Deuteronomio 12:2 - Kashibo-Kakataibo Biblia

² Usa ꞌain kamina a menu ꞌikë unikama abë ꞌakanankin këñutankëxun anuxuan atun dios a rabikë, ain bashi, matá me ꞌimainun in papa pëñanakëkë a tëmúxuan atun, dios rabikë akama këñuti ꞌain.

Deuteronomio 12:2 ပူးပေါင်းရင်းမြစ်များ

1 Reyes 3:2

Usakin ꞌakinbi anuxun Dios rabiti xubu sënëonkëma ꞌain ka anuxuan bëtsi dios rabikin ñuina axun xaroxuan aín bashi anuxunbi Dios rabikin, unikaman ñuina xaroxuankëxa.

2 Reyes 23:13

ꞌAmianan ka ꞌapu Josíasnën an Diosan bana kuakëma unikama anu timë́ti amiaxa bari urukë Jerusalénnu ꞌikë Olivos kakë aín bashi abu bari kuankë anu ꞌapu Salomónnën Israel kaman ꞌapu ꞌixun Astarté kakë diosa sidonia unikaman ꞌaxuan, ꞌimainun Quemós kakë dios moabitakaman rabia, ꞌimainun Milcom, amonitakaman rabia akama masónun ꞌamiakëxa, ënë ñukama ka Dios asérabi an kuëanma ꞌikën.

Jeremías 2:20

Bërí ka ꞌitsabaritia anun mitsun ꞌën bana kuaisamatani ꞌikan ꞌikën, usai ꞌi kamina ꞌëbë ënanankësa ꞌiakën, ꞌianan kamina ꞌë rabitisama tani ꞌikankën. Usai ꞌikin kamina ꞌë kakën: Bërí kananuna min kakësokin ꞌatima ꞌai kixunribi ꞌë kakankën. ꞌIanan ka kamabi aín bashi manámi ꞌikë ꞌimainun i pëñanakëkëkama tëmúxun, xanun uni aín nami ꞌami ꞌikësaishi niakën.

Oseas 4:13

Usa ꞌain ka aín bashi manan kuaruxun aín rëbu anuxun sanuira ro a xaronan ꞌaímai këñutanun ñuinaribi xaroia, ꞌimainun ka i roble kakë pëñanakëkë ꞌianan álamos kakë i ꞌimainun muxañu ikama aín tupën tëmúxun ñuina xaroia. Usa ꞌain ka mitsun ini bëchikëkaman bëtsi bëtsi uni aín nami ꞌamia, ꞌimainun ka mitsun bakë bëchikënën xanu min piakakamaribi atun bënë ëanx bëtsi unibë ꞌia.

Números 22:41

Usakin ónkë pëkarakëbëtan ka Balacnën bibiankin Balaam matán me Bamot-baal kakë anu mapërakëxun kamaira iskinmabi anua Israel unikama bukukë aín xubu ismiakëxa.

Deuteronomio 7:5

Usa ꞌain kamina mitsun unikamabë mëskúti sinánkinma anuxua atun dios rabikin ñuina xarokëkama a rurupakin ꞌanan maxákama ꞌimainun upíirabu okin i tëakë a këñuanan anuxua bëtsi ñukamaribi rabikë a këñutanun xaroti ꞌain.

Jueces 2:2

usa ꞌain kamina mitsun ënë menu ꞌikë unikamabëtan achúshi ñubi ꞌakatsi atubë kanantima ꞌain, usai ꞌikinma kamina kamabi atun anuxun ñuina xarokëkama a rurupati ꞌain. ꞌAínbi kamina ꞌën kakëxunbi kuaisama tankën, ¡Usa ꞌain kamina añu kaina mitsun ꞌa kixun sinánti ꞌain!