Deuteronomio 12:11 - Kashibo-Kakataibo Biblia

¹¹ usa ꞌain kamina mitsun uinu kara Diosan anuxun a rabiti me kaisia anuxun xubusa okin chupa ꞌakë a nantëkëni anuxun kamina Dios ꞌaxunkin ñuina xaroti ꞌain, raírinëan ꞌaímai këñutanun ꞌamainun ka, raírinënribi ꞌaimairai këñutanuma xuiti ꞌikën, ꞌimainun ka atun ñu ꞌapákë kamaira ꞌinankima uiti ꞌitsa kara ꞌinánti ꞌikë atishi ꞌinánti ꞌikën, ꞌinámainun ka uin kara manë panshíanën kupíoia an kupíomainun, ka uin kara a ꞌinánti nanxa akamaribi ꞌinánti ꞌikën.

Deuteronomio 12:11 ပူးပေါင်းရင်းမြစ်များ

1 Reyes 12:27

ënë unikamax ka Jerusalénnu ꞌikë anuxun Dios rabiti xubunuxun ñuina xaroi kuanti ꞌikën. Kuania Roboam Judánu ꞌikë ꞌapu an upíokin nuibakëxun tankin maxatan ꞌë rëbiani ka Roboamnu rikianti ꞌikën.”

1 Reyes 8:13

ꞌAínbi kana ꞌën achúshi xubu anumi ꞌiti mi ꞌamixuan anu kamina nëtë xënibua ꞌaínbi ꞌiti ꞌain.

1 Reyes 8:16

A nëtën ꞌën Israel unikama Egipto menua chikínbëtsinkin bëkin kana uinu ꞌikë Israel ñaká kamanuabi an anuxun ꞌë rabiti xubu ꞌaxúnun kixun kaisama ꞌain. ꞌAínbi kana David ashi ax ꞌapu atsíntankëxuan Israel ꞌën unikama ꞌakinun kaisakën.

1 Reyes 8:29

Min kamina nëtën ꞌimainun imë́ribi uisa ñu kara anuxun mi rabiti xubu ënuax ꞌia akamabi isti ꞌain, mix kamina anu ismina ꞌiti ꞌai kiax kian. Ënuxun ꞌëx min uni ꞌixun mi ñukamainun kamina ꞌën bana kuati ꞌain.

2 Reyes 18:22

Mitsun kamina ꞌë kati ꞌain: nukaman kananuna Nukën ꞌIbu Dios ishi rabin kixun, ¿uisa kupí kara Ezequíasnën anuxun mi bërámabi mitsun Dios rabiakama a rurupatankëxun, Judánu ꞌikë unikama ꞌimainun Jerusalénnu ꞌikë unikama atun Jerusalén nuxuinshia rabinun kixun kain?

Esdras 6:12

¡ꞌImainun ka Diosan Jerusalénnu ꞌikë unikama atunbia aín anë rabinun kaisa anbi uinu ꞌikë ꞌapun kara axa kikë bana a kuaisamatankin ax kikësabiokin ꞌaisama tankin anuxun Dios rabiti xubu Jerusalénnu ꞌaiabi ꞌatima okin ëmitisa tania ax ꞌatimokë ꞌiti ꞌikën! ꞌËx ꞌapu Darío ꞌaish kikë bana ax ka anuxun ꞌën pëukë anuxunbi upíira okin unin tankë ꞌiti ꞌikën.

Salmos 100:2

Kuëënkin ka Nukën ꞌIbu rabikan; ¡usai ꞌika munuma banai kuëëni kamina anuxun a rabiti xubunu rikuatsinkanti ꞌain!

Salmos 116:17

Usa ꞌain kana, ꞌëmi ñukama ꞌaxunkë a kupín ñuina rëxun xaroxunkin, asabika kakin min anë rabikin mi ñukáti ꞌain.

Salmos 66:13

Usa ꞌain kana bërí anuxun mi rabiti xubunu atsínxun ꞌaímai këñutanun ñuina rëxun mi xaroxunti ꞌain; usakin kana ꞌën mi ꞌaxunuxun kakësabiokin mi ꞌaxunti ꞌain,

Jeremías 7:12

Anuxun ꞌë rabiti xubu Silónu ꞌikë anuxun pain ꞌë rabikin pëukan a karana ꞌën uni Israelkaman ꞌucha kupí uisokën, kixun kamina anu kuantankëxun isi kuanti ꞌain.

Deuteronomio 12:13

ꞌImainun kamina Nukën ꞌIbumina bëtsi menuxunbi ñuina rëxun raroxuni bërúankati ꞌain;

Deuteronomio 12:14

usakin ꞌakin kamina uinu ꞌikë menuxun ꞌanun kara Diosan kaisakëxa, anuxuinshi ꞌakin anua bëtsi unikama tsóa me anuxun ꞌati ꞌain, anuxun kamina ꞌën mi kakësabiokin ꞌati ꞌain.

Deuteronomio 12:18

ꞌImainun kamina Nukën ꞌIbu Diosan isnun ꞌakin mitsun uinu kara an kaisia, anuxun Diosan ismainun ꞌakin mitsun bakë bëchikëkama ꞌimainun an ñu mitsu mëëxunkë ꞌimainun mitsun aintsi levita unikama atubëbi timë́xun mitsun ñu ꞌapákë ꞌain bimi bixun pi kuëënti ꞌain.

Deuteronomio 12:21

Anuxun a rabiti xubu ꞌatia Nukën ꞌIbu Diosan mitsu ꞌura kaisa me anu ꞌaínbi kamina a ꞌura ꞌixunbi anuxun mitsun ꞌarakakë, vaca ꞌimainun ovejakama Nukën ꞌIbu ꞌinánkëkama a rëxun piti ꞌain, anumi mitsux ꞌikë me anuxunbi, usakin ꞌai kamina xubusa okin chupa ꞌakë anu kuantima ꞌain.

Deuteronomio 12:26

ꞌAnan kamina Dios ꞌinaishiti sinánxun nankë ñukama a ꞌimainun Nukën ꞌIbu ꞌinánuxun sinánkë akamabi uinu kara anuxun a rabiti xubusa okin ꞌati an kaisia anu atankëxun nanti ꞌain,

Deuteronomio 12:5

ꞌAínbi kamina mitsun aintsi ñaká achúshi anu tsókë me a Nukën ꞌIbun kaísa anu xubusa okin chupa ꞌatankëxun anuxun ashi rabi kuanti ꞌain.

Deuteronomio 26:2

a menu ñu ꞌapáxun ax pain tsinasati bimikë a bitankëxun pëkëtia kaki achúshi, uinu kara anuxun a rabiti xubusokin ꞌati Diosan kaisaxa a menu ꞌatankëxun anu uanti ꞌikën.

Deuteronomio 31:11

usa ꞌain ka Israelkamaxa xubusa okin ꞌakë anuxun Dios rabiti anu timëkankë ꞌain ka usai ax kikësabi oi ꞌiti bana kuënëokë a kamabi unían kuamainun ñuiti ꞌikën.

1 Samuel 1:21

Anëan ka Elcaná aín aintsikamabëbi Silónu kuankëxa, kuanxun ka anuxun ax kikësabiokin ꞌakin, rëtankëxun ꞌaímai këñutanun baritia tibi ꞌakësabi okin ñuina xaroi kuankëxa;