:27

ꞌAínbi kara ¿asérabi Dios ënë menu tsóti ꞌik? Naíkamë ꞌëo axbi ka chaiira ꞌaíshi mibë sënë́nma ꞌikën, ¡usa ꞌaínbi kana ꞌën unikama anuxun mi rabiti achúshi xubu ꞌaxunun ꞌamian!

1 Reyes 8:29

Min kamina nëtën ꞌimainun imë́ribi uisa ñu kara anuxun mi rabiti xubu ënuax ꞌia akamabi isti ꞌain, mix kamina anu ismina ꞌiti ꞌai kiax kian. Ënuxun ꞌëx min uni ꞌixun mi ñukamainun kamina ꞌën bana kuati ꞌain.

2 Reyes 18:22

Mitsun kamina ꞌë kati ꞌain: nukaman kananuna Nukën ꞌIbu Dios ishi rabin kixun, ¿uisa kupí kara Ezequíasnën anuxun mi bërámabi mitsun Dios rabiakama a rurupatankëxun, Judánu ꞌikë unikama ꞌimainun Jerusalénnu ꞌikë unikama atun Jerusalén nuxuinshia rabinun kixun kain?

Esdras 3:2

Usa ꞌain ka Josué kakë uni Josadac aín bakë bëchikë ꞌimainun abëtan ñu mëëkë sacerdotekaman, Zorobabel Salatielnën bakë bëchikë ꞌimainun aín aintsikama timë́xun anuxun Israel kaman Dios rabikin ñuina xaroti ꞌakë ꞌikëbi rurupakin masókan, ꞌikëbi amiribishi a tanti bana Moisés Diosan uni ax kiásabiokin ꞌatëkëankëxa.

Esdras 6:12

¡ꞌImainun ka Diosan Jerusalénnu ꞌikë unikama atunbia aín anë rabinun kaisa anbi uinu ꞌikë ꞌapun kara axa kikë bana a kuaisamatankin ax kikësabiokin ꞌaisama tankin anuxun Dios rabiti xubu Jerusalénnu ꞌaiabi ꞌatima okin ëmitisa tania ax ꞌatimokë ꞌiti ꞌikën! ꞌËx ꞌapu Darío ꞌaish kikë bana ax ka anuxun ꞌën pëukë anuxunbi upíira okin unin tankë ꞌiti ꞌikën.

Esdras 7:17

Buánkë a kuríkinën kamina vaca bërí kanikë aín bënë, ꞌimainun carnero bërí kanikë akama anun maruti ꞌain, maruxun kamina akama këñun trigo a ꞌimainun uvas baka akama Jerusalénnu ꞌikë anuxun Dios rabiti anua ꞌikë anuxun xaronun ꞌinánti ꞌain.

Nehemías 1:9

ꞌaínbi kamina ësokinribi kakën, mitsun mi ꞌëmi sinanakin ꞌën bana kikësabiokin ꞌatëkënkin a tania kana uinu ꞌikë menu kara bëtsi unikaman buánkëxa anuabi mi timë́nun ꞌimitëkënkin, uinu karana anuxun ꞌë rabiti xubu ꞌati ꞌën kaisakë anubi mitsu bëtëkënti ꞌain.

Éxodo 15:2

ꞌËx ami kantaia ka kuatia, an ka ꞌë kushionan ië́miaxa, ax ka Dios ꞌën a rabiti ꞌikën. Ax ka ꞌën papan Dios ꞌikën, usa ꞌikë kana asábi ka kakin rabiti ꞌain.

Éxodo 20:24

Anuxun ñuina xaroti achúshi ꞌakin kamina mebi chaiorukin ꞌati ꞌain, ꞌatankëxun kamina ꞌë rabikin achúshi fiesta ꞌakin mitsun ꞌarakakë ñuina rëtankëxun ꞌaímai këñutanun mitsun ꞌucha kupín ꞌanan anuxun ñuina xaroti ꞌain. Usakin ꞌaia kana ꞌën upíokin sinánxunkin uinu ꞌikë menuxunbi kara aín ñuina ꞌëmi sinánkin xara oia a menuxun ꞌakinti ꞌain.

Jeremías 26:2

ësokin kakëxa: “Anuxun ꞌë rabiti ꞌën xubunu ꞌikë me mëníokë anu nirakëxun, kamina ꞌën mi kakë banakama axa Judá menu ꞌikë ëmakamanuax anuxun ꞌë rabiti ꞌën xubunu ukë unikama kati ꞌain. Kakin kamina kamabi ꞌën mi kakë banakama a ñuixunkin tëokima kati ꞌain.

Jeremías 7:12

Anuxun ꞌë rabiti xubu Silónu ꞌikë anuxun pain ꞌë rabikin pëukan a karana ꞌën uni Israelkaman ꞌucha kupí uisokën, kixun kamina anu kuantankëxun isi kuanti ꞌain.

Jeremías 7:14

Usa ꞌain kana anuxun ꞌë rabiti xubu Silónu ꞌikë ꞌásaribiokin, bërí anuxun ꞌë rabiti xubu ënë mikama ꞌimainun mitsun chaitiokëkama ꞌinan amimi mitsux katamëkankë ënë ꞌati ꞌain.

Deuteronomio 12:11

usa ꞌain kamina mitsun uinu kara Diosan anuxun a rabiti me kaisia anuxun xubusa okin chupa ꞌakë a nantëkëni anuxun kamina Dios ꞌaxunkin ñuina xaroti ꞌain, raírinëan ꞌaímai këñutanun ꞌamainun ka, raírinënribi ꞌaimairai këñutanuma xuiti ꞌikën, ꞌimainun ka atun ñu ꞌapákë kamaira ꞌinankima uiti ꞌitsa kara ꞌinánti ꞌikë atishi ꞌinánti ꞌikën, ꞌinámainun ka uin kara manë panshíanën kupíoia an kupíomainun, ka uin kara a ꞌinánti nanxa akamaribi ꞌinánti ꞌikën.

Deuteronomio 12:13

ꞌImainun kamina Nukën ꞌIbumina bëtsi menuxunbi ñuina rëxun raroxuni bërúankati ꞌain;

Deuteronomio 12:18

ꞌImainun kamina Nukën ꞌIbu Diosan isnun ꞌakin mitsun uinu kara an kaisia, anuxun Diosan ismainun ꞌakin mitsun bakë bëchikëkama ꞌimainun an ñu mitsu mëëxunkë ꞌimainun mitsun aintsi levita unikama atubëbi timë́xun mitsun ñu ꞌapákë ꞌain bimi bixun pi kuëënti ꞌain.

Deuteronomio 12:4

Usa ꞌain kamina mitsun Nukën ꞌIbu Dios, atúan aín dioskama rabikësa okin rabitima ꞌain.

Deuteronomio 26:2

a menu ñu ꞌapáxun ax pain tsinasati bimikë a bitankëxun pëkëtia kaki achúshi, uinu kara anuxun a rabiti xubusokin ꞌati Diosan kaisaxa a menu ꞌatankëxun anu uanti ꞌikën.

Deuteronomio 31:11

usa ꞌain ka Israelkamaxa xubusa okin ꞌakë anuxun Dios rabiti anu timëkankë ꞌain ka usai ax kikësabi oi ꞌiti bana kuënëokë a kamabi unían kuamainun ñuiti ꞌikën.

Colosenses 2:9

Cristonëx ca uni ꞌicën, ꞌaíshbi ca uisaira cara Nucën Papa Dios ꞌicë usaribi ꞌicën.

Hebreos 12:22

Mitsux camina aín bashi Sinaí anuaxa Nucën Papa Dios baná anu cuanma ꞌain. Bëráma camina mitsux Nucën Papa Dios rabinux Sión cacë matá, anua Jerusalén ꞌicë, anu cuancën. Usai ꞌiá ꞌaíshbi camina Jesucristonan ꞌaish, uinu caramina ꞌai anuax, Nucën Papa Dios axa bamatimoi naínu ꞌicë Jerusalén aín nëtënu tsócë, abë banain. Anuxun ca ꞌitsaira ꞌixun aín ángelcama timë́xun a rabia.

Apocalipsis 14:1

Usaquin istancëxun istëcënquin cana Carnero ꞌicësaribitia unin ꞌucha cupí bama, a matá me Sión cacë, anua Jerusalén ꞌicë, anu nicë isan. ꞌËn iscëx ca abë ꞌaisamaira uni, ciento cuarenta y cuatro mil (144,000) unicama, axa aín bëmánanu Cristonën anë ꞌimainun Nucën Papa Diosan anënribi cuënëocë, a unicamax ꞌiaxa.