Deuteronomio 12:10 - Kashibo-Kakataibo Biblia

¹⁰ Usa ꞌain kamina Jordán kakë baka shitákiani kuantankëxun a me anu tsónuxun, binux abë ꞌakanankin anu ꞌikë unikama maëmitankëxun an mitsu ubioti uni ꞌaíma ꞌaimi upitax anu bukukanun bitsi kuanti ꞌain,

Deuteronomio 12:10 ပူးပေါင်းရင်းမြစ်များ

1 Reyes 8:56

¡Nukën ꞌIbu Dios ax ka upíokin rabikë ꞌiti ꞌikën, an ka aín unibu Israelkama añu ꞌakinux kara kiakëxa akamabi asérabi upiti bukunun ꞌakiankëxa! Usa ꞌixun ka an ꞌakatsi kia ñukama achirabi ꞌaíma ꞌikima kamabi ñu aín uni Moisés kásabiokin ꞌakëxa.

Éxodo 33:14

Ësokian kakëxun ka Nukën ꞌIbun kakëxa: —ꞌËnbi kana mitsu kuania buani usa ꞌain kamina ꞌaisamaira okin sinani bënëtima ꞌain.

Proverbios 1:33

ꞌaínbi ka uin kara ꞌën kakëxun ꞌën bana kuaxa, ax kuni ꞌupitax chuámarua tsóti añu ñu ꞌatimamibi rakuë́tima ꞌikën, kiax ka an ñu ꞌunánkë unikama kiakëxa.

Jeremías 23:6

A nëtëkama ax ꞌapu ꞌain ka, Judá menu ꞌikë unikama ꞌië́mainun, Israel unikamaribi uínbi ubíokëma upitax tsóti ꞌikën. Ësokin anëkë ka ꞌiti ꞌikën: Nukën ꞌIbu ax ka an nu ië́mikë ꞌikën.”

Ezequiel 34:25

ꞌËn kana ꞌën unikamabëtan achúshi ñu ꞌati ꞌain, usakin ꞌakëbë ka atux upitax tsóti ꞌikën. Usai ꞌikëbëtan kana raëkëma ñuinakama a menuax nëtënun ꞌimiti ꞌain, usakin ꞌimikëbë ka ꞌën ꞌarakakë ñuinanëxa aín pastonu bukukë usaribiti uinu kara tsotia anu upiti ꞌuxi bukuti ꞌikën.

Ezequiel 34:28

Usa ꞌain ka bëtsi ëmanu ꞌikë unikaman atu ꞌibuatëkëntima ꞌikën, ꞌimainun ka raëkëma ñuinakamanribi atu pitëkëntima ꞌikën. Usa ꞌain ka uínbi rakuëokëma upitax tsókanti ꞌikën.

Deuteronomio 33:12

Usa aín ka Benjamín ñui ësai kiakëxa: Nukën ꞌIbun nuibakë uni ax ka upitax tsotia; usa ꞌikë ka Diosan ënkinma abi mitsu ꞌakinti ꞌikën. ¡Usokin an ꞌakinkëx ka upitax bukuti ꞌikën!

Deuteronomio 33:28

Usa ꞌain kamina mitsux Diosan ꞌakinkëx ami katamëti tsóti ꞌain, ꞌimainun ka mitsun rëbúnkikamaribi uínbi ubíokëma upitax bukui kuëënun ꞌimiti ꞌikën. ꞌImianan aín menu atun ꞌapákëx trigo a piti ꞌaisamaira ꞌianan ka a xëati uvas baka ꞌakë aribi ꞌaisamaira ꞌiti ꞌikën, usai ꞌikëbë ka ꞌuíribi a menu an ñu ꞌapákëkama chabóti ax ꞌibutíma ꞌima ꞌibúti ꞌikën.

Deuteronomio 4:22

Usa ꞌain kana ënë me Moab kakë ënuaxbi ñui Jordán kakë baka a mitsubë sikarakëkiani kuantima ꞌain, usa ꞌain kamina mitsuxëshi kuantankëxun me upíirakama a bitsi kuanti ꞌain.

Deuteronomio 9:1

Amiribishi ka Moisésnën Israel unikama ësokin kakëxa: ꞌën mitsu kamainun kamina kuakanti ꞌain, Israel unikama anúnmi Jordán kakë baka sikarakëti kuani kuanti nëtë ka ꞌurama ꞌikën, anu ꞌikë ëmakamax ka chaiirabu ꞌimainun ka anu tsókë unikamaxribi mitsubë sënë́mabuira kushiira ꞌaish nun titikaisamabu ꞌikën, ꞌimainun ka atun ëmakama axribi chaiorukin kënëabu ꞌikën;

Josué 3:17

Usakian Jordán kakë baka ëskinun ꞌimikëbë Israel unibu sikarakëmainun ka sacerdote unikama anua a tanti Diosan bana ꞌikë bunántisa okin ꞌakë, kurin ratakakakë buánkë unikama ax Jordán kakë baka ë́skia me rakákë a nëbëtsi kamabi uníxa sikarakëmainun nirakëakëxa.

Josué 4:12

Kuankëbë ka atu kaxuribi axa ꞌakánanti ꞌunáinrakë unibu Rubénën rëbúnki, akamabë Gadnën rëbúnki ꞌimainun Manasésnën rëbúnkikama ꞌitsamashi akamaribi. Anúan ꞌakánanti mëníokëishi ꞌaish sikarakëkiani Israel unibu kuankëxa, usaía ꞌinun Moisés kiásabi oi ka usai ꞌiakëxa.

1 Samuel 7:12

Usakin ꞌan ka Samuelnën achúshi mapara chaiira bixun Mispá kakë ëmabëa Sen kakë me sënënakëkë anu nitsíankëxa, nitsintankëxun ka Eben-ézer kakin anëakëxa anëi ka ësai kiakëxa: “Bërí ka ënuxun Nukën ꞌIbun nukama ꞌakianxa kiax kiakëxa.”